اسعارالولاده بالمستشفيات الخاصة(تم تجميع المواضيع المتشابهه)

[حصووونه]

بنات شمعنى لما تيبين دكتورتج من برا المستشفى يعني احسن من اللي بالمستشفى ولا شلون...؟

 

[أحـوآل]

السلام عليكم .. اليوم الاثنين( 9فبراير 2009 ) كنت في مستشفى السلام وسالتهم عن اسعار الولاده عندهم ...

نوع الغرفه = ( ولاده طبيعيه+يومين) ( ولاده مع مساعده( متعسره)+يومين) ( ولاده قيصريه+4 ايام)

عمومي= 370 - 420 - 665
خاصه2= 400 - 450 - 725
خاصه1= 425 - 475 - 750
ديلوكس2= 465 - 515 - 830
ديلوكس1= 485 - 535 - 870
في اي بي2= 525 - 575 - 950
في اي بي1 = 545 - 595 - 990
ملكي3= 585 - 635 - 1070
ملكي2= 625 - 675 - 1150
ملكي1= 655 - 705 - 1210
جناح السلام2 = 800 - 850 - 1500
جناح السلام1= 850 - 900 - 1600

ملحوضه: يتم اضافة مبلغ 100 دينار كتأمين (( يعني يخصمون اسعار الادويه من التامين ويردون لج الباقي))
يقصدون في العمومي ان الغرفه يكون فيها شخصين او اربع اشخاص

لاتنسوني من صالح دعائكم .. الله يسهل على كل الحوامل ..

مشكووره اختي

بس هالاسعار قبل اضافة مبلغ التامين والا انتي حسبتيها من ضمن السعر

يعني اذا باخذ غرفه خاصه 2 تطلع علي 400 بس؟ والا ازيد 100 بعد
واذا كان دكتوري من المستشفى نفسه وانا طالبته بالاسم ياخذون علي فلوس زياده ؟

 

[nhr-36shan]

السلام عليكم
انا حبيت اقولكم عن ولادتي في السلام في شهر8/2008
اخذت غرفه ملكي اللي سعرها 625 وطلبت ابرة الظهر وانا عامله حسابي على800 تقريبا ودخلت غرفه الولادة الساعه 5الفجر وولدت الساعه 3 العصر مع ان مواول ولادة لي:0bee2e8d89:
ونمت عندهم ليلة ولما بغيت ادفع الحساب انصدمت تخيلوا طلع حسابي 1017 وسألت ليش طلعولي بلاوي وبصراحه كانت اتعب ولادة مرت علي
وسلامتكم

 

[{ ليت ظني كآن صآيب }]

بنات دار الشفا يقولون لج الطبيعي بغرفه خاصه ب 450 ولما تولدين وتجين تحاسبين يطلع عليج ب 1200 ليش ؟؟؟؟؟؟


كذا وحده اعرفها يدبلون لها سعر الولاده 2 مرات شدعوا عليهم ....

انا داشه شهري وبولد هناك ان شاء الله بس اخاف اندبس لووووووووووووووووول

يعني الواحد يحط ميزانيته الف وهم مايكفي !!

 

[(رينا)]

جان زين لو كل ووحده تروح تشوف الغرف تصورهم وتحط السعر يكون الموضوع روووووووعه

 

[manarah]

بالنسبه لي توني والده بالهادي وخذيت الغرفه الملكي بس خذيتها 3 ليال مو ليلتين ودكتورتي من بره وكل التكلفه طلعت 1126 ونص والحمدلله العنايه كانت اتهبل والمستشفى بصراحه وايد ممتاز هذي ثاني مره اجربه .

 

[ام زين العابدين]

جم اسعار مستشفى لندن ؟

 

[Q8_ButterFly]

دار الشفا اسعارها نفس ما اهي بس في الدور الثاني مسوين الغرف اليديده ميني رويال وليلحين مو حاطين اسعارهم واهم قالولي جم بس نسيت لوول


وانا لما ولدت ولدي عندهم قعدت 3 ايام بغرفة جونيور ولانه ولدي كان بالشيشه و انا غيرت غرفتي بعد خذوا مني 800 دينار مع ابرة الظهر

 

[DooNy]

مساء الخير

اليوم مريت حماتي والده برويال حياة وأخذت بروشور المستشفى وعروض الأسعار ان شاءالله تفيدكم

العرض ساري من 1 إلى 28/2/2009

ليلي : طبيعية 350 (يومين)
متعسرة 425 (يومين)
قيصرية 700 (4 أيام)
رسوم الغرفه عن كل يوم إضافي 100

كاميليا : طبيعية 700 (يومين)
متعسرة 775 (يومين)
قيصرية 1365 (4 أيام)
رسوم الغرفة عن كل يوم إضافي 300

سعر الغرفه في الليلة في جناح ديزي للأطفال 75

____________________________________________________________

ياسمين : طبيعية 1700 (يومين)
متعسرة 1775 (يومين)
قيصرية 3000 (4 أيام)
رسوم الغرفة عن كل يوم إضافي 550

لوتس : طبيعية 2650 (يومين)
متعسرة 2725 (يومين)
قيصرية 4650 (4 أيام)
رسوم الغرفة عن كل يوم إضافي 900

أوركيد (بدون حديقة) : طبيعية 3200 (يومين)
متعسرة 3275 (يومين)
قيصرية 5500 (4 أيام)
رسوم الغرفة عن كل يوم إضافي 1100

أوركيد (بالحديقة) : طبيعية 3500 (يومين)
متعسرة 3575 (يومين)
قيصرية 6000 (4 أيام)
رسوم الغرفة عن كل ليلة إضافية 1200

سعر الغرفة في الليلة في جناح ميموسا 80

______________________________________________________________

 

[lolo6688]

بنااات منو ولدت بالسلام بجناح السلام ؟
اذا دكتوره من برى جم يطلع التوتل ؟؟؟
وكمامهم قوي ؟

 

[3rosa]

بنااات منو ولدت بالسلام بجناح السلام ؟
اذا دكتوره من برى جم يطلع التوتل ؟؟؟
وكمامهم قوي ؟

اي والله انا ابي اعرف بعد

 

[3rosa]

صور الاجنحه في مستشفى المواساة

جناح كبار الشخصيات

http://www.newmowasat.com/vip-suits.aspx

الاجنحه الملكية

http://www.newmowasat.com/royal-suites.aspx


الاجنحه الخاصة

http://www.newmowasat.com/special-suite.aspx

الغرفه الخاصة

http://www.newmowasat.com/private-rooms.aspx


اتمنى انهم يعجبونكم

 

[بدوره[BdBd]]

هلا احوال حبيبتي .. اسفه عالتاخير .. لا انا مو ضايفه التامين يعني 400 بدون تامين .. والتامين يردونه لج اذا ما احتجتي ادويه يعني يخصمون منه سعر الادويه اللي استخدمتيها و يردون لج الباجي او تزيدين اذا طلعو ادويتج اكثر من 100

 

[lolo6688]

بناات منو مجربه السلام ؟ واذا ابي جناح السلام مع دكتوره من بره جم يطلع
والكمام شلونه او ابرة الظهر عندهم ؟

 

[**أم السنع**]

وآنا بعد حبيت أسأل عن كمام السلام واشلون نظام غرف الولادة كل وحدة بغرفة ولا بارتشن بس؟؟؟؟

 

[فنر الايمان]

شنو اخر اسعار الهادي

 

[nhr-36shan]

انا ولدت بالسلام شهر 8 اللي طاف وحجزت ملكي بس ماكان في ملكي فاضي فحطوني بجناح السلام ليما تفضى غرفه ملكي بصراحه جناح السلام ماعجبني كلش:0bee2e8d89: لونها بني مع اخضر لون كئيب والله وثاني يوم ودوني الملكي بصراحه كان احلى واشرح من جناح السلام بواجد ورتحت فيها اكثر وماجربت كمامهم لاني اخذت ابره الظهربس تعبتني والله لان الظاهر حطوها لي مبجر وبرد الطلق عندي وسعرها 80 وطلع احسابي 1017:krkrkr:مع ان العرض اللي انا ماخذته كان سعر الولادةالطبيعيه بملكي 625 باجي المبلغ طلعولي سوالف مادري عنها
ملاحظه :eh_s(1):بالدور اللي انا كنت فيه كان كل غرفه لها اسم غير عن الثانية بس مادري عن الوانهم واشكالهم اذا يتشابهون او يختلفون غرفه الولادة كل وحدة بغرفه كان معاي زوجي واختي بالولادة

 

[^Missy^]

أنا توني سارلي شهر من ولدت وولاداتي كلها بالهادي اخذت في اي بي غرفة 316 تهبل والخدمه تينن الليله ب120 اعتقد المهم الهادي كل سنة يزيدون 10 على اسعار الغرف المهم الحين غرفهم تبلش من 35 الي اهي العادية حيييل محكر لي الجناح اليديد اسمه جناح الهادي احلى من الملكي الليلة ب300 وطبعا لا تنسين الولادة الطبيعيه سعر وطلق صناعي سعر وولادة طبيعية متعسرة سعر والقيصرية المهم انه الطلق الصناعي 40 دينار والتطهير اعتقد 50 او 40 والكمام مو بروحه ماله سعر عادي مع الولادة وطبعا غرف الولادة خاصه وحلوه وبروحج شوفي تلفزيون لما تولدين لوووول بالنسبة لي ولادتي الاوليه كلفت 600 تقريبا اما الحين وصلت 1000 لاني اخذت طلق صناعي وقعدت 3 ليالي وغرفه في اي بي وسويت عملية تجميلية .. صج ذكرتيني الخياط التجميلي سعر والعملية التجميلية سعر (الي اهي تظييج من داخل وبره)..وسلامتج

 

[3rosa]

الف الحمد الله على سلامتكم

 

[آخر_العنقود]

انا ولدت بالسلام شهر 8 اللي طاف وحجزت ملكي بس ماكان في ملكي فاضي فحطوني بجناح السلام ليما تفضى غرفه ملكي بصراحه جناح السلام ماعجبني كلش:0bee2e8d89: لونها بني مع اخضر لون كئيب والله وثاني يوم ودوني الملكي بصراحه كان احلى واشرح من جناح السلام بواجد ورتحت فيها اكثر وماجربت كمامهم لاني اخذت ابره الظهربس تعبتني والله لان الظاهر حطوها لي مبجر وبرد الطلق عندي وسعرها 80 وطلع احسابي 1017:krkrkr:مع ان العرض اللي انا ماخذته كان سعر الولادةالطبيعيه بملكي 625 باجي المبلغ طلعولي سوالف مادري عنها
ملاحظه :eh_s(1):بالدور اللي انا كنت فيه كان كل غرفه لها اسم غير عن الثانية بس مادري عن الوانهم واشكالهم اذا يتشابهون او يختلفون غرفه الولادة كل وحدة بغرفه كان معاي زوجي واختي بالولادة

من صجج
لا هالكلام مو خوش .... صراحة انا ناوية اروح السلام و طبعا هذي اول مره لان دايما اروح المواساه و احتمال اخذ الملكي في السلام و بعد احتمال ان الولاده اتكون متعسره... بس ما ابيهم يفاجأوني جذي بالسعر صراحة هذا النصب بعينه
و انا بعد بيب دكتورتي من بره يعني الحسابه بتحسب
و لا سمعت ان اللي يدش معاج غرفة الولادة لازم يدفع 100 د صج هالكلام و لا اشاعة؟!