om hmni
New member
- إنضم
- 9 أكتوبر 2008
- المشاركات
- 457
- مستوى التفاعل
- 0
- النقاط
- 0
بنات عمري 35 متزوجه وعندي 3 اعيال عاطله عن العمل بالوقت الحالي وهذا بإختياري وانا وحده غير اجتماعيه وما عندي خوات وعندي تقريبا صديقه وحده من عمر والحين كل وحده لاهيه بعد الزواج وعندي زمله ما اعتبرهم اصدقاء تقريا 4 او 5
المشكله اني ابي يصير عندي اصدقاء ويمعات اروح وارجع معاهم بس انا اذا احتكيت بالناس بس ادور اخطائهم وعيوبهم حتى صديقتي الوحيده ما احب اطلع معها وايد نتناجر بالطلعه على اتفه الاسباب مثلا : اذا اهيا تسوق اتدخل لفي هاللفه لا تصفطين بهالمسفط .... وواذا دخلنا المطعم ما نبي نقعد على هالطاوله خلينا نقعد على هذيج .... اهيا طبعها متردد وانا ادقق على كل شي فأفضل صداقتنا وتواصلنا بالتيلفون ونادر ما نطلع مع بعض
وباجي الزملا يحبوني وودهم اطلع معاهم احس اني اتهرب منهم الاولى اذا طلعت معاها كل تتشكى من زوجها والثانيه ما فيها شي بس اتثيقل الطلعه معاها والثالثه ما ابي اتعمق معها كل تتطلب لبس وانا ما احب اعطي احد ملابس و و و
حتى اذا اشتركت في نادي او دخلت دورات ما اعرف اكون صداقات
جم مره اتعلق بصديقه وانصدم من اخلاقها وتصرفاتها
وبالاخير ألقى نفسي ابروحي ما عندي احد ودي اصير مثل هالناس عندي صداقات وايد اوجبهم ويوجبوني وعندنا يمعات في ايام معينه وعزايم
بس حاكرة نفسي بالبيت انطر زوجي متى يفضا لي والمسكين وده اروح وارجع ماعنده مانع
وحاطه دوبي ودوب اعيالي والخدم وهذا عاكس على نفسيتي واعصابي
الله يعافي المنتدي اقرأ سالف البنات استانس احس ان عندي اصدقاء ومعارف لكن فجأه اصحى انهم اصدقاء وهميين بأسماء مستعاره ما اعرفهم ولا يعرفوني صج انهم يفيدون وما يضرون بس مو هذا إللي يسد النقص إللي فيني
شسوي
المشكله اني ابي يصير عندي اصدقاء ويمعات اروح وارجع معاهم بس انا اذا احتكيت بالناس بس ادور اخطائهم وعيوبهم حتى صديقتي الوحيده ما احب اطلع معها وايد نتناجر بالطلعه على اتفه الاسباب مثلا : اذا اهيا تسوق اتدخل لفي هاللفه لا تصفطين بهالمسفط .... وواذا دخلنا المطعم ما نبي نقعد على هالطاوله خلينا نقعد على هذيج .... اهيا طبعها متردد وانا ادقق على كل شي فأفضل صداقتنا وتواصلنا بالتيلفون ونادر ما نطلع مع بعض
وباجي الزملا يحبوني وودهم اطلع معاهم احس اني اتهرب منهم الاولى اذا طلعت معاها كل تتشكى من زوجها والثانيه ما فيها شي بس اتثيقل الطلعه معاها والثالثه ما ابي اتعمق معها كل تتطلب لبس وانا ما احب اعطي احد ملابس و و و
حتى اذا اشتركت في نادي او دخلت دورات ما اعرف اكون صداقات
جم مره اتعلق بصديقه وانصدم من اخلاقها وتصرفاتها
وبالاخير ألقى نفسي ابروحي ما عندي احد ودي اصير مثل هالناس عندي صداقات وايد اوجبهم ويوجبوني وعندنا يمعات في ايام معينه وعزايم
بس حاكرة نفسي بالبيت انطر زوجي متى يفضا لي والمسكين وده اروح وارجع ماعنده مانع
وحاطه دوبي ودوب اعيالي والخدم وهذا عاكس على نفسيتي واعصابي
الله يعافي المنتدي اقرأ سالف البنات استانس احس ان عندي اصدقاء ومعارف لكن فجأه اصحى انهم اصدقاء وهميين بأسماء مستعاره ما اعرفهم ولا يعرفوني صج انهم يفيدون وما يضرون بس مو هذا إللي يسد النقص إللي فيني
شسوي
