اسعاف مطلوب فورا .عاجل جدا وين احصل هالكرستالات ولا ترا يصير فيني شي

[مستحية]

سلام بنات

ساعدوني حدي حدي حدي حدي متوهقة شارية صناديق وابي اركب عليهم كرستال لونه أخضر فاتح نفس افتح درجة خضار بستايل المنتدى كنت شارية من سرداب حولي بس خلص اللون اللي ابيه وقرقيعان الاهل عقب باجر ... الصناديق قرعة تنتظر كرستال ... بليز بليز ساعدوني لاتهدوني امي معصبة علي لان مخلية كل شي حده حده بليز مابي اتفشل الحين المطلوب تدلوني على مكان يبيع كرستالات بس ترا مونفس الشوارفسكي اللي يتركب عالخامات هذا بدون صمغ .. انا شريت 1000 حبة ب900 ... يعني شي يتركب عالصناديق بو طقة لووووووووووول وين في مكان ثاني يبيع هالسوالف غير سرداب حولي .. ولاتقولون بلوكات وسوق الصفاة لان كل اللي عندهم في فتحات حق الخيط يعني مال خياطة ... عفية ابي مكان يبيع نفس شغلات سرداب حولي وإذا ساعدتوني راح انزل قرقيعان ولدي تراه شي شي بس دلوني أول شي

 

[مستحية]

بنات شدعوة ردو علي صج صج عاجل كل اللي أبيه عنوان مكان

 

[فرح العجرف]

والله مادري بس ياليت تحطين الصوره علشان اعرفهاا اكثر@@

 

[فرح العجرف]

شوفي راعي الكلف اللي بالفروانيه عند العربيد واللي عند مطعم قيصر@@

 

[مستحية]

مشكورة حبيبتي فرح عالمساعدة بس كل الكلف اللي اروح له يكون فيه فتحات حق الخياط وبحاول انزل الصور الظهر

 

[EL-lolo]

شوفي انا عرفت انتي شنو تبين
تدلين محلات الايرانيين الجملة اللي بالشويخ

 

[EL-lolo]

روحي لي آخر الشارع عاد مو آخر بس انتبهي تلقين مكتبة اهي الوحيدة اللي بالشارع اهي مكتبة واهي اشغال يدوية دشي تلقين اللي تبين انشالله واسعارهم رخيصة بعد
واذا حصلتيهم ادعيلي

 

[شمرية ولي الفخر]

بالجمعية القرين رقم 3 تنباع انا شريت منهم

 

[مستحية]

اللولو مشكورة يا الحلوة عالرد إن شاء الله بشوف امي شكلها بتروح شويخ تشتري من الجملة الحلاو والككاو وهالسوالف .. هو صاير هناك ولا جملة ثاني ؟


شمرية ولي الفخر تسلمين عالتفاعل إذا مالقيت اليوم الصبح شي بروح جمعية القرين بس وين بالضبط داخل الجمعية برا اي صوب ؟