اسواق ماليزيا

[ام خالد99999]

شنو احسن شي نشتريه من ماليزيا حق الصوايق بروح انشاء الله بتاريخ 10/8 اذا الله اراد ساعدومي علشان اشتري

 

[Mis$ LeO]

الله على اسواق ماليزيا ، من اسبوعين كنت هناك

بصراحه البضايع رخيصه وتحتارين شنو تشترين

ممكن تشترين الجناط والقمصان وحتى الاحذيه بعد

وممكن دهن العود والبخور

لكن اعطيج نصيحه لااااااازم تكاسرينهم خصوصا محلات الحي الصيني ،، اذا قال لج هالقطعه ب 200 قولي ابيها ب 50
وخليج مصره وامشي راح تشوفين يناديج ويعطيج اياها ب 80 او 100 بالكثير
وحتى تضمنين الخصم اشتري اكثر من شغله من نفس المحل

طبعا المجمعات التجارية الكبيره ما فيها مكاسر بالاسعار وعموما اسعارهم معقوله ورخيصه

تروحين وترجعين بالسلامه

 

[البسايل]

اول شى تروحين وترجعين بالسلامه ذكرتينى باحلا الذكريات ماليزيا كل شى فيها حلو اسواقها رخيصه عندج الحى الصينى لايطوفج روعه بس كاسرى / المبى حلو شغلاته متنوعه / ام بى كى رخيص وحلو / لوتن هم متنوع / الماركات تلاقينهم فى تايم سكوير وتوينز تاور اسمه عندهم سوريا روعه نظام الافنيوز والمارينا يعنى بتشترين ليمن تتعبين اقصد تفلسين :jbdwjbd: والله فينى بجيه اهئ اهئ اهئ ::eh_s(16):

 

[Om-Bashaar]

تروحين وترجعين بالسلامه حبيبتي البنات ما قصرو بس شوفي بعد ال بي بي بلازا في سوالف حلوه و رخيص

 

[soso7elwa]

وناسه انزين بنات صالونات الشعر الي هناك وين بماليزيا اكشخ صالونات حق الكراتين لاني ناويه اروح اسويه هناك واي فندق يسوي ويكون تمام ومضمون

 

[Mis$ LeO]

الصالونات في ماليزيا بكل مكان ... في الأسواق والفنادق وبكل زاويه لكن المشكله ان الصالون للنساء والرجال وفوق هذا الصالون يكون مفتوح على المجمع او الفندق واللي يشتغلون بنات واولاد واحيانا ما تعرفين البنت من الولد لان كلهم ناعمين وبعضهم جنوس

باختصار حطي بااااالج

 

[قصــب سكــر]

تروحين وترجعين بالسلامه

سمعت ان سوقهم حلووو

والبنات ماقصروووا

 

[math2020]

اتروحين وتردين بالسلامة

 

[فساتين فخمه]

رحله سعيده مليئه بالمفااااااجااااااااااات الحلللللللللللللللوه

 

[fg3ah]

تروحين وتردين بالسلامه
كل شي في ماليزيا حلو ومثل ما قالوا البنات الحي الصيني عجيب آن العام شاريه كل صوغات أهلي وأهل زوجي منه وبعد عندج الأسواق الليليه عجيبه كل الماركات والشغلات الحلوه فيها

 

[بناتي زينة حياتي]

للصوغات لاتحتارين عندج السوق الصيني طيبي وتخيري شنط وبواكه وساعات بس مثل ماقالوا لايقصون عليج وكاسريهم لربع السعر ترى هذا قيمته بس من يشوفون الخليجين يطيرون السعر

وعندج مجمع سوجو وبي بي بلازا وميغامول واسواقهم كثيره وحلوه وترى ماليزيا مو رخيصه طيروا اسعارها هالعرب واسعارها معقوله

اذا بتروحين بيننغ عندج السوق الليلي جنب فندق الهيلتون ..الاساور فيه حلوه ورخيصه وهو نفس نظام الصيني بس انا عجبني الليلي اكثر


واذا بتسكنين بهيلتون بيننغ طلبي من مطعم الفندق برياني دجاج وااااااااااااااااااااااو طعمه عجيييب وللحين اتحلم فيه وعليج بالعافيه

 

[ranoona55]

تروحين وتردين بالسلامة

 

[Lady^bird]

ونااااااااااسه شوقتونييييي .. ان شاء الله اذا رحتلها بفترهاااا فرررررررر

بس سؤال .. الحي الصيني وين صااااير ؟؟ وشنو اسمه هناااك

 

[Mis$ LeO]

السوق الصيني تقولين للتاكسي ابي اروح china town
وراح تكونين في وسط الحي اللي فيه السوق

 

[giuo]

تون تور اينننننننننننننننننننننننننننننننننننن عجيببببببببببب

 

[Dancing^Queen]

عجبتني فكره الشعر
منو يسوي بماليزيا؟

 

[Samurai]

اشتري سجادة الصلاه المعطره بالصندل على 20 رنجت .. انا شريتهم هدايا .. ولا تنسين تجربين شاي بوه طعمه حلو وتلقينه بأغلب الفنادق ...

 

[mashmoshi]

مرحبا بالنسبة لسجادة الصلاة المعطرة أنا بعد سمعت عنها بس من وين يبيعونها أبي أسم المحل والسوق بالضبط لأني راح اكون بماليزيا أنشاء الله 26/7 وشنو بعد تقترحون علي أييب معاي هدايا أبي أشياء غريبة مو موجوده عندنا بالكويت وشاكرتلكم خواتي وايد وايد

 

[الدروازه]

انشاء الله انا ماشيه باكر لماليزيا بالليل

وراح اروح السوق الصيني .....وأبي ادور السجاده المعطرة ...واقولج وين لقينها ......

إذا تبين شي قوليلي .....

بس ما ني مطوله بماليزيا راح اروح للصين وبعدين ارد لماليزيا ....

 

[الكبر لله]

شكرًا انشاءالله ترحين وتردين بالسلامة عاد ادعي لنا بعد ان الله يكتبلنا انشاءالله