اسقاط القروض:نظرة اخرى

[+بسبوسة+]

السلام عليكم...


ودي اتناقش معاكم بسالفة...واتمنى يكون حوار قيم...

بس قبل هذا بسولف لكم عن نفسي واهلي وخواتي ورفيجتي بعد...


قبل سنتين كانوا اهلي يبنون بيتهم والمشكلة قبل لا يخلص البيت خلصت الفلوس..ز

وي حدنا توهقنا..واجمتعنا واقلنا لامي لاتحاتين كلنا راح نحولج مبلغ شهري الى ان يتم البيت

بس هم ماكان يكفي...البنيان يحتاج دفعات قوية...
حمدالله الله سخرلنا خالي ورفيجة امي سلفونا خوش مبالغ والتسديد كان اقساط والحمدالله على كل حال

تم البيت والحمدالله..

نيي حق سالفتي انا وريلي...
ريلي قبل لايشتري سيارة دخل بجم جمعية لين ما جمع مبلغ محترم ومابقى الى جم الف قسطهم
جم شهر وخلصناهم..
صج كانت حالتنا المالية مش ولابد بس دبرنا امورنا...وافتكينا من البنوك وحنتهم...


اييكم لسالفة رفيجتي..
رفيجتي دخلها اهي وريلها مايتجاوز 1400دينار
وعيالها ماشالله 4 الله يحفظهم..
شقتها جنها جف يني (كف جني ) من كثر ماهي صغيره
مشكلتها تبي مناطق داخلية لان اهلها واهله قريبين منهم
الشقة اب 400
واللف الباجي مقسمة خدامة واقساط سيارة
كل ماشكت ضيج الشقة قلت لها اشتري بيت
تقول دورنا بالبيوت باقي له جم سنة.ز
والقرض يكسر الظهر خلينا جذي احسن
وتضحك وتقول اصلا لو خذت القرض وشريت من وين افرش!!!


المهم...

انا وياهم جربنا وضع المادية القليلة...
ودخلنا جمعيات وتسلفنا وياما تنازلنا عن اشياااااااااااااااااااء وايد
لان مانبي القرض..


احنا شو ذنبنا؟؟؟
نعاني ونتمرمط ...والي اقترض بالاخير يطلع اهو صح!!1

ولدج لوتحلين عنه الواجب يوم يستانس ويبيها كل يوم..
عيل شلون بالي عليهم قروض!!

حتى لو قرض بيت... بيعه وسدد قرضك واقعد بشقة بأي مكان يناسبك
احسن من المطالبة بأسقاط القروض


انا مواطنه وجنسيتي اولى..
والتزم بميزانية محدودة....
شنو ذنبي اني التزمتّّ!!
وين المساواة بين المواطنين؟؟

بصراحة
اسقاط القروض وحتى مجرد اسقاط فوائد القروض ظلم ظلم ظلم

طيب شنو ذنب الي خذا قروض وسدده؟؟؟



تدرون شلون عيل...


اشرايكم نسوي حملة يلا ناخذ قرض من اي بنك..
ولانسدد باجر الحكومة تسدد


اتمنى محد يزعل واذا كنت غلطانة صلحولي...



مع شكري

 

[T5TOo5a]

حبيبتي موضوعج حييل حساس واعتقد الاغلبيه يفكرون فيه
انا اايدج الراي لان حرام الي خذا قرض عشان سياره ولا وناسه ولا حتى لو قرض بيت يطلع منهاا جذيييي
ويتقارن بلي مد ريوله على قد لحااافه وضغط على نفسه وتصبر قعد بشقه وماشرى بيت لين ايمع فلوس ويدبر امووور

الحل الوحييد الي يساوي بين كل هالنااااس
ان مثلا الدوله تعطي كل واحد 10 الاف دينار تعديل وضع كلش كلش خل يعطونا 5 الاف

اعتقد هذا اهو الحل السليم يعني مبلغ يكون منحه من الدوله لتعدييل الوضع
بس يجبرون المقترض ان يسد كامل هالمبلغ حق البنك !!!!
يعني مو يعطونهم مثلا 5 الاف يقوم يستانس فيهم وتستمر مشكله القروض لا غصبن عليك تدفع حق البنك

ولي ماعنده قرض خلاص ياخذهم حاله حال الي عنده قررض ويعدل فيهم وضعه

في طبقه مخمليه بالكويت مايحتاجون هل مبالغ البسيطه بس هم لهم حق اكيييد يعني الدوله لازم تسوي كل ابناء الشعب

وماله داعي تكون مقتصره على رب الاسره مثلا انزيين يمكن المره اهي الي ماخذه قروض وحالتها رديه

خل يخلونه بالسن القانوني الي اهو 21 بس عفيه خل ينطروني لي شهر اربعه اكمل 21 ههههههههههههههههههه اخذهم وافتح لي مشروع صغير

 

[HeR HiGHNeSs 90]

مممممممممم والله كلامج عدل
احنا ابيتنا كلنا تفكيرنا نفسج
يعني شنو ذنب الي دفعو وخلصو وله الحكومه اساسن شكو بالي ياخذ قرض على ساس يسافر واليي عشان يشتري سياره يكشخ فيها

 

[Cander]

صدقوني ماراح تسقط القروض

ولا الفوائد لأن مافي عدل بالموضوع كلش

والنواب اللي يطالبون باسقاط القروض اتضح ان قروضهم بالملايين يبونها تسقط

مو ميتين عالمواطنين ، لا والبعض يعايرون بعض واحد يقول للثاني انت الحاشية الفقراء اللي صوتولك بس

الله يعين

 

[المكسيكيه]

الله كريم

 

[alb7ranya17]

لكل قلعده شواذ الي دفعو عليهم العوض والي ما دفعو حرام يتمون يدفعون فوايد الحكومه افرضتها عليهم وسلامتكم

 

[pretty sarona]

انا ضد اسقاط القروض مع اسقاط فوايدهم اللي صارت دبلات المبلغ الاصلي , و كلش ما فيها عدل اذا تمت سالفة اسقاط القروض ما في ديره بالعالم سوتها اللهم الكويت وقت الغزو الله لا يعيده ,, وااي على الكويت فيها طيبه مو طبيعية كل واحد يبي شي يطالب و المشكلة يعطونه !

 

[ملكة زماني]

يابنات
لا تصير الغيرة من اهل الديرة
اخذوها من منظور ثاني

يعني الديرة قاعده اتسلف الدول بابلايين!! ولا قاعد يحوشنا شي

شفيها اذا الديرة طيحت جم مليون عن المديونين <<<<< ما اتطيح قيمة القرض بس اتطيح الفوايد لانه اهي اللي كاسرتهم ( قيمة الفايده نفس سعر القرض اللي ماخذينا اتخيلي ماخذه قرض 21 الف وتدفعين هم 21 ثاني قيمة الفايدة)

حرام في عوايل مو قاعد يصفالهم 100 دينار من معاشهم حتى مايقدرون يوكلون اعيالهم


انشالله يطيحون الفوايد يارب