اشلون اعرف وين حطوني الديوان؟

[jen2n]

السلام عليكم:eh_s(7):

شلونكم ،،،

الحمدالله واخيرا حطو ارقام الترشيح ورقمي 3 بس مو حاطين بأي مكان ترشحت فيه

فبغيت اعرف اشلون اعرف وين حطوني:bbbiu:

 

[jen2n]

up up up up up

 

[blue lady]

انتي للحين ما قبلوج بمكان
شفتي نفس الموقع اللي مكتوب في رقمج ٣؟ لما يقبلونج راح يكتبون مبروك تم قبولك بالمكان الفلاني

 

[jen2n]

متى راح يحطون؟؟؟؟؟

 

[blue lady]

اهما بين فترة وفترة ينزلون دفعة يديدة انتي على طول جيكي عالموقع
بس هالايام موقفين التعيين عشان استقالة الحكومة.. انشاء الله ما يطولون

 

[jen2n]

يعني راح اكون من ضمن الدفعه اليديده والا راح انطر لين السنه اليايه!

 

[حرم عبدالله]

انا بعد حطولي ترتيب 2\2 بس مادري شنوووو؟؟ متى راح نتوظف

 

[ريماس21]

على حسب متى ينزلووون اساامي

يقولون تاريخ 15 -4 هذا قبل استقالة الحكومه اما بعد الاستقاله الله العالم


يارب سهل امورنا ويسرهاا

 

[jen2n]

طولوها واهيا قصيره رفيجاتي صيفي تخرجو بشهر 8 وشهر 10 نزلو اساميهم واحنا الحين صار لنا 3 اشهر !

 

[jen2n]

اشلون اعرف جم رقم جدامي؟

 

[Ajmal E7sas]

انتي 3 يعني جدامج 2
انزين انا عندي سؤال بدش عرض وياج لول

الحين بس يرشحوني حق مكان واحد ؟ و اذا رفضت بنطر دهر عشان انقبل بمكان ثاني ؟
احس حرام يجبروني على مكان و يكون مو شي و ارفض و اقعد انطر 3 و 4 شهور على ما ينزل قبول ثاني

و موفقين ان شاء الله كلكم :**
انا رقمي 17

 

[نوروظلام]

بنات انا سجلت يوم 11 مارس .. ولما اللحين ماطلع لي رقم ترشيح ليش .؟

 

[Ajmal E7sas]

نور و ظلام

جيكي بين فتره و فتره مرات يتنح ما يطلع رقم انا امس جذي صار معاي
بس اتوقع المفروض يكون في رقم اذا مسجله 11 مارس

 

[jen2n]

السلام عليكم

بنات اليوم رحت الديوان وعطيتهم رقمي المدني وطلعو مرشحيني بالتربيه وراح ينزل اسمي بالجريده بعد ما تتشكل الحكومه دايركت

فأنصحكم تروحون اهناك وتعرفون الوزاره اللي رشحتكم

 

[الأميرة جوري]

بالتوفيق

 

[نوروظلام]

بنات مافي رقم .. بس يطله مرشحه للتاهيل .. مافي ترتيب ولا شي .. يمكن انا عشان شهادتي اولى ثانوي ..؟