اسلوووب زوجي...؟

[ريـاانه]

سلااااااام

بدخل بالموضوع...

انا زوجي غريب من كل النواحي عصبي وراعي مشاكل حاولت ابتعد عن اللي يعصبه بس ماتغير من يوم تزوجنا

لحد اللحين نفس الوضع ماتغير مدري ليه قطعني من رفيجاتي ومسحت ارقامهم وطلعني من الجامعه ولايحبني اطلع

لو علا كيفه ما اطلع نهائي من البيت ولايحبني اختلط مع الناس قبل ماتزوج كنت اجتماعيه ومرحه بس بعد ماتزوجت

تغيرت حتى مصروف مايعطيني ولايقول محتاجه شي والسوق اروح مره ب7شهور واذا نزل معي يكرهني بالسوق

ولايوديني لااحد حتى هو من النوع الكتوم ولايحب يسولف 24ساعه علا النت وانا مخليته علا راحته عايشين ببيت

واحد ولايدري عني انا ماقصرت من كل النواحي معه بس خلاني انطوائيه بشكل مو طبيعي احس نفسي بسجن وربي

مليت تكلمت معهةمافي فايده لو اقولكم ماتصدقون تلفوني مافيه الارقم اهلي ورقمه بس وانا صراحه خايفه علا عمري

الا متى كذا هو عمره كبير شوي يعني اربعين وانا22 واحسه مايفهمني الله يعين مدري شسوي

 

[Mjnont '3lay]

الله يعينج اختيااارج للشخص نفسه غلط نصيحتي استخيري بالانفصال قبل الانجاااب

 

[رنيم الروح]

حبيبتي الله يعينك بس صدقيني العمر ماله علاقه انا بنت عمتي متزوجه واحد بالاربعين واهي بالعشرينات عايشه الدلع كله ويااه الدرجة لما تشوفين اسلوبه ورومانسيته وياها واشلون يدلعها اتقولين انه بنفس عمرها حبيبتي اسمحيلي المشكله بتفكير زوجك التعبان مو بعمره

 

[عبيرالحب]

مالك حل الا الطلاق لانة ماراح يتعدل اللي نفس هالنوعية

 

[بنتـ المملكه]

هذا كله من فارق العمر الي بينكم

 

[FDET NFSY]

الله يسهللللج امووورج

 

[*E.B.D.A.3*]

ياكرهي حق هالنوع من الريايل !!!!!
يخلي المره وجنها عبده عنده !!!!
منو معطيه الحق انه يتحكم باقل تفاصيل حياتج
وانتي مو قالج ان له الحق يمنعج من رفيجاتج!
لا اهم شي انج طلعتي من الجامعه ودمرتي مستقبلج عشانه !!!
وليش تطلعين من الجامعه من الاساس ، يبه انتي من صجج؟
من صجج قالج جذي وقلتيله حاضر واستمريتي معااااااه ؟؟؟
اسمحيلي انتي الغلطانه وانتي الي خليته يتمادى !!

ياحبيبتي حقوق الزوج لها سقف، ولمه يوصل حق هالسقف يطق فوق تحت ويرجع!!!
لي اهني، ويوقف الزوج عند حده !!
مو من حقوق الزوج انه يمنعج من الجامعه
ومن رفيجاتج
ومن حياتج!!
ترى انتي متزوجة ، مو جارية عند حضرة جنابته !!!

الغلط دايما يكون من البنت الي تسكت وعبالها هالشي طبيعي بعد الزواج
خصوصا لمه اهلها يقولون لها شوفي فلانه زوجها مسويلها جذي
وفلانه زوجها حارمها من جذي!
لا ياقلبي، الشي اذا ساد مو معناته صح!

اكو فوق مليارين شخص يقولون ان البقرة اهيه الاله
هل هذا معناته ان صح ؟؟؟

حلج خليه على دفعتين
الدفعه الاولى الكلام الهادئ والنقاش !
قوليله انا ما منعتك من ربعك
ليش تمنعني من رفيجاتي ؟؟
حلال عليك وحرام علي ؟؟
ليش ؟؟ هل انا عباره عن نصف مخلوق، مالي لا حقوق ولاهم يحزنون؟؟
هل انا مخلوقه لك انت ولا احد سواك؟
انا ما وراي ناس وصديقات وحياة، لازم اجابلها؟؟

كلميه بهدوء .. مرة مرتين وثلاث ،
اذا استمر وضعه بدون تغيير

بعطيج الدفعه الثانية
دخلي فيها الاهل !!
بالطريقة الي انتي تشوفينها صح ،

واذا استمر وضعه بدون تغيير
اسمحيلي اقولج ان هالريال ماله حل !!

انتي بالنهاية انسانه من حقج اتعيشين
مو جنه محكوم عليج بالمؤبد!!

اصلا احس وانا اقولج كلميه !! مادري احس مالج ويه تكلمينه بعد ماقلتيله حاضر على كل شي
المشكله انتي الي رضيتي على نفسج جذي!!
انتي الي وافقتي !!
مادري شلون راح تفتحين معاه الموضوع !!

لكن من حق كل انسان غلطان، ينعطى فرصه او فرصتين قبل لا توصلينها لطريج مسدود!
وعشان جذي بس انا نصحتج تكلمينه اول
والا لو راده علي
طلاق وانتي مغمضه عينج

 

[Gifts&Occaions]

لاتزعلين مني انتي من الاساس رضختي لشروطة واهما انج تركتي دراستج وشافج راضية وقام يتمادى

 

[i'm so happy]

الله يكون بعونج حبيبتي اسلوبة محد يقدر يستحملة الله يصبرج

(استخيري اختي) وشوفي نفسج وفكري والقرار لج اما تستممرين او الطلاق

 

[Patcholli]

واضح انج قدمتي وايد تنازلات المفروض ماتتنازلين عنها ولانسان للاسف مايقدر ..

اولاً بأي حق يطلعج من الجامعه ..؟؟ لما خطبج ماتفقتو على هالموضوع واهلج مافهموم انج تدرسين ..؟؟ هاذي امور مفروض التفاهم عليها قبل الزواج .. اهلج ماكان لهم ردة فعل بالنسبه لهالموضوع ..؟؟ شي غريب ..!
ثانياً بأي حق يمسح ارقام صديقاتج من التلفون ..؟؟ وليش سكتي بكل بساطه ..؟؟ هل عنده عذر مقنع ..؟؟ شايف عليهم شي او شايف اخلاقهم وتصرفاتهم غير محترمه مثلا ..؟؟

واضح اختي ان شخصيتج ضعيفه نعم طاعة الزوج واجبه فيما يرضي الله لكن بالنسبه للاسيائ المبالغه اللي زوجج يطلبها منج لازم احد يوقفها عند حده سواء من اهلج او من اهله وبنفس الوقت لازم تقوين شخصيتج لازم يكون لج راي وكلمه مسموعه

 

[ام كوثر2007]

حاولي تقعدين معاه وتصارحينه بعيشتج معاه من غير لف ودواران وخليج صريحه

قوليله كل شي له حد وانا تحملت وايد ..


اذا حس علي دمه خير علي خير ..

ما حس انا اقول انج تكلمين والدج يكلمه ويقووله من ابسط حقوقها انها ترد الجامعه وانك تحدد لها مصروف وتخليها تطلع مع خواتها وامها ..

اما سالفه الرفيجات هذى موضوعها ثاني لانه الاغلبيه هذى طباعهم وبعدين يطخون ..


بس اسلوب ريلج وايد اووفر حاولي تشوفين حل مناسب بس بعيد عن الطلاق وخراب البيوت .

 

[صادقة بكلمتي]

الله يكون بعونج بس حبيبتي انتي اللي رضختيله وخلتيه يقوى عليج صج الحياة مشاركة بس اخذ وعطى واسوء شي يكون واحد فارض نفسه بسلبيه على الثاني ما عليج الا انج تفكري بحياتج عدل اما يوافق تتعدل او تسريحج باحسان لو ان الطلاق صعب شوي لكن توج ابداية عمرج وجدامج ان شاء الله اختيارات وايد ولا تقولين العمر انا بالعشرين وريلي بالاربعين والحمدلله متفاهمين وفي خطوط حمرا بحياتنا ومسؤوليات و واجبات واحترام وحب مو تقييد وحكره وظلم بدون اسباب استخيري وحاولي معاه ترجعين تدرسين وتشتغلين ويعطيج مساحه من الحريه وان ماكو فايده نهائي اسال الله انه يدليج على الدرب الصواب وتحسني اختيار قرارج ولا تظلمي نفسج

 

[برستيج دلوعه]

اولا ماله شغل العمر

انتي رضيتي بكل هذا !

كلميه وقولي له هاذي مو حاله ! شوفي وقت مناسب وكلميه ! وطلعي اللي بقلبج كله
ما يصير جذي حرام عليه !

 

[متى أشوفك]

الله يعينك اختي فعلاً كلام البنات صحيح انتي اللي رضيتي من البدايه وتنازلتي
والعممممممممممر ماله دخل بالسالفه اللي ممكن انو مار بتجارب قبل واللحين نتائجها عليك
استخيري وحاولي تغيرين واذا ماتغير تلاحقي عمرك .............

عليك قراء سوره البقرة وكثرت الاستغفاار

 

[CH!C G!RL]

يعني يحرمني من خويآتي ومن الطلعآت ومن الجامعه ومن كل شي ومافيه تعويض منه لآ والله معصصي
اذا كانه مو قد الزواج وشو له متزوج !!!

وبعدين مبين ان زوجك متزوج من الانترنت وانتي خطآك سمحتي له يمنعك من كل الي ذكرتيه
انا اقول توآجهينه ترجعين للجآمعه الوقت هذآ ماينفعك غير شهآدتك لآ طلقك آو فكر يتزوج عليك
وبعدين انتي تقولين مايصرف عليك صراحه مآشاِء الله عليك مدري شلون متحمله

توك صغيره وقدآمك فرص كثيره وآجهي زوجك بانك تبين ترجعين للجآمعه ودخلي خويآتك لحيآتك من جديد
يعني محرومه من العالم الخارجي والداخلي !!
انا مآحب سيره الطلآق ولآ ايدهآ ابد , لكن اجلسسي معاه وكلميه ان وافق الحمدلله وان رفض دآم مافيه اطفال روحي لآهلك
وآرجعي آدرسي

ممكن اسئلك سؤال ..!

اهلك وينهم منك , معقوله آمك ولآ وحده من خواتك تدري بتعآستك ..!

دآمك مو سعيده ومو مرتآحه ومقطوعه تمآمآ من العالم الخارجي ومهمشه بحيآتك الزوجيه بيت آبوك
آولى لك ومستحيل الاهل يرخصون بنآتهم

هذآ رآيي وآنتي فكري فيه والافضل بلغي اهلك كل شي عشآن ماتتعبين​

 

[* Snow White *]

oh my god
شلون وافقتي عليه من الاول؟ ما سالتو عنه؟
الله يعينج، والله ياجرج على هالصبر
مادري شقولج انا مو متزوجه .. الله يوفقج

 

[الصـوت الجريـح]

السلام عليكم ورحمة الله

من صجج ؟
أنتي عايشه ولا ميته ؟؟؟؟؟
شنو املج بالحياة ؟ شنو طموحج بالحياة ؟ شنو وجودج بالحياة ؟؟
يا أختي هذا مسحج عن الوجود سواج كأنج طيف لا أصدقاء لا دراسة لا وظيفة لا جمعات لا روحات
منو أنتي ؟ متأكدة انج بشر ؟
بصراحة زوجج حــــيــــــوان
خليه يولي تطلقي منه والله يخلفج خير عنه بألف مره شايب وعايب لعان سباب شتبين فيه ؟
وعمرج 22 ؟ حرام عليج أحنا نتمنى نرد سنة ورى وانتي تضيعين شبابج مقابله هالشايب الخايس ؟؟
الله يهديه أي نعم أن شاء الله يهديه لكن أنتي شنو ذنبج ؟
نضحي أيه بس حق دين حق كرامة حق مستقبل وانتي تضحين حق حيوان ؟ :rgewrg:
أستغفر الله يارب مابي اكسب ذنب من وراه لكن حرني وهالأشكال اكرهها أخخخخ بس
أقول انتصري لنفسج وأرجعي لربج أما امساك بمعروف أو تسريح بإحسان

والله أرزقج هذا يرزقج غيره والله يكون بعونج ,,


​

 

[ام زهقانه]

العمر فرق. حيل يعني اكبر منج 18 سنه وايد كبير انت الغلطانه من اول
الفرق يفرق شنو تحبين اهو شنو يحب الأهم
استخيري قبل طلب طلاق

 

[honey lust]

الله يعينج

 

[لياليـ]

انا مع اول رد