اسعارالولاده بالمستشفيات الخاصة(تم تجميع المواضيع المتشابهه)

[جوري الكويت]

للرفع

 

[حنطاويه كويتيه]

يعطيكم العافيه خواتي

انا انشالله حاطه ابالي اولد بدار الشفا سألت عن الميني سويت ليلتين شامل كل شي مع التأمين 590 دينار صراحه حده السعر زين واذا تبين ليله زياده 80 حقج و23 حق البيبي...

ولادتهم ماشالله وعنايتهم روعه اختي ولدت مرتين صراحه حيل خدمتهم راقيه​

 

[تاجي الفضيلة]

طووووووووووووووط

خبر عاجل توه دقيت على رويال حياة بسال عن اسعار شهر 4
قالو العرض مددوة لي 30/4

 

[hopfull]

و عليكم السلام



الولادة الطبيعية:

بغرفة خاصة 450 دينار
بغرفة جونيور 490 دينار
بغرفة ميني رويال 527 دينار
بالجناح الملكي 727 دينار
بالجناح الامبراطوري 1227 دينار

اذا كانت الولادة الطبيعية متعسرة او ولادة توأم يضيفون 50 دينار على سعر كل غرفة

الايام المجانية يومان

الولادة القيصرية ( لأول مرة ):

بغرفة خاصة 850 دينار
بغرفة جونيور930 دينار
بغرفة ميني رويال 1110 دينار
بالجناح الملكي 1410 دينار
بالجناح الامبراطوري 2450 دينار

اذا كانت الولادة القيصرية بتوأم يضاف 50 دينار

الولادة القيصرية لعدة مرات :

بغرفة خاصة 970 دينار
بغرفة جونيور 1050 دينار
بغرفة ميني رويال 1230 دينار
بالجناح الملكي 1530 دينار
بالجناح الامبراطوري 2570 دينار

يضاف 50 دينار في حالة ولادة توأم

الايام المجانية 3 ايام

المبالغ الاضافية:اسعار الغرفة لليلة واحدة اضافية

بغرفة خاصة 60 دينار
بغرفة جونيور 80
بغرفة ميني رويال 100
بالجناح الملكي 200
بالجناح الامبراطوري 450


سعر ابرة الظهر 85 دينار
عند طلب طبيب استشاري 50 دينار
اذا تمت الولادة في غرفة الولادة الخاصة 60 دينار
سعر طهور الطفل اثناء الاقامة 29 دينار

الادوية الروتينية:

بقيمة 20 دينار مجانا للولادة الطبيعية و المتعسرة
بقيمة 40 دينار مجانا للولادة القيصرية

اللي اعرفهم ولدوا في دار الشفا ارتاحوا بولاداتهم
بس الولادة حظوظ

مشكورة قلبي الصراحه الاسعار وايد تشجع اني اولد هناك واخذ الملكي بعد خاصة اني قيصريه و يمدحون دكتور حسام
وودي اعرف احسن دكتور تخدير عشان ابرة الظهر؟؟؟؟؟؟؟

 

[غلاتي غلا]

بنات الله يعافيكم ابي اسعار الهادي اذا ماعليكم امر

 

["*آآآنؤؤؤقهـ*"]

أب
أب
أب
أب

 

[روعة خيال]

انا ان شاء الله بروح للسلام و السيف و رويال حياة و المواساة و اشوفلكم الاسعار

 

[Good Enough]

طووووووووووووووط

خبر عاجل توه دقيت على رويال حياة بسال عن اسعار شهر 4
قالو العرض مددوة لي 30/4

انزين انا حسابي ع الدورة 28-4

بس على السونار 1-5

يعني شسوي خخخخخ

تعالوا بنات .. صج يصير نحجز من الحين حق الولادة على فترة العرض ؟؟ عشان اذا خلص العرض وولدنا عقبه الا عندنا حجز بسعر العرض ؟؟

 

["*آآآنؤؤؤقهـ*"]

أنا
حسابي
ع
آخر
دوره
27*4

والدكتوره

3*5

 

[Good Enough]

- آخــر أخبــار عرض رويال حياة -

اليوم رحتلهم و عطوني بروشور ثاني مكتوب ان فترة العرض

من تاريخ 9 مــارس الى 31 مــااايـــو

اشــوا يعني نلحق ع العرض لمن نولد خخخخ

 

[خشف بدو]

اصلا دايم رويال عرض خواتي كل يولدون وكل وحده شهر غير عن الثاني وكلهم يحصلون العرض...اصلا لو ماعندهم العرض محد بيولد عندهم لان اسعارهم غاليه..هذا استنتاجي خخخخخخخ

 

[Good Enough]

^

اي والله اصدقين

حتى امس كنت رايحه مع اختي بوريها غرفه كاميليا .. قلت للرسبشن نبي نشوف كاميليا

قالت كاميليا الحين فــل ماكو ولا وحده فاضيه !

 

[عمشه المنتفشه]

انا من اسبوعين والده بدار الشفا

اول ولاده لي بالامبراطوري نسيت جم اتوقع جنه 1600 طبعا قبلها قعدت بجونير وغير جذي الدكتور كان مو وقت دوامه خذوا مني 50 دينار زياده



هالمره ولدت بالملكي طلع علي 900

الغرفه يومين ولاده طبيعيه 727

الدكتور اخذ 50 لان كانت ولادتي الفير وكان بالبيت

غرفة ولاده خاصه 60

طبعا اذا خذيتي الامبراطوري يحسبولج الغرفه الخاصه مالت الولاده ببلاش

وخذيت الميني رويال ليله قبل لا اروح للملكي عشان ارتاح وثاني يوم اروح الملكي اسوي استقبال

الغرفه 80 وحضانة البيبي 23

السيرفس 30

وبعد ماذكر الاضافات

بس صراحه المستشفى رووعه والخدمه اروع

دكتور حسام كامل روووعه هالدكتور يزاه الله خير

 

[غالية22]

بنات منو جربت مستشفى السيف؟؟ شلون ولادتهم؟؟ واسعارهم

 

[Good Enough]

هذي اسعار السيف

http://www.q8yat.net/showthread.php?t=586887

 

[tooti2]

السلام عليكم

انا معاي وحده بالدوام ممرضه بالمدرسه
وعندها وقت فراغ كبيييير ومحتاجه شغل
وهي مو كويتيه مصريه وطلبت مساعده مني انها اشوف اذا احد محتاج ممرضه
قتلها اشوف بنات المنتدي اكيد فيهم البركه واحط بياناتج وهذي بياناتها للامانه وتقدرون تكلمونها

بياناتها بالتفصيل


ممرضه مصريه تطلب عمل في الرعاية المنزليه

لسيدة مسنه او طفل حديث الولاده
او اي نوع من انواع المباشرة والتمريض

مواعيد العمل 2 ظهرا الى 10 مساءا
او 8 مساءا الى 6 صباحا

للتواصل

الممرضة سلوى

99982612

 

[وادي الامان]

أنا بصراحة أستغرب من الحريم إلي تدور على أكشخ مستشفى ولا أغلى مستشفى عشان بس لا قولوا وين ولدت قالت........../ يعني العقل يقول الحرمة العاقلة المفروض تدور على الدكتور الزين الممتاز إلي يحسن التصرف في المواقف الصعبة لا سمح الله وتعرضت لها وهي في حالة ولادة ماتدري هي بتعيش ولا الله لاااايقوله! وكل شي على الله أولا وأخيرا . تسلم أمرها لله وتتوكل على الله وتدور على إلي ترتااااح له. والله يسهل علييييييكم.
على فكرة بهواني بالهادي ممتازة .. حتى خياااطها يجنن! والله إني صرت أحسن من يوم إني بنت !!!! عندي 4اسم الله عليييهم ويخليييهم لي قولواا آميييين. وكلهم عندها ماشاء الله.:friends:eh_s(9):

 

[وادي الامان]

إي على فكرة خذوا مني تقريبا 530 طبعا لأنه معاي مرافق بالغرفة وخياط تجميلي! بس هذا بعد الخصم حق زوجي لأنه من الحرس الوطني. والحجي هذا شهر 7 -2009:eh_s(9):

 

[أم وهابي (عبير)]

- آخــر أخبــار عرض رويال حياة -

اليوم رحتلهم و عطوني بروشور ثاني مكتوب ان فترة العرض

من تاريخ 9 مــارس الى 31 مــااايـــو

اشــوا يعني نلحق ع العرض لمن نولد خخخخ

يعني مددو العرض ؟؟؟:eh_s(9):
لي نهاية شهر 5 ؟؟؟
ان شاء الله الله يسمع منج لان انا قيصرية بشهر 5

 

[om fahad]

عرض جناح دسمان
سعر الليله الاضافي /قيصرية (4 أيام) / بالمساعده (يومان)/ طبيعي (يومان)/ جناح دسمان
960/3845 / 2250 / 2195 / دسمان 3
880/3565 / 2090 / 2035 / دسمان (2-4)
800/3285 / 1930 / 1875 / دسمان (7-8)
720/3005 / 1770 / 1715 / دسمان (1-5-6)