اشرايكم اعزم الاهل بمطاعم بوفيه و لا مطاعم العاديه مثل قيصر و ربعه

[جلكسيه اس 3]

السلام عليكم و رحمة الله و بركاته
اشلونكم خواتي شخباركم
انا ان شاء الله بعزم الاهل و معانا
بعد راح اتكون عايله ثانيه عازمتهم
فمادري محتاره اعزمهم على بوفيه ولا مطعم عادي مثل قيصر و ربعه
و يليت لو تعطووني تجاربكم مع مطاعم البوفيه واسامي مطاعم بوفيه حلوه و تصلح:eh_s(7):

 

[عبق البنفسج]

بنسبة لي تعقدت من مطاعم البوفيهات لأن برمضان كان لي تجربتين
تعرفين برمضان أكثر المطاعم يصير الفطور نظام بوفيه فرحت بوفيه فندق هوليدي ان الي بالديرة وانصدمت بروحه المطعم صغير بس زحمة وكلا يهال وكان فيه جنسية معينة ماني قايلة اسمها وناس موشايفة خير طق عصي عالبوفيه ويترسون الصحن جنا الأكل بيخلص ..

وثاني مرة رحت فيلا فيروز وكان الوضع أحسن بشوي بس هم ما ارتحنا لا بالقعدة ولا بالبوفيه لأنه كان زحمة ..

بنسبة لي أحسن بوفيه رحتله كان بفندق موفينبك المنطقة التجارية (جربت ريوق وغدا وعشا وحتى فطور وكلهم اوكي حلوين)

أما عن باجي مطاعم البوفيه فما عندي أي خلفية

 

[الأميرة جوري]

جربت بوفيه مغل محل حلووو وسعره مناسب ...

 

[جلكسيه اس 3]

عبق البنفسج مشكوره

الاميره الجوري البوفيه اكل هندي و لا متنوع و مشكوره

 

[Queen of shr]

انا جربت بوفيه فندق الشيراتون حلوو والموفنمبك البدع والفري زوون جربت بوفيهم اكثر شيء عجبني القعده والمكان هادي ووجربت مركز سلطان البحر مااحبيته !! بشكل عام ماحبيت فكرة البوفيه كل ساع قايمه واعبي صحن لووويه وخصوصا انتو بتطلعون عايله راح تصير لوووويه وتتضايقون لان بيكون عددكم كبير وكل شوي واحد فيكم يقوم !!! اذا تحبين الاكل الهندي روحو قيصر الي بحولي بارك او المطعم اللبناني الصنوبر حلووو وكبيير والقعده تطل عالبحر

 

[جلكسيه اس 3]

مشكوره حبيبتي على ذكر تجاربج انزين ابي الاسعار البوفيه الشخص تقريبا جم
و عبق ابي اسعار البوفيه. بالنسبه لمطعم مغل محل

 

[عبق البنفسج]

انا ماجربت بوفيه مغل :ggdw:بس جني قريت مرة ان سعرهم 5 أو 5 وشي ..
المهم قبل لا تعزمينهم نصيحة روحي المطعم بحزة الغدا وشوفي الجو العام شلون زحمة ولا لأ .. وفي هنود ويهال ووووو الخ ولاناس ذربين

 

[جلكسيه اس 3]

مشكوره عبق وي مالي خلق اروح
شكلنا بنروح الشيراتون

 

[ورده عنابيه]

انا اقول روحي ميس الغانم المطعم مو بوفيه بس اكله حلو وسعرة مناسب واكله راهي يعني صحن مشويات مشكله يكفي 3او 4 اربع وطبعا انتو ضيفوا طلباتكم من سلطات ومقبلات وعصاير واطباق ثانيه

 

[كتكاته وبس]

والله الصراحه انا عندي لا يعلى على فررررررررررررررررريج صوووووووووووووووووويلح توب الاكل امممممممممممم والله اني اشتهيت على سمج بقاع الجدر اممممممممممممممممممممم

 

[قطوة@@]

امم ما احب نظام البوفيه لويه قومي و حطي و قعدي

روحي مطعم عادي طلبات و منيوو احسن عندج لبناني ميس الغانم و برح الحمام

و امركي جيليز و فرايديز

و اذا تبين ايراني ناز و شيرين بانو و ليالي الخيام

 

[جلكسيه اس 3]

والله شكلي بسمع راي كتكوته
خوش راي عاد انا احب هالمطعم من زمان مو رايحتله
مشكورين بنات

 

[درة أهل الطولات]

بوفيه اذا ميزانيتج كبيره

بس اذااا الميزانيه مو كبيره عزميهم عادي طلبات

 

[3aSaL Q8]

تروحين فيلا فيروز تتفقين معاهم على عدد الاشخاص والطاولة وين تبينها وتختارين من المنيو الطلبااات من السلطات والمقبلات لي الحلو وبس وحزت العزيمة وانتو قاعدين الطلبات تنزل بس يفترون عليكم علشان يسالونكم شنو تشربون اسهل واايد من القومه والقعده اوفلان اشتبي ساعات في ناس يستحون يطلبون اذا معزمين