اسكن ولا شرايكم

[خالف تعرف]

السلام عليكم
بنات انا عايشه عند حمولتي
ومكاني جدا ظيج
عندي ولدين والحين حامل بالخامس
حدي متظايقه من مكاني
وحمولتي حبوبين وطيبين بس مافي حريه كلش
لازم انزل لهم اقعد وان ماقعدت عندهم سوولي سالفه
زوجي قالي اقدر اطلعج بس بشقه صغيره جدا
يعني غرفتين وصاله
شرايكم عادي؟
ولا بعيش بظيج ؟
وقالي غيره ما اقدر
وفعلا اهو مايقدر
الي عايشه بشقه صغيره تقولي
اي نسيت اقولكم وخدامه بعد :eh_s(8):​

 

[Q8_QT]

مادري شقولج بس إذا شقة صغيرة يمكن مايفرق عليج المكان بس راح تاخذين راحتج أكثر
بس حبوبة حطي في بالج الأجار والمصاريف اللي تصرفينها ترى موشوي إذا سكنتي بشقة
وفي النهاية فكري زين واستخيري والله يوفقج

 

[بـــــــــدور]

طيب انتي عند حمولتج كم غرفه عندج اذا نفس الغرف خليج عندهم احسن عالاقل لماتطلعين يكونون قريب من عيالج وينتبهون لهم اما اذا كنتي بغرفه عندهم انصحج تطلعين وصدقيني هو بعدين بيلقا الراحه والاستقلاليه وبيدور مكان اكبر وانتي ادرى بحالتج وظروفكم وان شاء الله ربي يوسع عليكم ويصلح عيالكم ياكريم

 

[آثار حمده]

استخيري ربج ومن رأي انج تطلعين واعي ربج ييسرها لج

 

[انوثة من حرير]

والله اختي انا شقتي صغيرة وضاقت علينا ودي اطلع وارتاح بس زوجي مو راضي استخيري وطلعي الحرية حلوة قبل لا يغير راية وناسة يصير لج جيران اهلج يزورونج رفايجج تحسين بالحرية خدامتج تكون بكيفج مو يدورون سوالف اهلج وتربين اعيالج على كيفج يتربون

 

[زيتونه مرت باباي]

نصيحه ..
طلعي بشقه احسن لج .. يكفي انج بتااخذين رااحتج ..
ماادري هذا راايي ..

والراي الاول والاخير رايج ..

 

[د.الرومنسيه]

السلام عليكم اختي يسعدني ان اكون وحده من اللي يردون عليك
انا ساكنه بشقه غرفتين نوم وصاله طبعاً ومجلس لكن هنا يعتمد على مساحة الغرف
اذا هي صغيره ولا كبيره ع الاقل غرفه لك وغرفه لعيالك ومجلس للضيافه وانا عندي ٣ عيال
هذا رأيي  ومروري

 

[غرام زوجي]

انا ساكنه بغرفتين وعندي بنتين بس مرتاحه ماخذه حريتي لاقيل ولاقال
وشقتي من العمارات النظام القديم يعني الغرف اكبار مومثل الشقق الجديده الغرفه جنها قوطي ساردين
ومعى هذا احس بضيج وانتي حاولي اذا بتسكنين اي شي بتخزنينه ياابيت اهلج او اهل ريلج بمخزنهم
وبس انتمنى اني افدتج*

 

[طبعي السموحه]

هلا اختي

اول شي ماقلتي لنا كم عدد الغرف اللي بشقتج ...؟؟؟

واذا بتسكنين بشقة من غرفتين وصالة بصراااااحة صعبة خاااصة العمارات الجديدة...؟؟

انا اختي ساكنة وعندها ولد واحد وربي خنقة ... الغرف حدهااا صغيرة ثلاث امتار ونص باربع امتار وفي اصغر من جذي...

وبعدين لاتنسين الاثاث وغرفة النوووم اكييييييييييييييييييد ماراح تكفيهااااا...؟؟؟

واذا انتي نااااوية تطلعين برا البيت ياليت لو تشوفين الشقة وتقيسين الغرف وتشوفين اثااااثج اذا مناسب لهاااا...

عسي ربي يريحج ...​

 

[نورعيني أنا]

اذا كانت نفس غرفج خليج واذا اكبر اطلعي ماجذب عليج الراحه حلوووووه ومنو يعافها وبعدين حاولي تقنعينه قولي دامنا طالعين ودافعين اجار دور اكبر منها ماتفرق سعر الثلاث غرف عن ال2 بواجد يعني فرق بسيط والله يوفقج ويقدملج اللي فيه الخير والصالح

 

[big heart]

طلعي بشقه احسن لج, كافي بتااخذين رااحتج

بس لاتنسين في ايجار بيت

وعيالج خلي خدامتج تجابلهم

 

[PuPa^^SWeeT]

والله مادري قيسي الغرف و حجم الشقة

يعني اذا كبار حييل

اذا صغاار

لا قعدي اببيت حمولتج

 

[فل كويتي]

نطري. بيت العمر.

 

[مطيريه ^ ماركه]

انا اقول استخيري وتوكلي على الله ان كتبلج تطلعين طلعي واذا لا حكمت ربج عسا ان تكروه شيئا فهو خيرا لكم
وربي يوفقكم انشاءالله ويوسعها عليكم ​

 

[bint_looda]

اذا المكان صغير بس لج احس غير خصوصا اذا ماكنتي مرتاحه ابيت حمولتج الطلعه توفرلج الاستقلاليه مكان صغير وملكج احسن من كبير بس تحسين في احد متحكم بدخلتج وطلعتج واحس احلى شي لي زاروج اهلج بمكانج ,
وشوفي نفسج اذا تقدرين تستغنين عن الخدامه اووو حدج بتاخذين راحتج اكثر بعد بالشقه , واذا ماتقدرين فيعتمد عالغرف وتوزقعها لان مو معقوله بتسكنينها بغرفه تكون يم غرفة نومج ! فانتي ادرا بوضعكم عسى الله يكتبلكم الخير

 

[جوليانا الحلوه]

لا تعليق

 

[جوهرة بأخلاقي]

شوفي انا افضل بيت الحموله عالأقل لاطلعتي ماتحاتين بالنسبة اذا كنت موظفة اذا مو موظفة
طلعي وبتحسين بفرق بس انصحج تدوين شقة قريب اهله او الافضل اهلج وبعدين ليش يسوون
سالفه اذا مانزلتي لهم تبين راي اذا حمولتج زينه ابني غرفة زياه وابني درج خارجي عشان
تتحججين فيه اذا مالج خلق تنزلين لهم

 

[غلاي امي وزوجي]

نفس كلام البنات اهم شي الاستخاره

والشقه راحه وحريه والله