اسمحولي افتح لكم قلبي .. وابيكم تواسوني

[مدام د.علي]

السلام عليكم يا بنات ..

انا عضوه جديدة معاكم بالمنتدى .. ماصار لي جم يوم بس حبيت المكان وااايد وارتحت فيه ..

ابي اقولكم معاناتي وابيكم تواسوني ..

مشكلتي بإختصار او قصتي بإختصار اهيا

انا بنت عمري 22 سنة من 3 سنين حبيت شخص ونطرته وضحيت عشانه .. وهم اهوا حبني واهتم فيني

واجهتنا مشااااااكل وتغلبنا عليها .. وقبل سنة خطبني .. اول الموضوع امه كانت رافضتني عشان فروق اجتماعية لكن بالنهاية اقتنعت اني احبه ووافقت علي ..

واتفقنا بس نزهب امور الزواج من مهر وتجهيزات يرد مرة ثانية يخطبني ويصير الموضوع رسمي لان تعلق من اول مرة ..
طبعا امي تدري اني احبه وخواتي نفس الشي ..

المشكلة انه صار لنا سنة .. وكل ما قرب الموعد احس انه يتضايق ودايما يقولي انا مو مستعد .. ومابي اتزوج الحين
بيني وبينكم انا قمت اتفشل من اهلي يوم يسألوني عنه .. كل مرة ادافع بس بعد ما اقدر شنو اقول وشنو اخلي ..

امس فاتحته بالموضوع .. حسيت انه متضايق وشايل هم ... قلتله خلاص نلغي موضوع زواجنا واعتبر الخطبة ما تمت
طبعا احنا الاثنين بجينا .. وزعلنا .. وانا ما في بايدي حيلة .. احبه واموت فيه

بنات شسوي فيني هم وقلبي محروق .. ما اقدر اعيش معاه بدون ارتباط .. وهم ما اقدر اعيش من غيره

واسوني .. مالي غيركم ,, ومابي اشكي حق خواتي .. راح يلوموني وراح اتفشل لاني دايما ادافع عنه وموصلته القمر .. بس الله يسامحه خذلني

 

[رنه خلخال]

ان شاءالله اكون من نصيبج اذا فيه خير لج زين سويتي بعد لي متى ابتنطرين ولو الريال مقتنع وشاريج برد اكلمج واتمم الزواج
موفقه

 

[المرتاحة]

يا اختي كافي انه وافق انه يلغي فكرة الزواج هالشي يكفي انج تكرهينه وتبتعدين عنه

ليش مو قد كلمته اهو

انا اقول خلي في بالج على طول انه باعج شيخليج تستمرين مع واحد بأي وقت يقدر يقول لج بيباي!!

 

[داريني]

حبيبتي جم عمره وشنو وضعه العملي يشتغل ولا طالب
اذا طالب يمكن خايف ومو مستعده للمسئولية والمصروف
بس دامه يشتغل ماله عذر ؟
انتي فكري بعلقج قوليله هذا زواج مو لعب يا ابيض يا اسود وانا الحين بسن زواج باجر لو بتم انطرك وبعدين تهون انا الي بضيع
مو انته؟
الصراحه مو معقوله يحبج وياجل زواجكم اعتقد الي يحب يبي اقرب فرصه يملج وياخذج على طول اما هالطواله ماله داعي اذا ظروفه اوكي

 

[أميره الـ غ ـيد]

‘،

ومستعده تعشين مع شخص تردد في امرج؟؟
اللي يحب ماااايتردد ابد ..

ابعدي عنه .. كأختباار اذا مصممه عليه ..وشوفي ردت فعله

،‘

 

[قطووه حلووه]

رد : اسمحولي افتح لكم قلبي .. وابيكم تواسوني

لو يحبج نفس قبل جان ماتردد اويمكن مو مستعد نفسيا او ماليا يجوووووووووووووز توقعي كل شي وحطي لاحتماال الاقرب الي تحسين فيه

 

[مدام د.علي]

رد : اسمحولي افتح لكم قلبي .. وابيكم تواسوني

اهو يشتغل .. بس اهله يعتمدون عليه واايد

ادري موضوعي يحير .. وما الومكم .. بس اللي متأكدة منه انه يحبني .. وامس قام يبجي عور قلبي يترجاني ما اهده ..
واليوم يساحل فيني .. يعني لو ما يبيني شنو اللي يجبره يبقى معاي

اهو مو مستفيد مني بشي بالعكس .. اهو بس عنده عقده نفسية من الزواج وانا ما اقدر ما اسمع صوته اموووت

انا قلت راح اظل معاه .. ولا حصلت نصيب زين ما راح انطر .. واللي الله كاتبه بيصير

بس تدرون .. انا فيني قهر وودي احد يوقف معاي بمشكلتي .. وانتو ما قصرتوا .. تكفون لا تهدوني بروحي انا متضايقة موووت

 

[q8 83]

اقري دعاء الهم و الحزن و صلي صلاة استخارة

والي فيه الخير ربي ايجدمه