اشلون اتداول بالبورصة ؟؟؟ ساعدوني

[الفاتنة]

:gathering::gathering::gathering::gathering: السلام عليكم

حبيباتي انا ودي اتعلم اتداول بالبورصة لكن والله ما اعرف واستحي اقول لانه تقريبا الكل يعرف

وودي اتعلم والي تعرف تقولي وراح ادعيلها من كل قلبي والله يشهد انه ودي اتعلم

لا تقولولي دورات -الصقر - لانه ريلي مو راضي -الله يهديه


علموني رجاءا

 

[النويرة]

نطريني انا بادية اتعلم وان شاء الله على الاسبوع الجاي بدش الاسهم وان شاء الله ماراح ابخل عليكم بأي شي فهمته وتعلمته

 

[sambosa]

هاااي حبيبتي شلونج؟؟ واللة و زين فتحتوا الموضوع ...

أنا بعد ميييح بالبورصة و الاسهم هههههه

بس واللة حابة أدش و أجرب ...

بس ممكن سؤال؟؟؟ كم أقصى مبلغ نقدر ندخل فيه؟؟

 

[الفاتنة]

مشكورة يا نويرة ... يلا انا ناطرتج

 

[طموحه]

آنا اقترح عليكم تروحون مع بعض البورصه فوق الدور الثاني كله حريم اخذو اجازه اسبوع و قعدو هناك شوفو الحريم شيسوون و سألوهم و اختاري مكتب وساطه من اللي هناك حطي فيه مبلغ وطلبي من الموظفه انها تساعدج .. ترى الموضوع سهل لا تستصعبينه كل شي في بدايته يربك بس عن تجربه الموضوع حلو و ممتع و القعده هناك تونس

 

[الفاتنة]

يلا اشرايج نويرة الاثنين الياي

 

[شيهانه]

اشلون على التداول بالانترنت الي بالوطني وبيت التمويل ؟؟ ودي اتعلم عليهم اشلووون ..؟؟؟

وبعدين اشكثر احط فلوس ؟؟ ومنو يعلمني على الشركات الزينه ؟؟؟

 

[kuwaitya_zoGaa]

حبيبتى اول شى تروحين الدور السادس تفتحين لج رقم تداول وتدفعين 3 دنانير ورقمج مراح يشتغل الا بعد يومين .
بعدين تنزلين الدور الثانى راح تلاقين قاعه السيدات وتلاقين موظفتين قاعدين على المكتب وقولى لهم انا ابى اتعلم اشلون ممكن انهم يساعدونج ... وبعدين راح تشوفين كاونترات وكل كاونتر فيه بنت وكل بنت تابعه لشكره وساطه مالها شغل بالثانى ممكن يفيدونج وطريقه تحويل الفلوس انج تحولين المبلغ قبل الشراء على حسابج بالبورصه وتعطين موطف البنك بطاقه البورصه وتأكدى انه الرقم صحيح وتودينها عند شركه الوساطه اللى انتى اخترتيها وبس واى سؤال انا حاضره

 

[الفاتنة]

انا توني يديدة على هالشغلة ميخالف تقوليلي شنو احسن سهم اشترية عشان استانس ويعني ربحت من اول مرة



مشكووورة يالغالية

 

[سرا الساري]

الفاتنة اذا ماتعرفين شي لا تتسرعين - انتظري
بالبداية تعلمي من نفسج لا تقولين ريلي مايرضى اروح دورات

اقري بالنت عن slow stochastic - MACD - RSI هذول يسمونهم مؤشرات - لهم قواعد تعلمج متى تشترين ومتى تبيعين

انا توني متعلمة بس ماراح اقول شي الا لما احس نفسي متمكنة

عندج بيت التمويل الكويتي وبيت التمويل الخليجي والصفاة و زين - هذول ما يتفوتون حتى لو تنزل يوم يومين ترد تصعد

اهم شي لازم تعرفينه متى احسن وقت تشترين فيه ومتى احسن وقت لازم تبيعين

والاهم من هذا كله انج ما اتابعين السهم طول اليوم - لأ شوفي العصر او بالليل بعد ما يسكر السوق حطي السهم جدامج وطبقي قواعد المؤشرات اللي قلت لج عليها فوق والله يوفقج

 

[الفاتنة]

مشكورة يا سرا الساري وكثر الله خيرج

خوووش نصيحة ان شاء الله باطبقها واردلج خبر

 

[إنسانه بكل حالاتي]

يارب يارب احس اني ما افهم شنو يعني اللي عرفو احسن مني