اشتغل بمنطقه العاصمه التعليميه ...!

[Broy]

السلام عليكم حبيباتي ابي اخذ رايكم بشيء يخصني

انا صارلي شهر من توضفت بالمنطقه التعليميه

بس مادري مو مرتاحه
انا مو متعوده على الدوام من الصبح يعني انا احب الاجازات والعطل

ومثل ما انتو عارفين ان الدوام بالمنقطه طول السنه وما اقدر اخذ اجازه الحين

فهالشيء مأزمني قاعده افكر انقل رياض اطفال على شهر 9 يعني روضه دوام خفيف و اطالع مبجر

و اهم شيء اجازه طوووووويله ارتاح فيها ..........

الحين ابي رايكم

وايد ناس قالولي ققعدي مكانج احسن لج وايد زين احسن من الروضه والمدارس
كل الي نقلو مدارس تحسفو هذا كلام اختي و بنات من اهلي !!

للعلم السكرتيره الي معاي بتنقل و مكان دوامي نظامهم احزاب و مشاكل مالها اول ولا تالي
انا الحمدالله مو محتكه بأحد نهائيا ومكاني مافي شغل يعني خفيف حيل طول وقت الدوان قاعده

اترك لكم المايك تفيدوني

 

[أميرة-]

طالما أنه مكانج ماعليه ضغط شغل خليج لا تنقلين

انا مو إدارية بس صراحه مايهمني أطلع مبجر إذا دوامي متعب أهم شي الراحة النفسية

انتي لا تستعجلين شوفي الوضع يبيلج وقت و على سالفة الأحزاب بكل مكان جذي لا تتوقعين بس بدوامج

 

[Broy]

شكككككرااااااااااا يا اميره على الرد



معقوووووووووووول 99 مشاهده ولا احد عطاني رايه:rgewrg:

 

[#الخشف#]

اول شي استخيري ربج ماتدرين وين الخيره..

ومن رايي اشوف الدوام في رياض الاطفال مريح وعلى قولتج عندج عطله طويله ترتاحين فيها...

تقدرين تسالين في قسم الحياه العمليه اهم ادرى بهالموضوع لاني شفت شكثر عضوات يشتغلون سكرتيرات بمناطق تعليميه..

 

[أخت خالد]

لا والله انقلي اهم شي العطله والشغل نفسه بكل بمكان اللي عندنا مرتاحين بس نصيحه انقلي،روضه او المدارس البنين اللي ادارتهم ريايل المدير اذا ريال يراعي بس بسآلج انا ماطلبت نقل فتح النقل قالولي،بالصيف يفتح

 

[Broy]

لا والله انقلي اهم شي العطله والشغل نفسه بكل بمكان اللي عندنا مرتاحين بس نصيحه انقلي،روضه او المدارس البنين اللي ادارتهم ريايل المدير اذا ريال يراعي بس بسآلج انا ماطلبت نقل فتح النقل قالولي،بالصيف يفتح

حبيبتي ماقصرتي على الرد

بنسبه حق النقل المعلمات الي طالبين نقلهم تطلع اساميهم شهر 8
باجر ان شاءالله اسالج مته فتح باب النقل مره ثانيه بس اذا تبين اجيكلج
على اسم معلمه طالبه نقل كلميني بالخاص

 

[Broy]

اول شي استخيري ربج ماتدرين وين الخيره..

ومن رايي اشوف الدوام في رياض الاطفال مريح وعلى قولتج عندج عطله طويله ترتاحين فيها...

تقدرين تسالين في قسم الحياه العمليه اهم ادرى بهالموضوع لاني شفت شكثر عضوات يشتغلون سكرتيرات بمناطق تعليميه..

شكراا على الرد حبيبتي وان شاءالله راح استخير واللخ يكتب الي في الخير

 

[falfola-falfola]

بنات تخصص فني تشغيل كمبيوتر يبونة رياض الاطفال
???????!!

 

[برنسس أوراق]

بالعكس مكانج حلو تركي عنج الوسواس بس
ومع الوقت بتتعودين
ونسي نفسج بس
ولا يهمج كلام العطل والاجازات
انا اشوف شغلج بالمنطقة وايد احسن من ازعاج اليهال

 

[^^طالبه^^]

والله رياض الاطفال ابرك واحسن
تداومين شهر 9
مايجي شهر 6 الا وانتي مرتاحه
بس المعاش اقل من منطقة التعليميه
معاش المنطقه 720
ومعاش السكرتيره بمدرسه 659
والاخت الفاضله الي تقول اطفال ولويه
اقول لج عزيزتي انتي بالاداره ومالج شغل
بالاطفال ولا الصفوف

بتوفيق