اشلون اعصابكم مع الآيبود مال عيالج

[جوري99]

الصراحه اتلفت اعصابى وين ما اروح اخرص عليهم لا يضيع لا تنسونه وان ضاع بالبيت عفسنا البيت والخدامة صار شر لابد منه هذا غير كل ساع ابى البرنامج الفلانى او اللعبة الفلانية ، قبل كان فيه صفارة تصفؤين ترد عليج ودى اثبتها عليه علشان بس يضيع نلقاه بس ما نى عارفة وين القى هذه الصفارة اذا وحدة عندها فكرة تقدر تفيدنا وجزاها الله خير

 

[دانة بعين بحاري]

اي والله ولدي بو سنه و8 شهور مجنني مع هالايبود يحذفه مني ومناك وبعدين يبجي يدوره
واخر شي خذاه ورقعه بالطوفه وانكسرت الشاشه والحين يبجي يبي واحد جديد
صار نشبه هالايبود

 

[الأميرة جوري]

ياليت البنات يساعدونا صار ادمااااااان

 

[ام عبدالقادر]

اي والله ولدي بو سنه و8 شهور مجنني مع هالايبود يحذفه مني ومناك وبعدين يبجي يدوره
واخر شي خذاه ورقعه بالطوفه وانكسرت الشاشه والحين يبجي يبي واحد جديد
صار نشبه هالايبود

الله واكبر ابو سنه ونص عنده اى بود اشترى له جديد لايتعقد :krkrkr: ترى موزين لعيونه ومخه جيبيله العاب تركيب او اى لعبه تنمى قدراته احسن بناتى بثالثه ابتدائى والروضه اذونى عليه ماشريتلهم والله يخليلج وليدج

 

[جذابه بنت ذيابه]

اسكتو بس ولدي بو سنتين ونص ..يبي ايفون ههههههههههههههههه


مو ايبود لا ايفون لوووول ,, وذاك اليوم رحنا لبيت اهلي والا اختي شاريه لولدها ابو 3 سنين ايبود
ويقعد يحن يحن الا يبي ايبود لوووول وبشتري له ان شاء الله

 

[دانة بعين بحاري]

الله واكبر ابو سنه ونص عنده اى بود اشترى له جديد لايتعقد :krkrkr: ترى موزين لعيونه ومخه جيبيله العاب تركيب او اى لعبه تنمى قدراته احسن بناتى بثالثه ابتدائى والروضه اذونى عليه ماشريتلهم والله يخليلج وليدج

ادري والله انه مو زين بس ذبحني يشوف الايفون حقي وحق ابوه يبجي الا تعطوني اياه
وعاد رحنا وشرينا له الايبود واستانس انه عنده مثلنا وبسم الله على قلبه يعرف له عدل
وعنده كل الالعاب اللي بالدنيا لكن مايحبهم
توني شاريه له نقازيه كبيره كانها قلعه مو راضي يلعب فيها

 

[ام عبدالقادر]

ادري والله انه مو زين بس ذبحني يشوف الايفون حقي وحق ابوه يبجي الا تعطوني اياه
وعاد رحنا وشرينا له الايبود واستانس انه عنده مثلنا وبسم الله على قلبه يعرف له عدل
وعنده كل الالعاب اللي بالدنيا لكن مايحبهم
توني شاريه له نقازيه كبيره كانها قلعه مو راضي يلعب فيها

اوكى حبيتى الله يخليه لكم ويصلحه عيال اخر زمن الله يعينه على تربيتهم

 

[*ماي الورد*]

ذبحتنا هالتكنلوجيا صارت نقمة اكثر منها نعمة

 

[om al ghaleen]

اخذت لهم ايباد وفكيت عمري ع الاقل كبير ومايضيع وصعب تنكسر شاشته
وبطاريته تطول واريح لعيوونهم


ع ايام الايبود كل شوي مصوريني خخخ
والشاشه لازم كل شهر مكسووره وحطي لنا العاب يديده عشتو مايبون الفري
وفوق كل هذا كل شوي ضايعه
والله لحد الان ٣ ايبودات ضايعين ولي الحين مو محصلينهم
والاعصاب ميه ميه لانه حدهم لاهين
بس لابد من المراقبه ديروا بالكم

 

[عبق البنفسج]

وووووي أنا قصتي قصة مع الآي بود

بنسبة لي أعطيهم الآي بود عقب الغدا وأخليهم يلعبون فيه وقبل العشى آخذه منهم (طبعاً يكونون محللين البطارية)
وممنوع يظل عندهم بليل وقت النوم وممتوع يطلع برة البيت بأي حال من الأحوال (كافي يلعبون بالبيت ومجابلينه، الحين برة البيت يجابلونه بعد؟؟)

السنة الي طافت شريت 2 آي بود حق بناتي ووحدة منهم توصخ الآي بود فشسوت الحلوة راحت وغسلته بالماي واخترب الجهاز عقب حطيته بعيش جم يوم ورديت ابطله ماتبطل فوديته الغانم وافحصوه وقالوو خربان مايتصلح وعطوني واحد يديد :ggdwعلى فكرة العيش يمتص الماي الي بالجهاز) وعقب فهمتها انها ماتغسله ..
الثانية اخترب عندها زر الهوم فوديناه الشركة وعقب الفحص طلع فيه نسبة ماي وطاحت كفالته مع انه شغال عادي مادري متى دخل فيه ماي
وعقب عاقبتهم وخليت لهم واحد بس حقهم ..

عقب بنتي الثالثة تبي بعد وتعلمت عليه .. فعطيتها القديم وشريت أثنين يددد حق الكبار .. قبل شهرين تقريباً توصخ عندها الجهاز فراحت الأخت وغسلته بماي :rgewrg: طبعاً تسكر الجهاز ونفس الشي حطيته اسبوعين بالعيش وعقب وديته الشركة وقالوو مايتصلح وطاحت الكفالة يقولون فيه مادة سائلة مثل العصير بس هي مو ماي .. ولييييييييييه يعني الماي انسحب من الجهاز بس الظاهر فيه عصير وبس عاقبتها وقتلها بعد مافي آي بود وأذكرها أقولها هذا عقاب لج عشان ماتغسلين الآي بود .. مسكينة دايماً تقولي خلاص بعد ما أغسله اخذيلي واحد

أنا منزلتلهم انستولس وسيديا عشان أقدر أنزلهم برامج حلوة ابلاش وحاطة باسوورد على وايد شغلات مثل الانستولس والسيديا والسفاري واليوتيوب والاعدادات
واذا يبون يشوفون شغلات باليوتيوب مثل سندريلا وحورية البحر وهالشغلات أبطلهم اياه

 

[opera]

انا اعاني بس بشكل ثاااني

انا ولدي عمره 3 سنوات .. وانا اشوف انه هالاشياء مو حق عمره لانه في طور نمو ولازم ينمي قدرته الحركيه والحسيه والجسمانيه فاضل انه يلعب بالعاب تنمي الفكر و الحركه


بس المشكله مو عندي داخل البيت .. المشكله يوم الزواره كل اليهال من الكبير لي الصغير ماسك الايبود او الايباد ويلعب بهدوء .. بس ولدي اللي يطق مني ومناك ويحن (لانه صار بروحه ماكو ياهل يلعب معاه)

فقام يبجي ماما انا ابي اي باد وانا ضد الفكره بالاساس مو عيزانه اني اشتريله ولا علي قاصر اقدر اشتريله بدل الواحد عشر بس بالاساس انا رافضه هالاشياء تنحط بيد ياهل



وبس هذي مشكلتي مع الناس اللي يحطون بيد عيالهم هالالعاب



انزين السؤال .. يوم اليمعات ليش تعطون هالاجهزه حق اليهال خلوهم يلعبون مع بعض بدل مايتعقدون ويصير فيهم اعصاب و ضعف بصر وسمع

وكلنا ندري بمضار هالاجهزه خصوصا عالجهاز العصبي

 

[@الياسمين@]

انا بنتي عمرها 3 سنين
واذا مسكت الايبود ماتهده .... بس انا ما اخليها على كيفها اشيله منها واخشه
لان ياحاذفته او تعضه
واااي معاناة
صج نشبه

 

[كويتيه وافتخر]

الله يعين

انا شريته قبل اسبوع لولدي عمره ثمان سنين مع انه ضد هالشغله بس شسوي المجتمع حولي يجبرنا

واللي استخفت بنتي عمرها ثلاث سنين تبي تقطع قلبي لي قالت ماما بس شويه شويه العب

الحين باشتري ايباد وباخير الولد اي جهاز يبي والثاني باعطيه البنت

 

[أحبج يمه]

وااي إحنا جذي اليهال اسم الله عليهم يمسكون لكم هالايبود ويقعدون يجابلونه

راح زمان البي اس بي