اسناني متفرقه شنو اسوي سااااعدوني !!

[الشقره الطويله]

السلام عليكم ورحمه الله ركاته
بنات انا طالبه فزعتكم معاي
ياحياتي انا والله اسناني متفرقه من جدام وابي اسويهم
فكرت اركب بس قالو لي البنات يمكن يصير لج بوز وتطلع اسنانج جدام
وقالت لي وحده معاي بالمعهد ان بنت خالتها مسويه اسنانها ب600وان اسنانها
نفس اسناني حطت قشره السلاميك وطلع شكلها روعه
بس للاسف سألتها قالت اكلم بنت خالتي وارد لج الخبر
ولليوم ماجاني اي رد منها بليييز اي وحده تعرف تقولي
وربي لادعي لها

 

[انفآآآسي دخونً]

حبيبتي عادي اذا سكرتيهم بحشوات
روحي العياده واستفسري احسن واضمن فديتج
لان حجي البنات يضيع
موؤفقه ححيآتي ؛)

 

[غزال الاداريه]

حبيبتي مالج الا تستشيرين دكتور متخصص

احسن من انج تطبقين شي سوته وحده ويمكن بحالتج ما يصلح

الله يوفقج يا قلبي

 

[زامليه وافتخر]

حبيبتي روحي عند دكتور عيادة وخلي يشووف اسنانج وشنو محتاج لهم حشوات تركيبات يسوي لهم جسر

ماعليج بكلام البنات اللي لا يودي ولا ييب روحي للدكتور اضمن لج

موففه ان شالله

 

[أعشقني]

سكريها بحشوه لان صديقتها سدت الفرقه بحشوه ومابين وطلع شكلها حلو
اما اختي لان الفرقه كبيره ركبت بريسز وبسرعه شالته وتسكرت
الله يوفقع يارب

 

[الشقره الطويله]

حبايبي مشكورين عسى الله يوفقكم ويرزقكم من حيث لاتعلمون

 

[عسولة كويتيه]

روحي الدكتور افضل مثل ماقالوا البناااات وترا دكاترة الخفجي ارخص لووووول

 

[قدساوية 99]

ههه اهم شي الخفجي ... مثل ماقالو البنات سألي دكتور متخصص

 

[pinkzz]

حبيبتي اذا ماني غلطانه في تقويم ينحط من داخل بالمستشفيات الخاصه ما يبين بس يلم الاسنان​

 

[نوفه~]

شناطرة ما حطيتي تقويم من قبل ؟؟

والله حرام شفتي توهقتي ! اهم شي بالانساان اسنانه
انصحج تروحين عياده اسنان دكتور بورزق خوووش دكتور

 

[الشقره الطويله]

تقويم صعبه انا متزوجه
ابي احسن عياده للاسنان
ابي دكتور شغله رووووعه

فديتكم

 

[CHANƎL]

في تقويـم مخفي يكـون مـن ورا بـس آعتقد آغلى
ومثـل مـاقالوا البنـات روحي آحسن العيـاده و آستفسري

بالتوفيق

 

[~*~الملكة~*~]

انتي نفسي انا اسناني فيها فراغات وامس رحت عيادة فرجينينا عند دكتور خالد الكندري

واستشرته ونصحني احط تقويم متحرك ريتينر وباجر ان شاءالله يركبونه لي

روحي وشوفي شنو ينصحج

شفت وحده حاطه عندهم حشوات تجميليه مسكره الفراغات ماشاءالله

مو مبين جنه اسنانها صفه وحده يمكن حالتج ماتبي تقويم بس حشوات تجميليه

 

[Laidy n3ooma]

عادي امي مركبه الزواج ماله خلص .. ورفيجاتي نصهم عرسوا والتقويم عليهم ..

واذا انتي مشكلتج الفراغات ترا ب 6 شهوور او اكثر شووي ويشلونه لج .. بس اذا مشكلتج ان اسنانج فوق بعض هني يطول التقويم ..

روحي عياده وسالي

 

[الشقره الطويله]

اختي الملكه بكم يسون لج اسنانج
وين عنوانه عياده الاسنان اللي سويتي عنده




وجزاكم الله خير وماقصرتو

 

[مشتطـه]

لا لا تحطين تقويم انتي عروس

والريال يبي يبوس ومو حلوة ينأرف من التقويم

نصيحه سكريهم بحشوات وهالسوالف ما اعرف فيهم

بس مرات اشوف بنات فجأة تسكرت اسنانهم


ترى الاسنان اهم شي بالبنت

عدليهم قبل العرس

و الله يوفقج

 

[| تفاصيل |]

روحي سوي حشوات تجميليه ب عيادة

 

[الشقره الطويله]

وين دلوني على عياده زينه
اللحين العيادات كلها صارت تجاريه غاليه وعلى شي مايسوى
ودي بشي زين




اللهم اسألك التوفيق في ديني ودنياي

 

[| تفاصيل |]

انا سويت فالميدان صراحه انصحج فيه
جم سنه وللحين ماطاحوا ولا امبينين
مع ان انا اسناني مو متفرقه بس حطيتهم عشان ارتب اسناني

البيان وخري عنه سويت عندهم وطاحوا حشواتي

 

[نبض شرياني]

اختي استشيري طبيب اسنانج بالاول

والحين هابين بالقشره اللي يحطونها تصير اسنانج لولو مرصص ومرتبه وبيضه ولا تتغير

بس ترا غالي اعرف وحده سوت اللي فوق بس 1800 اهي سوت اللي فوق كلهم

انا انصحج تسوين الاسنان اللي تبرز لما تضحكين اما اللي ورا مالها داعي مثلا ال6 او8 اللي فوق على حسب ضحكتج واللي تحت كذلك