اشطبوا خدمتي خمس سنوات ؟؟؟ ساعدوني

[صدى الاسلام]

السلام عليكم



ابدي بالموضوع على طول



بنات انا بعد الثانوية قدمت على الجامعه المفتوحه ودراسة فيها



وبعد الدراسه فكرت بالوظيفة وتوظفت بوزارة الداخلية




وبعد التخرج وكنت مشتغلة خمس سنوات خدمة


قدمت شهادتي وارفعوها وصرت درجة رابعه



المهم ............... خلوني تعيين جديد



الله يعافيكم شنو الحل ابي ارد الخدمة لي حرام عليهم انا موظفة لي خمس سنوات



ساعدوني ؟؟؟؟؟؟؟؟؟؟؟؟؟؟؟؟؟؟؟:bbbiu::bbbiu:

 

[طالبه مصدومه]

اختي روحي لقسم التعييين تبع وزارتج واطلبي منهم ورقه اسمها سجل التدرج الوظيفي وشهاده تفصيل تدرج الوظيفي واخذي شهادتج معاج الحديثه


وبطاقتج وروحي للتامينات الاجتماعيه وقولي لهم انج قبل ماتاخذين الشهاده عندج سنوات خبره واطلبي من الموظفه تضيفها وتحسب لج سنوات الخبره

وبعده نفس الشي روحي لديوان الخدمه المدنيه بالشويخ الي بجانب شركه زين وعطيهم نفس الاوراق وقولي لهم يضيفون سنوات الخبره في شهادتج


بعده ان شالله بيضيفون سنوات الخبره ويزيدونج درجه علي الرابعه + زياده الراتب عن سنوات الخبره. وبالتوفيق

 

[ام الدرر]

حبوبة نفس كلام الاخت طالبة مصدومة
انتي تسوين طلب ضم خدمة
ما تنشطب لا تخافين​

 

[المزلقانه]

اختي اعتقد والله العالم انهم نفذو الكلام المكتوب في كتاب الرد من الديوان الخدمه بخصوص رفع شهادتج وتعديل وضعج والسبب انج خالفتي قرار الخدمه المدنيه وهو عدم الجمع بين الدراسه والوظيفه بعتبار مخالفه لقرار مجلس الوزراء رقم 551/1999 والذي يقضي في جميع الاحوال يلزم الا يكون طالب العمل مقيدا للدراسه وبتالي رد الديوان على وزارتج في شان تعديل وضعج يكون بتوصيات الاتي

عدم صحة قرار تعيينج السابق بسبب القيد الدراسي
ثانيا اعتبار الخدمه السابقه خدمه فعليه تستحقين خلالها الاجرر مقابل العمل كأثر من اثار عدم صحه قرار التعيين
ثالثا تصحيح قرار التعيين من تاريخ حصولج على المؤهل الجديد (يعني يكون تاريخ تعيينج من تاريخ حصولج على الشهاده الجامعيه مثل ما صار معاج )

 

[صدى الاسلام]

اشكركم علي الرد


بس اخواتي حتي لو ما حسبوا الخدمة لي التامينات كانت تقص من معاشي يعيني يروح علي الفلوس وبعد الخبرة والله ظلم



وعلي خصوص الخوات اللي يقولن اضم خدمتي لي


اسوي طلب من دوامي





وكل الشكر لكم

 

[rahoshiatrade87]

مثل ما قالو البنااااااااااات , والله يعينج حبي الصراحه ظلم دايما يكسرون بالمواطن يعني شنو فيها لو درس واشتغل بنفس الوت دام مايتعارض مع الدوام السمي لا و على حسابه بعد , الله المستعان

 

[المزلقانه]

اختي بالنسبه للتامينات الخدمه محسوبه لج وفلوسج اللي ستقطعوها طول المده هذي حقج وموجوده يعني مافي عليج شي من ناحيه التامينات بس العبره في خدمتج في وزارتج اللي تشتغلين فيها اعتبر قرار تعيينج من تاريخ حصولج على الشهاده الجامعيه

بس انصج اختي تراجعين التامينات الاجتماعيه وطلعين شهاده لمن يهمه الامر وتتاكدين من هالموضوع يكون اضمن واحسن لج عشان تطمنين

 

[صدى الاسلام]

مشكوريين ان شاء الله



يوم الاحد اروح للتامينات والله كريم