اسوا شاليه مر علي .. استراحة الاحمدي

[KOKO_284I]

السلام عليكم

اشلونكم خواتي حبيت اكتب عن تجربتي وتجربة الاهل باستراحه الاحمدي اللي حاطين اعلانها


حجزنا طبعا ويوم تحجزين يحط القمر بايد والشمس بايد والواقع شي ثاني


رحنا ومعانا يهال والمنطقه بعيده وطفت علينا الكهربا ساعتين والمنطقه. معروف ان تنطفي فيها الكهربا لا حاط حاط شاحن كهربا مؤقت ولا شمعه ولا ليت احتياط ..

ولا بلغني بهالشي .. ويقولي اذا ماتبين طلعي واعطيج. فلوسج والحجي بليل وقاعدين على ليت التلفونات وبالظلمه وبمنطقه معزوله ..

قتله خل الصبي ييب لنا شموع يقولي انتي روحي ييبي المحطه يمكن .. واخرتها وطبعا مرته لسانها اشطوله وبدال لا اتعذر اتصارخ على اختي ..


انا دخلت ساعه 2 الشاليه المفروض طلعتي .. ومن الصبح مره ثانيه طفت الكهربا .. واليهال يبجون ..دق الصبي يقولي طلعوا ساعه 11 الصبح لان بنظف المكان بييون ناس ..


القنفات مبقعه ... التلفزيون خربان ومو شغال .. والصبي ما يسوي لكم اي شي


حوض السباحه طبقت دهن تلوع الجبد ووصخ بالماي واتشوفون بواقي الاكل .. والماي ما يتبدل من عايله لي عايله ..



وبس حبيت انبهكم .. انا مو طبعي اقطع بس اللي شفته بهالمكان ماشفته بحياتي والله شاهد على كل كلمه كتبتها ..



http://www.q8yat.com/t734406.html



حبيت انبه وانتو كيفكم عاد

 

[موله الكويت]

وييييييه الله يعينكم حبيبتي
انا شطثر سمعت عن شاليهات الاحمدي ونواديها ولافكرت اروح مع ان المنطقه تهبل ونظيفه بس للاسف بديرتنا مافي اهتمام بهالامور
الله يعوضج خير

 

[Pinky -cat]

حاولت ادش على اللينك اللي حاطته اللي باخر كلامج ما فتح ، جان زين يفتح ونشوف

 

[M!SS.LOBY]

اب اب اب

 

[انصاريه قمره]

ما احب الناس اللي ترفع الشغله السما واهي ما تسوا بصراحه وايد انقرصنا من مدح هالبنات ياليت يكون في شوي مصداقيه

 

[eman12]

الله يجزاج خير علي التنبيه ويعوض عليج فلوسج

 

[N.o.d]

الله يعينج شلون استحملتي !

لو منج ارد فلوسي
مادري شحصلتي تشحطط ومشاوير عالفاضي ،،

حسبي الله ونعم الوكيل

 

[نوف الصقعبي]

ويع عاد الا حمام السباحه ان ماتنظف ومن جسم لجسم يسبب امراض جايده بنت عمتي صار فيها التهاب حاد مادري شيسمونه بالطب زهيري مادري الزهره طلع بمهبلها تكرمون مثل الزهره الكبار يخرعون على بالنا فيها سرطان
ماكانت تقدر تصكر ريولها والله طالعين مثل الزهره البيضا عرفتوها اللي نقليها وناكلها طالعين من تحت بمنطقة المهبل لين برا تخيلو منظرها كان يخرع
واخر الفحوصات طلع نوع من التهابات لان الدكتور قال الماي اللي متسبحه فيه في احد متسبح في مرض او متسبح على جنابه مومتسبح تخيلو قطيعه لو شنو ما اغامر بحمامات السباحه لان صج مايهتمون بس حجى عالطل​

 

[نوف الصقعبي]

لا وبنت عمتي تري صغيره بنت للحين مومتزوجه وصار فيها جذي من حمام سباحه​

 

[ملامح بريئة]

ويع عاد الا حمام السباحه ان ماتنظف ومن جسم لجسم يسبب امراض جايده بنت عمتي صار فيها التهاب حاد مادري شيسمونه بالطب زهيري مادري الزهره طلع بمهبلها تكرمون مثل الزهره الكبار يخرعون على بالنا فيها سرطان
ماكانت تقدر تصكر ريولها والله طالعين مثل الزهره البيضا عرفتوها اللي نقليها وناكلها طالعين من تحت بمنطقة المهبل لين برا تخيلو منظرها كان يخرع
واخر الفحوصات طلع نوع من التهابات لان الدكتور قال الماي اللي متسبحه فيه في احد متسبح في مرض او متسبح على جنابه مومتسبح تخيلو قطيعه لو شنو ما اغامر بحمامات السباحه لان صج مايهتمون بس حجى عالطل​

جزاك الله خير عالتنبيه اي والله الحمامات تخرع زين نبهتينا

 

[Lady_q8]

شكرا عالتنبيه

 

[فوزيه الراسي]

اب

اب