اشرايكم بمشرووووعي؟؟؟

[لميس]

السلام عليكم..


خواتي انا عندي مشروووع وافكر ابدا فيه بس خايفه ما ينجححح!!!













المشروع هو...





اجيب سايق خاص واخليه يوصل معلمات الى مكان عملهن!!




انا سمعت ان توصيل مدرسه يوصل ل 60 دينار.

ما ادري اللي عندها خبره في هالمجال تفيدني..



جزاكم الله خير....

 

[نــوي]

بصراحه الفكره وايد وايد حلوه
بس يبيلج سايق امين مايروح مني مناك

وموفقه انشالله
( اصعب شيء في المشروع هو افتتاح المشروع )
فلاتخلين اي شي يوقف في ويهج والرزق من الله سبحانه

 

[eman12]

والله مشروع حلو بس لازم تاخذين سايق متدرب ويدل الطريج وينفع خصوصا للمعلمات المصريات او الاجانب اللي سكنهم بعيد عن الدوام ولو يوصل باليوم 3 مدرسات بين الصبح لي الظهر والعصر تسوينه مندوب يودى ويجيب
الله يوفقج

 

[لميس]

مشكوراااااات عالتفاااعل!!


نبي باقي الاخوات مايبخلون في ابداء الرأي في مشروعي!!!

 

[ديما الكويت]

خوش مشروع بس حرصي وقلبيها يمين وشمال والفلوس انتي استليمها من المعلمات مو السايق وحسبيله الوقت عشان ما يتلاعب مني او مناك

 

[Ms. luxury]

خليه يسجل مع كل معلمة عقد واييبه لج عشان تعرفين جم معلمة يوصل وتعرفين جم يقبض ..وخليه اشتراك شهري واللي تاخذ سنة دراسية كاملة تسوين لها سعر أقل ..واشتري له ميني باص موسيارة ..

 

[cute * girl]

حلووووه الفكره

الله يوفقج ان شاءالله

 

[جوري الزبير]

الله يوفقج حبيبتي ماقصرو الخوات

 

[ام ورود مول]

حلوة هذي الفكرة بس لا تنسين انه لازم يكون واحد امين ما يلعب بالسيارة..
واذا بتسمحيله يشتغل فيها بعد ما يوصل المعلمات اتفقي معاه ان صيانة السيارة عليه والبنزين...ولا تنسين المخالفات

 

[((الزين))]

الله يوفقج
واهم شى مثل ما قالوا البنات
خل يسجل باوراق وتشوفينها
والاحسن ان اخوج او زوجج يكون معاج
لان بعضهم يستغل انج بنت وما تعرفين
وان شاء الله ربى يرزقج

 

[أم مـلاك]

الله يوفقج وفكره حلوه بس تبي صبر اول شي وان شاءالله بعدين تطلع لج ربح لان انا دائما اروح مع سايق ماشاءالله تلفونه ما يوقف من الاتصالات

 

[Q8stylle]

الله يوفقج حبيبتي

 

[مساء مونترو]

بس مافي ربحية..

 

[LoloBlueStyle]

الفكره حلوه
والله يوفقج
وفكري تشغلين ..واحد متقاعد كويتي مثلا أأمن من الاسيويين ..
او احد من فئة البدون الله يعينهم على حياتهم
يعني القصد لا يكون تفكيرج محصور بالاسيويين ...فكري باهل البلد
والله يوفقج يارب