اسوأ عيد ميلاد

[old soul]

*عرفت ياروحي بهاليوم قدري عندك
*محبتك لي خايف احسد نفسي عليها
*بيوم ميلادي فاجأتني بحنانك وقربك
*اثاريني استهين بنفسي واستخف فيها
*مافي كلام اقوله ولاني بناطر ردك
*مليت الصبر ومليت هالدنيا وباللي فيها

*مدري الوم نفسي عليك ولا اقعد الومك
*اذا بتأمل شقاك..هالليله ماني معديها
*شكرا حبيبي على توضيح كل ما بدر منك
*حسستني بمعزة ما تنوصف معاليها
*لو ثاني شبيسوي في اعتقادك وفكرك؟
*اتوقع ايامه وياك من سنييين ماحيها
*ودي لو تفهمني وتراجع نفسك
*مالي حيل اتكلم ياريت نفسي تحس فيها
*تعتذر وطول عمرك تعتذر انا بأعتذر لاجلك
*بس اخذ مني معاني الحب ولا تخليها
*ولا تدري شلون؟مثل ما انت خلك
*يمكن صبري يدخل موسوعه غينس وافوز فيها
*تقول حياتك صعبه ربي يقويك ويصبرك
*انا موجود ولو تحبني خلني اشاركك مآسيها
*شكرا شكرا بالاخير اشكرك واقدرك
*واهنيك على افعال افرح من تسويها
*وسلامتكم
هذا الشعر الفته بيوم ميلادي واتمنى يعجبكم ..ساره

 

[السمرة المزيونه]

ما شاء الله الشعر حده روعه حبيبتي صح السانج

 

[old soul]

رد : اسوأ عيد ميلاد

تسلمين حبيبتي من ذوقج

 

[مزيـانه]

صح لسانج

 

[old soul]

رد : اسوأ عيد ميلاد

صح بدنج حبيبتي تسلمين:eh_s(8):

 

[old soul]

رد : اسوأ عيد ميلاد

احنا قاعدين نمشي بممر ماندري شكثر طويل ولا ندري واحنا نمشي شنو راح نشوف.بس ندري ان الموت اهو نهاية المشوار.فعلينا قبل ما يينا نمشي صح كثر ما نقدر!!
صح راح تواجهنا مطبات وعراقيل بعضها يجرحنا جرح عميق اللي يأثر فينا.وبعضها ما ينسي نهائيا.وبنفس الوقت راح نلقى نور وامل وتفاؤل اللي يشجعنا على المشي زيادة والتقدم.بس وين الاشخاص الضعاف؟
الاشخاص الضعاف اللي بنص او بأول الطريج يترددون او يخافون من اللي يايهم.ما يبون يعيشون لي جدام.بس اي شوكة صغيرة تواجههم بالطريج ,يا انهم من بعدها ما يمشون ولا يكملون,او انهم يحاولون رؤيتها بشكل جميل.هذيل اللي نسميهم البشر اللي تعيش نذلة.عكس الاقوياء,اللي يشوفون الشوكة على انها اختبار لهم.راح يجتازونه؟اذا اجتازوه فأهم فايزين.اذا ما اجتازوه يصير عندهم ارادة اقوى من اللي قبلها.فاهني احاول اوصلكم ان الطريج اللي نمشيه,منطقنا,مبادئنا اهي اللي تحدده.فحاولوا تمشون صح.بما ان مقدمتي كانت طويلة شوي وتدوخ,راح ابلش اشرح لكم تفسيرها...
بهالدنيا,مافي احد ماعنده هموم,مشاكل ,مصايب,آلام,ومافي احد ما عنده مشاعر:كراهية ,عداوة,خوف,توتر...الخ,بس بنفس الوقت في آمال,وتفاؤل,وخير,والاعظم, ...الحب!!
التقدير والاحترام,وكلنا نضحك ونبجي ونعصب وووو...الخ. بس في شغلات لازم ما نبالغ فيها.ولا نستهين فيها بعد..الانسان له طاقة معينه.مايصير يدخرها حق مجال واحد بس.يعني اذا صارت لي مصيبه اقوم وابجي وانسى كل اللي معاي وبس تفكيري بهالمصيبة.اهني راح اضعف,وراح افقد الامل,من ثم افقد ثقتي بنفسي ليمن اكره روحي واوصل للكراهية.فأبتدي امشي طريج خاطئ..
شفتوا شلون الشغلات مترابطة ببعضها؟؟
لازم نكون حذرين وواعيين لمن نتقدم عشان نتجنب اي عرقلة يايتنا كثر ما نقدر ونحاول.بس في شي بهالطريج يأثر بشكل مو طبيعي على الانسان.(الحب).لو تواجهك كل مصايب الدنيا وكل الهموم وكل الجروح والصدمات بس حاس بالحب.ماراح يتغير اي شي من كيانك, وماراح تحس بأي شي سلبي.وبنفس الوقت بعد,لمن تحس بهذا الحب كل الشغلات السلبية يت منه.راح تحس بالندم..راح تمشي طول عمرك.تفكر وتعد خطوة خطوة شراح يصير بعدين؟؟
مني بتحس بالخوف والتردد.خايف ينعاد اللي صار.طبعا كلنا نحتاج شخص يمشي يمنا.ويمسك ايدنا ويوقف معانا...الخ
من كلامي ابي اوضح لكم.لا تندمون على شي لان كل شي له معنى وله اثر.اما ايجابي او سلبي.بس اثنيناتهم يعلمون الانسان شلون يكمل مشواره.امشوا وتعلموا,ضحكوا وابجوا,الطريج كله نهايته وحده,محد احسن من احد ,كلنا راح نموت.ونخلي ورانا طريجنا.. بس ياترى, هل الطريج راح يكون طريج حق غيري؟؟ يعني صحيح؟ اللي وايد راح يتبعونه؟
ولا راح يكون غابة من الوحوش, اللي بتهلك اللي ياي؟؟
فكل واحد يحاسب نفسه ويختار الشريك الصحيح اللي يساعده بطريجه عشان يفوز بالنهاية.يعني جدامه ووراه يكون نور مشرق حق اجيال واجيال!!
اتمنى انكم استفدتوا من كلامي وشكرا.
written by: sarah will never be broken

 

[old soul]

رد : اسوأ عيد ميلاد

هذا مقال كتبته وابي ارائكم

 

[(m & m)]

مقال اكثر من رائع بصراحه صار عندي فضول ودي اشوف المزيد من مشاركاتج و اوقع اعجابي

 

[ابتسم قدام جرحي]

تسلم يمناكِ ع الذوق والأحساس الجميل

ونتظر جديدكِ المميز دائماً يا مبدعهـ

ودى ...

:aha:​

 

[كيميائيه]

تسلم اناملج الذهبيه
keep on

 

[old soul]

رد : اسوأ عيد ميلاد

يعطيكم الف عافيه تسلمون من ذوقكم حبيباتي:tek: