اشلون اجمع من المعاش اللي يعطينياه زوجي؟تعالو اقولكم قصتي

[مااتحمل غيابه]

:68_asmilies-com: السلام عليكم ورحمة الله







السالفه ومافيها اني انا مو موظفه ربت بيت يعني حاولت بزوجي اشتغل لانه الدنيا صايره تخوف كل شي يبيله فلوس قالي ربي
عيالج ابرك لج
المهم هو يعطيني كل شهر 170 د.ك ومنهم انا داشه جمعيه بخمسين يعني يبقالي منهم 120وودي صراحه اوفر من هالمبلغ
اشلون وشنو الطريقه بليز بنات ساعدوني بافكاركم
مع العلم انه اللي يعطينياه مصرف لي بروحي يعني اهو يصرف على العيال واذا بغينه مطعم اوجمعيه اهو اللي يدفع حتى فواتير التلفونات عليه :denya:
بلييييييييييييييييييييز اشلزن اوفر واجمع واحقق احلامي _03BA:
بنات وربي لادعي لك وحده ترفع موضوعي برايها احب اسمع كل ارائكم

 

[yara2004]

للرفع نبي نستفيد معاااج

 

[النوالنو]

والله ياليت اعرف اجمع جان وفرت لنفسي انا يومين والمعاش طار ههه
بس صج الدنيا تخرع افتحي لج حساب في البنك وحطي كل شهر 50 وتمشي الايام وتشوفين لج كم فلس
او سوي جمعيه وخليج انتي اخر وحده وحطي لج بالبنك وكل ماخلصت سوي نفسي الطريقه

 

[om deaj]

داشة جمعية بخمسين؟؟ دشي بسهمين واستلميها مرتين وخلي وحدة منهم نهاية الدر عشان تلتزمين فيها

غير جذي ماراح تجمعين شي كل شي يبيله فلوس اليهال والبيت واذا عندي ماراح انطر ابو عيالي يعطيني >> يعني كايرة بكل الاحوال

 

[^kloOot^]

انا مع البنات


دشي بجمعيه ثانيه


ووفري



فتحيلج حساب بالبنك

 

[<<المها>>]

عن تجربة ..حطي حصالة ماتنفج ممكن تفصلينها خشب اوحديد عند منجره ..ماتنفج الابكسر

وكل شهر قطي فيها مبلغ من اللي يعطيج ؟؟اذا كنتي راهية وماوراج شي جايد بهاالشهر قطي 20 واذا اعندج التزام او مناسبة قطي 10 وممكن 5 او اكثر على حسب وضعج بهاالشهر

وممكن تقطين فيها خلال الشهر نفسة يعني مو الا تنطرين اذا عطاج .. والشي اللي ماله لازمة لاتشترينه ..

واهم شي اهم شي ..الصدقة لو بدينار .. والله ان ربي بيباركلج فيهم وتشوفين شلون تتيمع معاج الفلوس

صدقيني كل شي على البركة .. والبركة ماتيي الا بالصدقة ..

الله يباركلج بحلالج ويبارك لنا يااااارب..

 

[Q8stylle]

up up

 

[دلع الكون]

الاشياء اللي مالها لزمه لاتفكرين تشترينها

واذا بغيتي تشترين فكري بالاول اذا عندج منه بالبيت او لا

واذا زاد معاشج هالشهر لاتفكرين تصرفينه الشهر اللي وراه يعني كل شهر بمعاشه والزايد على طووووووول بالحصاله

 

[attoto]

حطيلج اظرف وكل ظرف كتبي عليه التزاماتج يعني خلي واحد حق صالون وواحد سوق وواحد مصرف وغيره . وبعدين إلي يبقى بكل ظرف لاتصرفينه حطيه بظرف يديد أو حصاله أوبالبنك ويمعيه وكل شهر سوي نفس الشي وراح يطلعلج خوش مبلغ انشالله. وتحياتي لج

 

[مناير خزنة التاير]

فتحي لج حساب توفير بيت التمويل او اي بنك تبين

و دشي جمعيات مرة ب 50 مرة ب 20 يعني كل مرة غير

و لما تيي جمعيتج حطي المبلغ بالحساب هذا و بجذي انتي قا توفرين

 

[ام محمد الشمري]

انا مثلج والحمدلله اخواني يتسلفون منى مع انهم موظفين

وله الحمدلله والفضل سبحان الله الله مبارك فيه مع اني

عندي التزامات واجد

 

[كويتية أصيلة]

عن تجربة ..حطي حصالة ماتنفج ممكن تفصلينها خشب اوحديد عند منجره ..ماتنفج الابكسر

وكل شهر قطي فيها مبلغ من اللي يعطيج ؟؟اذا كنتي راهية وماوراج شي جايد بهاالشهر قطي 20 واذا اعندج التزام او مناسبة قطي 10 وممكن 5 او اكثر على حسب وضعج بهاالشهر

وممكن تقطين فيها خلال الشهر نفسة يعني مو الا تنطرين اذا عطاج .. والشي اللي ماله لازمة لاتشترينه ..

واهم شي اهم شي ..الصدقة لو بدينار .. والله ان ربي بيباركلج فيهم وتشوفين شلون تتيمع معاج الفلوس

صدقيني كل شي على البركة .. والبركة ماتيي الا بالصدقة ..

الله يباركلج بحلالج ويبارك لنا يااااارب..

هذا بالضبط اللي كنت بقوله

 

[دانه بعين رباني]

انا رايي من راي خواتي حطيلج حصاله وقسمي الفلوس نص لحاجاتج ونص حطيهم بالحصاله وانسيهم ولاتكثرين مشاوير لسوق وغيره نصيحه ترا شي يسحب شي

 

[Dr.Nouf]

حساب توفير

 

[أم سيف وسلطان]

انا رايي من راي خواتي حطيلج حصاله وقسمي الفلوس نص لحاجاتج ونص حطيهم بالحصاله وانسيهم ولاتكثرين مشاوير لسوق وغيره نصيحه ترا شي يسحب شي

 

[Om_Ksha]

لا حصاله ولا بطيخ..
فتحيلج حساب ثاني بالبنك وسويلج استقطاع شهري من مصروف ريلج 70 دينار .. وهالحساب انسيه وحطيه ابالج انه لوقت الحاجه واللله لا يحوجج لأحد انشالله .. انا سويت هالطريقه وماشاءلله وفرتلي مبلغ .. ومرتاحه اصرف على قدي واللي يزيد كل شهر احوله للحساب الثاني وكل التحويلات بالنت .. وانتىى قاعده ..


وبلا جمعيات بلا بطيخ هالطريقه تغنيج عن الجمعيات .. اضمن واحسن ..

 

[baby johnson]

مثل ماقالوا البنات حساب التوفير او جمعييه وتستلمينها اخر وحده

 

[LoloBlueStyle]

حصاله او حساب توفير
وقللي المصروفات الغير ضروريه او الغيها نهائيا ...
وطلعي صدقه على الاقل ربع دينار ...
وفكري بمشروع صغير ...يعني ...اشتري شغلات وبيعيهم ..على الاقارب بربح بسيط ...
والله يوفقج

 

[رواسي الشوق]

ماشاء الله عليج 100 دينار وتبين اتوفرين منهم .. حنا موظفات ومو قادرين بصراحه يبيلنا لبس وكماليات وايد هذا غير الاستقبالات والاعراس بصراحه بهالزمن ال100 جنها 10 ... الله يعينا ياااارب ويهدينا ونقدر نوفرررررر لنا جم بيزه ينفعونا ..

ومنكم نستفيد

 

[بدوية بملامح كشميرية 86]

خليه يسوى لج حساب وهالفلوس الى يعطيجاه تنزل بالحسااب الى مسويه لج

وانتى اسحبى الى تحتاجينه بس والباقى يكون بالبنك احسن لج