اسعفوني ...دقة ساعة الصفر .. عملية المنظار

[خاينتها دنياها]

اسعفوني ...دقة ساعة الصفر .. عملية المنظار
سلام عليكم ورحمة الله و بركاته

دقة ساعة الصفر ....... اسعفوني مرررره خايفه ..... واسوني ......

الاسبوع الجاي .... بدخل المستشفى بسوي عملية المنظار

لفك التصاقات الرحم و أنسداد الانابيب ...

و انا مره خايفه من العمليه مين سوت العمليه

شنو اخذ معاي بالمستشفى و الاحتياطيات لي اخذها بعد العملية إنشالله

و عشان العطور مابي عملية تلتهب من العطور شسوي

انصحوني بموت من الخوف و كيف دوره بعد العمليه تكون زي النفاس او دوره عاديه

بليز ابي نصايحكم ..

الله يجزاكم خير..

 

[استغفار]

الله يشافيج يا غاليه وان شاءالله العمليه بسيطه لا تحاتين والله يقومج بالسلامه يا غاليه

 

[Q8_QT]

ماعندي فكرة بس تدرين آنا أفكر أسوي منظار بشوف وضع الأنابيب كل وحد يقولي شي

 

[ام رحومي]

الله يعينج انا قالي ونحشت الاسبوع اللي طاف ورحت عمرة توني جايه امس

 

[غلا عيوني]

الله معاج ان شالله ولاتخافين انا مرتين سويتها قبل لااحمل وهي عمليه بسيطه جدا وعسى الله يكتبلج الذريه الصالحه يارب

 

[&هند&]

الله يرزقج الذرية الصالحة ،،،،

 

[خاينتها دنياها]

اللهم امين و الله يوفقك و يرزقك الجميع

دمتم بخير

 

[خاينتها دنياها]

رفع ..............رفع

 

[Denya-3'areeba]

انا سويتها قالتلي الدكتورة انها عملية سهلة وبسيطة الم بسيط جدا وعادي تقدرين تطلعين على طول
اول ماطلعت من غرفة العمليات قلتلهم برتاح بالغرفه قالولي عندج للمغرب وعقبها لازم تطلعين لانها تعتبر من عمليات اليوم الواحد .. كان العوار بسيط خذيت مسكن الدكتورة وصفته لي وعقبها تميت اسبوعين تقريبا مااقدر امشي وايد من الغرز احس اني مشبنه وانا ماعندي خادمه بغيت اموت لاني مضطرة اشتغل بس شالت الغرز ارتحت الحمدلله .. بالنسبة حق الدورة اللي بعد العملية انا بالاساس دورتي قويه فماحسيت بفرق متعوده على جذي .. بس لا تستهينين بالوضع اتم عملية صغيرة ولابد ترتاحين
بالسلامة وماتشوفين شر

 

[شنوووفه]

انشالله مافيج الا العافيه بس اشحقه الغرز
عاد انا بفكر اسوييها يمه خرعتووني عاد كلش ولا الخيااط مااحبه

 

[حرم عبدالله]

سلااااااااااااااااااامتج من كل شر

 

[هذا مزاجي]

انا مسويتها سهله كلها ساعه وتطلعين من العمليات
وانا تنومت يوم كامل عندهم بالمستشفى
العمليه سويتها الصبح ماخلوني اكل الا المغرب
وقالو بس تشربين ماي جلست اشرب ماي بس
وبعد ساعتين اكلت والله يكرمكم رجعت الاكل كله
وقاللي الطبيب ترى اكتافج بتعورج لاتخافين هذا
من العمليه جلست تقريبا 5 ايام ماانام عدل
احس بالام خفيفه وعقب اسبوع خفت الالام
سويها حبيبتي لاتخافين ولا تترددين ..

 

[إم نصور]

بناااات تكفون قولولي بالتفصيل شلون هالعمليه من وين يفتحووون البطن ترا ماعرف انقذوني ابي وصف لها وهل في امل بعد العمليه احمل ضروووووري ردو علي الله يوفقها اللي ترد ويرزقنا ربي بالذريه الصالحه اميييييين

 

[خاينتها دنياها]

الله يقومنا بالسلامه و يهون علينا
أنا الدكتور قالي بعطيك إجازه السبوع واحد من دوام

 

[فانتا ستروبري]

الله يسهل عليج ما عندي فكرة​

 

[رجائي جنة ربي]

سم لله عليك ليش خايفه هالكثر عاااادي ولا تخوف ولا شي وتاخذين الكمام ولا تحسين بس هالله هالله بالشفطه القويه علشان تنامين على طووول ..
العمليه سهله جدا ً ولا تحتاج حتى غرز انا استغربت من اللي فيها غرز يمكن كانت عمليتك اصعب واحتجتي لهالغرز..
ام منصوور انتبهي للدرس >>> انا مسويتها قبل فتره العمليه لا فتح بطن ولا غيره اول شي يعطونج الكمام ويخدرونج بالكامل ويفتحون الرحم بالااله ((بالبطه)) *ويسوون المنظار وان شاءلله مافيكم ألا العافيه وخلاص العمليه كلها ساعتين وانتي صاحيه من البنج و عطوني علطول عصير ومهلبيه وقالوا بعد ساعتين واكلي وبس تصحين من البنج تطلعين عااادي ،فيه الم خفيييييف مثل الدوره ولا ينشال همه وظل معاي دم خفيف لمدة اسبوع بس مو دوره دم بعد العمليه ولا تخافين من العطور ولا من التهاب لان ان شاءلله مافيه غرز ...

حبيبتي ام منصور لا تسالين وتقولين فيه أمل لا تضعفين خلي املك بربك قوي ، الله يبي يختبرنا ويشوف ضعفنا وقوتنا نضعف او نتمسك فيه بزياده ان شاءالله يبي يرزقك الله وبتحملين وشوفي مصايب غيرك تهون مصيبتك ..

(( لا تحزن إذا منع الله عنك شيئا تحبه **فلو عَلِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته.. ))

 

[رفيقه الأمل]

الله يحقق مبتغااك ياكريم
ولا يحرمك من كلمه ماما
موفقه

 

[إم نصور]

يعطيج العافيه "(رجائي جنه ربي ) والله يجزاج كل خير والبنات اللي ردو الله يرزق الكل

 

[مآزلت آنتظر]

لا تخافين .. أنا سويتها .. وكانت عادية جدا خرجت نفس اليوم ...

استخيري وتوكلي على ربج ...

رفيجتي كانت عندها نفسج وبعد ما سوتها ما شافت الدورة احملت على طول ..

موفقة بإذن الله ولا تشيلين هم ..

 

[بحر الذكريات]

الله يرزقج ويرزقنا ياااارب

بس اشلون دروا ان معاج التصاقات؟؟