اشرايكم احلى سفره اوروبا 2010

[ماروكو23]

اشلونكم كويتيات
انا انشاالله ناويه اسافر انا و زوجي هالصيف وعندي خطه ابي آخاذ رايكم فيها خصوصا الخبيرات باوروبا
اولا المده راح تكون 21 وخط الرحله راح يكون
المانيا يومين وجوله بالنمسا اسبوع او اكثر ودي اروح فينيسيا (البندقيه) بايطاليا بالقطار لمدة 3 ايام وعقبها سويسرا احتمال جنيف بس ليلتين ومن بعدها باريس اسبوع اول 8 ايام
واسالتي لكم:
1)جم الميزانيه اللي راح تكفيني ؟؟؟؟؟
2)اشرايكم بالخطه هل وايد خمس دول؟؟؟
3)ما عندي فكره عن الانتقال من دوله لي دوله بس النيه من الكويت لي المانيا عقبها بالقطار او اجر سياره لي النمسا وايطاليا واروح سويسرا بالطياره وعقبها فرنسا؟؟؟؟
4)اذا الدول وايد شنو الدول اللي الغيها من الخطه لاني ودي اعطي كل مكان حقه؟؟؟؟

 

[أميره بلا قصور]

اشلونكم كويتيات
انا انشاالله ناويه اسافر انا و زوجي هالصيف وعندي خطه ابي آخاذ رايكم فيها خصوصا الخبيرات باوروبا
اولا المده راح تكون 21 وخط الرحله راح يكون
المانيا يومين وجوله بالنمسا اسبوع او اكثر ودي اروح فينيسيا (البندقيه) بايطاليا بالقطار لمدة 3 ايام وعقبها سويسرا احتمال جنيف بس ليلتين ومن بعدها باريس اسبوع اول 8 ايام
انا مو خبيره بس بساعدج باللي اعرفه
اذا قصدج دايركت من الكويت لميونخ اتوقع ماراح تطولين فيها يوم واحد بس واذا بتطولون لازم تمرين منطقه تهبل اسمها قارمش وثاني يوم بالسياره اذا بتأجرون الطريج ساعتين روحي للنمسا طبعا بالنسبه لي احلى مافي النمسا زيلامسي قعدو 4 ايام بالكثير بس لاتزيدون فينيسيا تروحين لها بالقطار من زيلامسي بس الوقت طويل 4 ساعات ونص الى خمس لان في تبديل في منطقه فيلاخ يعني من زيلامسي الى فيلاخ ساعتين وبعدها تبديل قطار من فيلاخ الى فينيسا 3 ساعات عاد فينيسا كلها تفرينها ب6 الى 7 ساعت كااااافي المدينه مافيها شي يسوى تقعدين اكثر من يوم
وبالنسبه لسويسرا مادري بس اتوقع بالطيران الاقتصادي تقدرين تروحين لها وهم من جنيف الى باريس
واسالتي لكم:
1)جم الميزانيه اللي راح تكفيني ؟؟؟؟؟ اقل شي 5 الاف دينار اذا انت ناويه ترهينى ع عمرج وتسكنين فنادق 5 ستار
2)اشرايكم بالخطه هل وايد خمس دول؟؟؟ وايد وايد لانها راح تكون سفره مرهقه صراحه انا اقول شيلي باريس وجنيف من المخطط
3)ما عندي فكره عن الانتقال من دوله لي دوله بس النيه من الكويت لي المانيا عقبها بالقطار او اجر سياره لي النمسا وايطاليا واروح سويسرا بالطياره وعقبها فرنسا؟؟؟؟
القطار مرهق و تعب عليكم خاصه الجناط بتتلعوزون منها حاولي ماتكثرين من اغراضج بس السياره احلى وخصوصيه اكثر
4)اذا الدول وايد شنو الدول اللي الغيها من الخطه لاني ودي اعطي كل مكان حقه؟؟؟؟

قتلج ميونخ يومين وزيلامسي 4 ايام الى 5 وفينيسيا يوم وعقب ترجعين الى زيلامسي ومنها لميونخ وعقب الكويت
ترا 21 يوم كثيره خليهم 10 الى 15 يوم والله راح تملين وبسسسسسسسسس
انشالله تتوفقون برحله سعيده وان شاء الله البنات مايقصرون بالردود:tek:

 

[أوكسجين]

لا لاتشيلين باريس
باريس وايد حلوه والله انا قعدت فيها 4 ليالي وتحسفت ليش ماطولت اكثر كلمة تينن شوي عليها شيلي جنيف وخلي البندقيه ليلتين
هذا اللي سمعته يقولون البندقيه حلوه بس لاتطولين فيها
خلي رحلاتج كلها بالسياره احلى شي تاجرين سياره وتاخذين الجارمن معاج وتفترين اوروبا على كيفج
والميزانيه 4 الاف اعتقد تكفي ومو شرط تقعدين بفايف ستار تره الفور ستار نظاف واسعارهم حلوه
واذا تبين فندق بالشانزليزيه حلو وزين انا حاضره

 

[دانه الهيرات]

فينيسيا ما انصحج فيها بالصيف لان حر وايد و رطوبه يعني الحراره توصل 47 و ما عندهم تكييف

 

[حبيبة زوجها دوم]

انا بعد لحد الحين ما قررنا بس شكله اوروبا بس وين للحين و اكسجين شنو الفنادق اللي تقترحينها باريس

 

[أوكسجين]

دانه انا بروح فنيسيا بتاريخ 9-5 شلون يكون جوها تتوقعين حار !!

 

[أوكسجين]

http://warwickparis.com/default.aspx?pg=photo&rp=home

هذا انا قعدت فيه صاير على بعد 30 ثانيه من الشانزليزيه >>>>>> لوووول اهم شي 30 ثانيه

 

[أوكسجين]

الفندق 4 نجوم وايد حلو ونظيف ويم الشانزليزيه
وفيه محطة قطار وايد قريبه منه

 

[ساره.]

ايطاليا حر بالصييف... سويسرا وجنييف كانت الرحله خياااااال ....كان خاطري اروح ميونخ بس ماصار نصييب.... بس فرنسا!!! رحتها 3 مرات وللحين مامليييييييييييييت

 

[أوكسجين]

لاتحجزين من النت روحي المكاتب اتوقع يطلع ارخص عليج

 

[Om Ghalia]

الغي كل شي ما عدا فينيسيا...

 

[اسوومه85]

شوفي حبوبه

انا رحت بالصيف الي فات المانيا و النمسا

رووووووعه

كان ودي اروح ايطاليه بس اعيالي اسم الله عليهم خصوصن ولدي العود
عمره8سنوات واايد اذاني و ولدي الثاني عمره5سنوات و بنوته اسم الله عليها حملت فيها بالموت و الغصب و كان عمرها سنتين و قلت لازم اخذها و ما اخليها
حرام بنتي صج صغيره بس ما اذتني احطها بالدراجه و افتر بس عيالي شيبوا شعري
صج مو كفو سفره
ههههههههههههههههههههههه

انا انصحج بديرتين هذولا و زيدي ايطاليا اذا تبين
موفقه
و اي استفسار انا حاضره

 

[كويتية؟]

up up

 

[ماروكو23]

:aha:نورتو حبايبي اللي شرفتوني بردودكم:aha:
احتمال كبير اكنسل باريس واخليها السنه اليايه مع لندن
بس اذا الميزانيه 4الاف خمس دول مقدور عليها مع العلم اني ما ابي فنادق خمس نجوم انا حاطه ببالي فنادق اربعه نجوم او اخذ شقق لاني سمعت انها ارخص بوايد؟؟؟؟؟؟؟
وبعدين النمسا فيها منطقه يم زلمسي اسمها كابورن فيها شقق فندقيه ليلتها ب24 دينار والفنادق بزلمسي ليلتها 80 دينار والمسافه بينهم ربع ساعه بالسياره
وسويسرا ما عندي فكره عن اسعارها !!!!!!!!!!!!
واذ على كلامكم 4 كافي ماودي اكنسل باريس بس انا سمعت ان باريس تكلف وايد
بصراحه لي الحين ما رسيت على بر !!!!!!!!!!!!
حيييييييييييييييييييييييل محتاره وما عندي وقت لازم احجز على الاسبوع الجاي اول الي بعده بالكثير

 

[كتكوته كويتيه]

نصيحه باريس سفره بروحها لانها غاليه و الشوبنغ فيها غالي فخلي لج ميزانيه كامله حق باريس
روحي ميونخ قعدي فيها يومين مافيها اشياء وايد بعدين مري قارمش قعدي فيها يوم بعدين روحي زلمسي قعدي فيها خمس ايام و سكني بكابرون وانا سكنت بالشقق اللي قلتي عنهم نظاف و اخديها مع الفطور علشان ما تروحون تدورون مكان تتدريقون فيه يضيع و قتكم و بعدين روحي فينا شوبينق يومين و طلغي منها على البندقيه يوم عن خاطرج و بالرده ريحو في زلامسي يوم وبعدين ميونخ
سفرتي الصيف اللي طاف كانت جدي بس بدون البندقيه

 

[حبيبة زوجها دوم]

شنو اسم الشقه الي بزلمسي ابيها عشان نحجز ضروري

 

[حبيبة زوجها دوم]

عفوا الشقه الي بكابرون

 

[Love \ Hate]

حبيبتي .. حبيبت زوجها انا مادري اي شقق تقصدين ..

بس لنل عندي هالشقق اللي بكابرون ماخذتهم من اهني بالمنتدى مرره اذكرت وحده انهم حلوين .. بس ترى مارحت ولاجربتهم ..

http://www.kaprun-wohnen.at/

 

[Love \ Hate]

ماروكو حبيبتي مخططج حلو !! وانا بالنسبه لي السفر حلاته بالوناسه والتنقل من مكان لي مكان ..

وباريس ترى بالنسبه لي حلو لها 3 ايام .. يوم كامل دزني والاوت لت اللي يمه ويوم كامل ويوم برج ايفل و اللوفر وتمشي واليوم الثالث حق الشانز ..

مادري انا احب اقعد فيها 3 ايام كافي لي انج ماراح تتنقلين فيها عرفتي ..