اسعار الولاده عند د.امل الراشد بمستشفى السلام

[madam al fheed]

السلام عليكم ،،،،،
اليوم يايبتلكم اسعار الولاده عند الدكتوره امل عبدالعزيز الراشد بالسلام ومعاها بعض التفاصيل حق اللي حابه تولد عندها او تراجع عندها ومو عارفه اشكثر بتكلفها الولاده على ايدها ..

اول شي المستشفى راح ياخذ منكم تأمين 100 د.ك تحت الحساب على اساس الادويه اللي ممكن تحتاجينها اثناء وبعد الولاده وراح يكتبون لج بالفاتوره جم خذو منهم وجم بقى .
ثانيا اذا ما كنتي ناويه تسوين استقبال وتبين غرفه خصوصي عاديه بالمستشفى اللي اهيا بالجناح الثالث اوالرابع كلهم نفس السعر و سعر الليله 89 د.ك.
الحين انيي لأسعار الولاده مع الدكتوره امل الراشد:

الولاده الطبيعيه 475 د.ك
الولاده الطبيعيه المتعسره ( اللي تستدعي شفط المولود) 555 د.ك
الولاده القيصريه 695 د.ك

طبعا انتي ضيفي سعر الولاده + نوع الغرفه اللي تبينها + التأمين راح تعرفين جم تكلفة ولادتج اذا ما طرأ شي اثناء او بعد الولاده لا قدر الله واحسبو عليج زياده

والله يسهل على كل حامل ويرزق كل وحده بخاطرها الظنى ولا تنسوني من صالح دعائكم

(( اللهم اني استودعك نفسي وزوجي ووالدي وما خلقت في بطني يا من لا تضيع ودائعك ))[/color]

 

[طـير7]

يعطيج العافيه عالموضوع

بس حبيت اسأل انا عندي تأمين

يشمل مراجعات الحمل والولاده

فشلون بتصير الحسبه؟؟

 

[الماس2008]

يالحلوه بس حبيت اسال عن التامين شلون اسوي
انا اراجع عندهم
كم سعر المراجعه مع التامينات
يعني انا ادخل علي الدكتوره ب٢٠ والسونار ب٩
بعد التامينات كم يصر
وووووو ابي تامين شلووون اسويه ووكم ادفع لتامينات

 

["*آآآنؤؤؤقهـ*"]

يعطيج العافيه

هذي هي ماغيرت اسعارهااا غنيه عن التعريف

 

[madam al fheed]

شكرا على المرور حبيبتي بس والله ماعندي فكره عن مميزات التأمين وطريقة الحسبه هذي معلوماتي الخاصه من تجربتي الشخصيه وزودوني فيها المستشفى شوفي تأمينج مع المستشفى راح يفيدونج سامحيني ماعندي هالمعلومه

 

[madam al fheed]

شكرا على مرورج يالغاليه والله مارعندي فكره اتوقع كل وحده وعلى حسب نوع التأمين اللي عندها لان اتوقع النسب متفاوته من تأمين للثاني تقدرين تتأكدين من المستشفى بالتليفون انا سويت جذي قبل ولادتي الاولى ما كنت عارفه الحسبه وفادوني

 

[سنفورره]

التامين مايشمل الولاده انا سالتهم
والتامين عالمرجعات والفحوصات غير شامل الولاده والجرحات

 

[Judy . abbot]

يعطيج العافيه حبيبتي
عاد انا كنت ابي اسعار الولاده عند الدكتوره امل

 

[madam al fheed]

حبيبتي ان شاء الله اكون فدتج بمعلوماتي ولا تنسيني من صالح دعائج

 

[عطرالكلام]

الله يسهل عليكم الولادة

 

[الوردة المكنونة]

مشكوره حبيبتي ما قصرتي

 

[هيللو كيتي]

حبيبتي بسال هذي اسعارها بروحهاا غير سعر المستسفي من غرف وتامين وحضانه وتحاليل؟!؟!

احس اووفر صح؟

 

[أم عزيـز]

التأمين يشمل الولاده
بس شنو تأمينج ؟

لان تأمين القطاع النفطي يغطي ١٥٠٠ دينار مراجعات وولاده واذا في شي زياده تدفعين الفرق

 

[مشتطـه]

أوووووووووووووووووووولااااااااااااا


شددعععععععععععوووووووووووووووه شدعوه

حيل مبالغه بالاسعار
يعني مستشفى السلام احسن الدكاترة فيه ب 285 الطبيعية

أمبي حرام اللي بتولد قيصرية عندها ب700


اشوا اني غيرتها حيل نار الصراحه

 

[ام فوااز]

بصراحه امل الراشد صايره واايد مادية

 

[[[ عيون جابر ]]]

كافي مصاريف المستشفى والولاده وبعد الدكتوره وايد مبالغه بالمبلغ الي تاخذه

 

[Q 8 Y A t]

طيب متى ادفع هذا كله؟؟؟؟

 

[الاخلاص]

طيب انا قيصري وغرفه خاصه عاديه جمممممم تاخذ علي

 

[روعة خيال]

يرحم ايام رويال حياه كانت تاخذ 250 ع الولاده