اشتري له هدية ولا ..........؟

[يا رب]

قوة بنات شلووووونكم ...


أبي استفيد من خبراتكم ..


سؤالي : هل العروس لازم تشتري هدية لزوجها .. ولا البعض يسوونها من باب الذوق ؟؟

وإذا لازم .. متى أعطيه الهدية هل ثاني يوم مثلا ؟؟


وشنو تقترحون هدايا ؟؟

فيدوني جزاكم الله خييييييييييييير ​

 

[bride collection]

اشتريله ميداليه اسمج واسمه وممكن تحطين معاهم دعاء يعلقها بسيارته
الله يوفقكم

 

[جوري 2007]

عادة الرياييل يعطون حريمهم صباحية ثاني يوم العرس وتكون هدية او فلوس

انا جذي حبيت اعطيه هدية ليلة العرس عقب ماخلص العرس قلم جيفنشي وميداليته

وكل وحدة وذوقها بس هم موملزومة تيبيله

بس حلو انج تهدينه شي

 

[يا رب]

برايد كوليكشن

ثانكيو حبيبتي عالمرور والاقتراح :33_1185028183:


جوري

أمي قالتي ماله داعي .. بس أنا بصراحة ودي ونويت أشتري .. بس كنت بعرف لازم ولا لا ؟

وجفت ساعة مع مسباح واايد ذربين فكرت اشتريهم .. بس قلت بجوف رايكم قبل ..

ثانكيو عالمرور وبالتوفيييج :33_1185028183​

:

 

[لبـى ـآ أنـآ]

حلو انج تهدينه ثاني يوم او ثالث يوم بادره طيبه منج

 

[Do I Care]

رد : رد: اشتري له هدية ولا ..........؟

مو لازم بس اهي وذوقها .. انا من رايي اشتريله بس شغله ويا التجهيز مثلا عطر نسائي لج والرجالي حقه
يعني لج وله عرفتي .. ان اسمج ذكرتيه وقت تجهيزج بس

 

[G A L A W I]

رد : اشتري له هدية ولا ..........؟

حلو انج تشترين له هديه عطر او ساعه


بس اكيد مو اول اسبوع تعطينه
امبيه فشله
بسم الله نطرو شوي
مو من اول يوم او ثاني يوم تعطينه هديه
حدها فشله جنج مو مصدقه


عطيه ثاني اسبوع
..

"وجهة نظر"

 

[يا رب]

رد: رد : اشتري له هدية ولا ..........؟

انا محتارة بالتوقيت يعني متى بعطيه

ثانكس عالاقتراحات بنات ما قصرتوا

 

[L I N D T]

تهادوا تحابوا ..

ادري اني قديمة لوول

انا عطيت ريلي بوك وعطر ثاني يوم ملجة =) ..

دام ان ما بقى شي عالعرس عطيه ثاني يوم =) ..

الله يوفقج ويتمم عليج ..

 

[يا رب]

حبيبتي شحلات الدعوة ريحتني ..

تسلمين عالمرور .. وعلى قولتج تهادوا تحابوا

 

[Cander]

حلو تشترين لة هدية تطرشينها مع الجاز

وثاني يوم تقدمينها لة

بالتوفيق

 

[noo7a]

انا خذيت لريلي ساعه
بالعرس لمن لبسني الشبكه لبسته الساعه

 

[SHOOQ8]

مادري احس مالها داعي مو حلوه شكو اهديه

 

[عكروشه الشمري]

اممممممم بصرأحه لو مثلا بعرس وبسويها بياكلون وجههي أهلي و أهله ...
حناعندنا عيب وهو نفسو بيقول ماصدقت اتزوجه...
حلو أنج تعطينه هديه وشي ذوقي بس مو من أول الايام...
أنا لو ابي افكر يمكن اعطيه بعد شهر :jbdwjbd:

 

[مــهــره]

حبيبتى انتى بينج وبينه ميانه تكلمينه قبل العرس واله لا ؟
اذا لا !!! طبعا يوووفضل انج نفس ماقالوا البنات تشترين عطر نسائى ونفسه رجالى لايقول هذى من الحين مو مصدقه لانه مايعرف طبعج ولا تدرين هو شنو طبعه !!!
واذا ايه !!! اشترى له وثانى يوم على طول عطيه تكونين عارفته وعارفج مثل بوك ساعه وتغلفينه غلاف كشخه ونصيحه من اخت <<< خلى هداياج عززيزه عشان يحس بقيمتها مو كل وقت اهديه هديه بس للمناسبات عشان يحس فيها لاتموتين هالحظه بينكم خليه يتشفق على شى منج !!!
<<<< وجهة نظرى​

​

 

[amami al-kuwai]

فكرت اشتريله هدية علشان ثاني يوم عرس اهديه
انا ميانه معاه علشان جذي فكرت لان اعرف ذوقه
بس اذا انتي ماتعرفينه نطري شهر وبعدين اشتر له هديه علشان تعرفين طبعه شنو

 

[مطيريه ماركه]

مآدري آنآ يمكن دقة قديمة
بس نصيـحة منّي

حلوة آلرجآل يبآدر مو آلعكس
متعآرف عليه آلرجل يهدي زوجته في آلصبآحية

آذآ بِ خآطرج هديّة له
نطري شهر وآهديه بِ منآسبة شهر من زوآجكم

ترآ آذآ مآ آهديتيه آلصبح مآرآح تجي بِ خآطره عآدي جدآً
وآنتي بآجر بِ ترتآحين صج آن شي بسيط بس بِ يتعوّد يبآدرج

وذيك آلسآعة نقول :
آهديه عمرج مو بس هديّة
:eh_s(17):

 

[مدام زيزو]

رد : رد: اشتري له هدية ولا ..........؟

انا عطيته عقب شهر من الملجه

 

[jtbnmk]

رد : رد: اشتري له هدية ولا ..........؟

تهادوا تحابوا ..

ادري اني قديمة لوول

انا عطيت ريلي بوك وعطر ثاني يوم ملجة =) ..

دام ان ما بقى شي عالعرس عطيه ثاني يوم =) ..

الله يوفقج ويتمم عليج ..

حبيبتي طمنتيني انا بعد شريت له بوك وعطيته ياه ثاني اسبوع من الملجه
بعدين حسيت جني مو مصدقه لووول بس طمنتيني عادي اتوقع ريلج لازم تعطينه انا بعدني ماتزوجة وعطيته

 

[صااااحبة السمو]

يؤوؤوؤوؤوؤ
ليش المفروض اشتري له شي
ابيه ولا طرى عل ى بالي ولا احد نبهني .. زين اذا ما عطاني شي بصباحيتي شسوي بناات ​