اشتريت شعيريه باكستانيه ومحتاره وش اسوي فيها!!!!

[Heart story]

السلام عليكم ورحمة الله وبركاته..
​

بنات انا عندي شعيريه باكستانيه وابي اسوي حلى فيها


بس ما عندي فكرره لهاا.ياليت تقولون لي عن كذا طريقه عشان اقدر اسويها..​

 

[جارة القمر]

وايد حلويات تقدرين تسوينه بالشعرية


تفضلي طلبك::
http://www.q8yat.com/t463802.html


http://www.q8yat.com/t823986.html


http://www.q8yat.com/t210305.html

 

[dnyay_mll]

كيس شعريه باكستانيه
حمسيها عالنار مع نص زبده تقريبا خمس دقايق
ضيفي لها كوب فستق مجروش
وثلاث ارباع علبة حليب نستله
وشيليها من النار ولما تبرد كوريها

هالحلو لذيذ

 

[Ro0ora]

dnyay_mll


توني كنت بكتب هالحلى ..

جد هالحلى يجنن وسهل ..​

 

[أحلى همبه كويتية]

تفضلي حبيبتي اختاري اللي تبين ويعجبك



كيكة الشعرية لأم عزيزان


المقادير :

1 كاس سميد
1كاس زيت
نص كاس سكر
4 بيضات
1 ملعقه كبيره بيكن باودر
1 علبة نستله
1 كيس شعيريه باكستانيه
1 بسكوت شاي 200 غ


الطريقه :

اول شي نكسر البسكوت قطع صغييييييييييره ونخليه على جنب

نخلط البيض والسكر والزيت بالخلاط ... وبعدها نضيف السميد والبيكن باودر لما يتجانس الخليط مع بعض

نضيفه على البسكووووووووت وراح يطلع معاي خليط ثقيل اشوي

افرشه في صينية فرن مدهونه ... واحط عليه الشعريه المفتته واغطيه فيها زين يعني كثري منها ... وضغطي عليها اشوي على الخليط

ودخليها الفرن على درجة 160 لمدة ربع ساعه ( او حتى تنضج ) ... وبعدها افتحي الفرن من فوق حتى تتحمر الشعريه

طلعيها من الفرن واسقيها على طول حليب نستله
وخليها لما تتشرب الحليب كله قطعيها مربعات
وتراها لذيذه جدااااااااااااااا

وكل ما ابردت تصير احلىىىىىىىىىى بس لاتحطينها بالثلاجه خليا تبرد على راحتها

وعليكم بالعافيه وان شاء الله تعجبكم ان جربتوها



*****************






المقادير :

3 بيضات

3 فناجين سكر ناعم

ثلث كوب زيت

6 حبات جبن كيري

نص كوب طحين

نص م ص بيكنج باودر

رشة فانيليا

نصف كيس شعيريه (تفتت ناعما)

حليب مركز( نصف العلبة )






الطريقه :

يخفق البيض والزيت والسكر جيدا في الخلاط

ثم نضيف عليه الجبن

وبعد ذلك الطحين والبيكنج باودر والفانيليا

و تصب في قالب الكيك أو أي قالب فرن تفضلين ويجب أن يكون مدهون

وترش بالشعريه حتى نغطيها تماما

تترك عشر دقائق ثم ندخلها الفرن لمدة نصف ساعه تقريبا

وبعد إخراجها نسقيها بالحليب المركز وهي حاره

ونتركها حتى تبرد....
​

​

******************************************



كيكة الشعيرية اللذيييذة والهشة والقياس بيكون بكوب الجبن الصغير

المقادير : 2بيض +2كوب سكر + 1كوب زيت + 3ملاعق حليب بودرة + 1ملعقة بيكينج بودرة + 2علبة قشطة + 1كيس شعيرية احمد + هيل وزعفران


الطريقة : نخلط السكر والزيت وانضيف عليهم البيض والقشطة والحليب البودرة والبيكينج بودر و انضيف عليهم كيس الشعيرية ونخلطهم مع بعض وانضيف عليهم الهيل والزعفران ونحطه في صينية وندخلهم الفرن
وبالعافية على قلوبكم ...



****************************************




​

 

[أحلى همبه كويتية]

المقادير ..

2بيضة
2فنجان سكر
نص كاس زيت
2فنجان ماء
كأس جوز هند
نص كأس طحين
ملعقة B.P
شعيرية باكستانية افتاب
حليب نستلة محلى نستلة



طريقهاا ....:
نخلط الطحين وجوز الهند والبيكنغ بودر والسكر مع بعض ثم نضع البيضة والزيت والماء ونخلطة لين ما يصبح خليط متجانس مثل الكيك.... تصبح في صينية مدهونة بزيت وتوضع بالفرن لمدة ثلث ساعة الين ما تحمر من الاسفل ثم نخرجها ونضع الشعيرية بعد تكسيرها على الوجة ونرجعها للفرن لكي تحمر من الاعلى ...
بعدما نخرجها من الفرن نصب عليها النستلة ونجعلها تبرد ونقطعها

 

[أحلى همبه كويتية]

كيكة الشعيرية الباكستانية بالجلكسي

المقادييييييييير



2 علبة قشطة
3 بيضات
1 كوب سكر
1 كوب جوز الهند 1 كوب زيت
1/2 كيس الشعيرية الباكستانية
ملعقة صغيرة بيكينغ باودر
ملعقة صغيرة فانيليا

للتزيين :
يذوب 3 جالكسي على النار ثم يضاف 1 علبة قشطة

الطرييييييييييييقة/

تخلط المقادير كلها ثم تضع في صينية وتدخل في الفرن في الرف السفلي لمدة 10 دقائق ثم
تشغل الفرن من فوق لمدة بسيطة .
وتخرج الصينيه من الفن ونصب عليها الجلكسي وتزين بجوز الهند

 

[أحلى همبه كويتية]

وهذا حلو بارد شغلي
لا يطوفك

http://www.q8yat.com/t624454.html

 

[الحسن الرقيق]

جربي حلوو التكـ عجيييييييييييب ..
بصراحه امي تسويهاا وما اعرف الطريقه ..جان كتبها لج

 

[الحسن الرقيق]

http://www.q8yat.com/t395152.html
لقيت لج الطريقه

 

[أحلى همبه كويتية]

المقادير :

- كيس شعرية ( باكستانية ) أقصد الشعرية مو وحدة باكستانية

- قالب زبدة صغير

- 2 ملعقة أكل عسل

- علبتان حليب نستلة صغير

الطريقة ​

نقوم بتحمير الشعيرية على النار مع التحريك المستمر

ترفع الشعيرية عن النار بعد أن يتغير اللون قليلا

ثم يتم وضع الزبدة مع الخلط جيدا

يوضع العسل مع الإ ستمرار في عملية الخلط

ثم يوضع حليب النستلة فوقه

ثم تكور الشعيرية باليد ثم تزين بالفستق وتقدم

 

[أحلى همبه كويتية]

حلو التك البارد

http://www.q8yat.com/t681327.htmlhttp://www.q8yat.com/t681327.html

 

[استاهل الصيت]

اب
اب
اب

 

[أحلى همبه كويتية]

http://www.q8yat.com/t823541.html

 

[randomy]

اسهل شي

سوي بسبوسه وعقب ماتخلص كسري عليها الشعرية الباكستانية ورشيها وصبي فوقها نستله المكثف

 

[لياليـ]

اب
اب
لعيونج

 

[جيكره(و)تتغلى25]

ماااقصروووو البنات