اشلون اطلع كيوت بدون مكياج العيون؟

[ام شريفه]

بنات انا سويت ليزك حق عيني و الدكتور قايلي لازم مااا احط ولا شي ابعيني لمدة شهر!!!!!


اشلووووووون اروح الدوام بدون مكياج عيوون :'(

ميخالف توروني لوكات بدون مكياج عيون؟ او تقولولي نصايح

ابصراحه عيني بدون كحل اتصير مبققه و تخرع

 

[قطوووة]

رسمي الحاجب مرتب واضاءة خفيفة
زيدي حبتين بلاشر
حمرة طبيعيه ..

 

[DiaMonta]

رد : اشلون اطلع كيوت بدون مكياج العيون؟

حبيبتي اشدعوه شهر!!!

انا تو من شهرين مسويه قالي اول اسبوعين واذا لازم احط قالي حطي كحله خارجيه يعني امشي على خط الرمش من تحت بالقلم وموهيه بالفرشه عيشي عالخفيف فتره معينه استحملي هذي عينج ديري بالج تاذينها لانها مكشوطه من العمليه وسلامات

 

[ام شريفه]

اي والله قالي شهر

مشكورين بنات عالرد

 

[شاهي بالحليب]

رد : اشلون اطلع كيوت بدون مكياج العيون؟

ما أنصحك تحطين شي لانه لو حطيتي كونسيلر وبودة وظل حتى بدون كحل راح تحتاجين مزيل مكياج
وكل هالاشياء ممكن تدخل وتضرك وزياده على كذا راح تلمسين عينك كثير وهذا يضرها بعد الليزك
ماعليه تحملي
لو سويتيها بالاجازه افضل

 

[بنت الفوزان]

رد : اشلون اطلع كيوت بدون مكياج العيون؟

عادي انا اروح الدوام بدون مكياج عيون اهم شي حطي كريم اساس خفيف وبودره عشان تثبت
بعدين بلاشر خوخي او اي لون يناسب بشرتج وجلوس خفيف وناعم ورتبي حواجبج