مدخل :
تبيني اعايد , وجودك معي .. عام
وانا معك عام .. ومن الضيق حاير ..
يمكن تنسّيني معك .. حلو الايام
لكن .. ما انسى .. ( جرح ) واحد / يناير !
تبيني اعايد , وجودك معي .. عام
وانا معك عام .. ومن الضيق حاير ..
يمكن تنسّيني معك .. حلو الايام
لكن .. ما انسى .. ( جرح ) واحد / يناير !
قصايد , وشوق , ومواعيد , وظروف
طاحت من عيوني ... قبل يوصلونك
ياحزن .. وجه الحزن .. ماهو بـ مألوف
ما تذكر إن عيوني ... يميّزونك ؟
كان الغلا .. بين المعاليق .. محفوف
حفظتك بـ عيني .. عن اللي يبونك
يوم إني احوفك عن عيونهم .. حوف
وازعّل اللي .. كانوا , يضايقونك
لبّستك بـ صدق الاحاسيس .. نفنوف
ما اجرحك .. لو ضيقتي من طعونك
من خاطر محبّ .. ومن احساس ملهوف
انا بديتك .... قبل لا يبتدونك !
كل المشاعر جالسه , وانتم وقوف
وتوقّفت الاحلام .. دوني , ودونك
( ضميري ) و ( ذكراك ) و ( بلوفر الصوف )
اشيا ثلاث .. تشجّع انّي اصونك
لكنّ خنت .. وما دخل قلبك الخوف
من عقب ماكانت عيوني ... عيونك
على الاقل .. ما اخونك .. وعينك تشوف
اسهّرك .. وان جيت بـ تنام ... اخونك !
مخرج :
سنة .. عطيتك حبّ .. وشعور .. وإحساس
ومافيه بيت بـ قسوتك .. ما طرالي
والحين ابنسى .. وانت واحد من الناس
يكفيني من يدينك .. اللي جرالي
بـ ابدا سنة .. من غير حبّ و وجع راس
دوّر على واحد ... يحبّك بدالي !
