اسعارالولاده بالمستشفيات الخاصة(تم تجميع المواضيع المتشابهه)

[3rosa]

بنات تدرون انه مستشفى السلام ما في خصومات الوزارات تقول بس على الولادة ما في خصومات لكن على الباجي في

 

[رزوونة]

بنات يعني رويال حياة أسعارها بالخصم قريبة من أسعار السلام ولا بعد أغلى؟؟؟
مين تعرف لأني ما فهمت 350 بعد الخصم تشمل شنو؟

 

[فنر الايمان]

تشمل ولادةبدون الدكتوره يعني زيدي 250لي300 حسب ماتاخذ دكتورتج

 

[رزوونة]

شكرا كتيرعردك فنر الايمان.....

 

[LUXURY]

أم عفاف ما قصرتي
انا اذا باولد مره ثانيه باخذ الامبراطوري بالشفا واسوي استقبالي ومابي احد اييني البيت لان حييييييل تعبت المره اللي طافت من الزواوير

 

[LUXURY]

بنات اليوم ريلي كان بدار الشفا يبارك حق ولد خاله مرته والده قالي ان فتحوا غرفه يديده وزينوا الاجنحه وزادوا الديكورات بس الاسعار صارت دبل
يعني الاسعار للغرف اللي قبل قيصري صارت الحين للطبيعي واذا الولاده قيصريه زياده

 

[فنر الايمان]

العفوو رزوونه

 

[nazek_q8]

كل شي زاد سعره يت على الولاده وغرفها

الله يعيين المعاش

 

[3rosa]

الله يعينا الين الولاده بنقد بالمساجد انطر افلوس حق الغرف

 

[LUXURY]

احس يعني الاسعار شئ مو طبيعي بالخاص لما زادوهم
يعني يا نكون مليونيريه علشان نولد عندهم والا نولد بالحكومه؟؟؟
انا قاعده افكر اذا باولد مره ثانيه ان شاء الله باروح المواساة غرفة الفلورال تهببببببببل وتشيل ناس اكثر من الملكي اللي بالشفا وبنفس السعر 1500 اذا دكتورتي من بره
انا كنت حاسبه حسابي الامبراطوري بس دام زادوا اسعارهم باروح المواساة خل يولون

 

[أم غايب]

انا توني والده بالشفا ملكي كلفني 820 دينار بس بدزن ابرة الظهر و بدون غرفة الولادة الخاصه و دكتورتي ليلى اشكناني من بره المستشفى

 

[LUXURY]

اك غايب
غرريبه ريليقبل جم يوم سائل قالوله 1500 طبيعي بالملكي

 

[ام زين العابدين]

انزين المواساه جم اسعارهم ما تدرون ؟

 

[المسكـ]

انا شفت الهادي ويوم بغيت اولد قالوا ان اللي بالدور الرابع مو فاضيه فقلن اشلللللع عالشفااا ورحت ولدت بالامبراطوري وكنت مريضه مصخنه يعني ادوية الكحه والانفلونزا + تكاليف الولاده والطلق صناعي طبعا كلفني 1200 دينار بس شنوووو غرفه ولا اروع وخدمه وصراحه رحت حق رويال حق ولادتي اليايه بس ما افكر اولد الا بالشفاا
الخدمه اتينن الممرضات كل ساعه على راسي قبل وبعد الولاده خدمة الغرف فيها شفتين نهارا ومساء حق الضيوف وفيها جاكوزي <<< خخخخخخخ جني كنت بتسبح وفيها كرسي مساج وحمامي خاص غير مال الضيوف واربع غرف ببعض وحده مطبخ تحضيري ومكان للاكل ووحده لانتظار الرجال ووحده لي ممكن انها تتسكر وتنفصل عن غيرها ووحده للحريم صاله عووده وطبعا الاثات نظيف وروووووووعه اتحسين انج داشه فندق
هذا بالاضافه الى غرفة الولاده اتينن وماتخوف ملووونه وفيها رسومات وسرير خشب وكبت خشب جنها غرفة اطفال والدكتوره اللي ولدتني اسمها مي اتهبل وطبعا بدون شك ولادتي الثانيه هناااك

 

[بدوره[BdBd]]

السلام عليكم .. اليوم الاثنين( 9فبراير 2009 ) كنت في مستشفى السلام وسالتهم عن اسعار الولاده عندهم ...

نوع الغرفه = ( ولاده طبيعيه+يومين) ( ولاده مع مساعده( متعسره)+يومين) ( ولاده قيصريه+4 ايام)

عمومي= 370 - 420 - 665
خاصه2= 400 - 450 - 725
خاصه1= 425 - 475 - 750
ديلوكس2= 465 - 515 - 830
ديلوكس1= 485 - 535 - 870
في اي بي2= 525 - 575 - 950
في اي بي1 = 545 - 595 - 990
ملكي3= 585 - 635 - 1070
ملكي2= 625 - 675 - 1150
ملكي1= 655 - 705 - 1210
جناح السلام2 = 800 - 850 - 1500
جناح السلام1= 850 - 900 - 1600

ملحوضه: يتم اضافة مبلغ 100 دينار كتأمين (( يعني يخصمون اسعار الادويه من التامين ويردون لج الباقي))
يقصدون في العمومي ان الغرفه يكون فيها شخصين او اربع اشخاص

لاتنسوني من صالح دعائكم .. الله يسهل على كل الحوامل ..

 

[ام زين العابدين]

المواساه حبايبي

 

[أم حيدر]

أم زين العابدين المواساة بداية من 1/1/2009 زادو اسعارهم

انا لاني قيصري فاللي أعرفه ان الغرفة العادية 1100 د.ك + ابرة الظهر 85 د.ك شامل 5 ليالي !!!!!!!!

والله كل شي غالي

دقي عليهم ؤقم 25726666

 

[ام زين العابدين]

وايد 5 ليالي ........ انتي عشان قيصري
انا بدق وبشوف
مشكوره قلبي

 

[ستايل]

السلام عليكم ورحمه الله وبركاته

انا توني راده من دار الشفا وهذا شهري وانشالله راح اولد فيه وعرفت اسعارهم اللي هي :
الولاده الطبيعيه :
* الغرفه الخاصه 450
*غرفه جونيور 490
*الجناح الملكي 727
*الجناح الامبراطوري 1227

الولاده المتعسره :
خاص 500
جونيور530
ملكي 777
امبراطوري 1277

الولاده القيصريه :
خاص850
جونيور 930
ملكي 1410
امبراطوري 2450

هذي الاسعار تشمل الولاده داخل المستشفى مع الدكتوره
رقمهم :802555


وانشاءالله اكون فايدتكم ، وابي منكم دعواتكم ان الله يسهل علي

 

[حبـــاري]

حبايبي انا ولدت في مستشفى لندن عند دكتوره سوفييت ( هنديه ) الحمد لله كانت ولادتي سهالات طبعا كانت في شهر مايو 2008 دخلت يوم الأثنين الساعه 9 بالليل خلوني في غرفتي طبعا خذيت الجناح سوبر في اي بي عطوني المغذي و الفحص و الحقنه ( و انتو بكرامه ) و الطلق الصناعي و معى أذان الفجر زاد علي الطلق ودوني على طول غرفة الولاده و يت الدكتوره معاي كانت تتطمن علي طول الوقت ولدت الحمد لله اثناء الولاده حطوا لي كمام و بنج موضعي يبت ولد مثل العسل الحمد لله سميته محمد و الصبح يت دكتورة الأطفال افحصت حبيبي حمودي و قالت لي كل شي تمام و اسالتني اذا اوافق اني اطهره و ان ما في اي مشاكل من التطهير فوافقت و طهروه طبعا ولدت يوم الثلاثه و قعدت لي يوم الاربعاء الصبح الساعه 10 طلعت عطوني ادويه لي مسكن للخياط و مطهر نوعين و مرهم للجرح ولادتي كانت طبيعي و طبعا فطور و غدا و عشا و يوم الاربعا فطور و الخدمه عجيبه من سسترات و خدمت الغرف و الاهم من كل هذا المستشفى هااااادي و راقي و ما في لويه و الدكتوره بعد جبدي و الله تعبتها معاي و انا اصرخ ما ادري ليش تدرون كل هذا بجم ؟؟؟؟؟؟؟؟؟؟ ما تتخيلون طبعا مع ادويه للبيبي و تطهيره و هديه بعد حفاظات لبرو ( ترى غالي مو هين روحوا شوفوه بالجمعيات ) = 370 دفعت منهم 50 دينار حجز للغرفه قبل الولاده باسبوعين محد ياخذ الغرفه تحسباً لأي طارئ علشان سبحان الله يمكن تولدين