اشلون تتعاملين مع خدامتج !!!!

[غنوجة]

السلام عليكم بنات :eh_s(17):

بنات عندي سؤال محيرني شوي ......اشلون تتعاملين مع خدامتج اذا قالت

لك وديني المكتب:eh_s(14): ....وانت بحاجة لها وماتقدرين تودينها المكتب شتسوين ؟!!

وخاصة اذا كنتي موظفة:eh_s(22): !!! شقولها بدون لا أبين لها اني ميته عليها وأنا

فعلا بحاجة لها. ...وما عندي أحد يمسك عيالي لما أروح الدوام. ...مع اني

أتعامل معاملة طيبة معاها لكن البعض الله لا يوريج متمرد.:eh_s(14): ..بس تبي تدش

الكويت تقعد لها شم شهر بعدين تظهر على حقيقتها....وتمل وتقول وديني

المكتب بع ما تكونين تعودتي عليها وعلمتيها الشغل....تكفون بنات لا تبخلون

علي بالاجابة. ...

الله يوفقها اللي بترد علي

 

[سارا ديور]

انا اتذكر امي لما تقول لها الخدامه ماني مشتغله ابي اروح المكتب

تخلي ابوي يوديها المخفر طراق طراقين تتوب تقول مكتب مره ثانيه

 

[sondos]

والله ماتهمنى اذا بتروح بلعنه ولا اخليها تتمنن على وانا اعطيها معاش ........والله انى اطلع الخدامه ومن تيينى اكلمها مثل اختى بس الظاهر كلام الناسصج كل ماتعطينها ويهه تستلعن زياده ..انا اخرها برمضان ماعجب خدامتى انى اكلمها عن الشغل وقالت ودينى والله وديتها ماهمتى صج انكسر ظهرى مع البيت واليهال بس بالى مرتاح والحين الحمدالله الله عوضنى

 

[* LOVE STORY *]

أوديها ووراها 7 صخرات:eh_s(14):

شلون أصبر على خدامه ماتبي تشتغل عندي باجر تسةي شي لعيالي لاسمح الله

من رايي انج تقلعينها وتييبين غيرها وبالنسبه للدوام لو تاخذين اجازة ,, اهم شي

عيالج وبيتج حبيبتي

 

[غنوجة]

مشكورة حبيبتي على الرد:eh_s(17):....بس هذاك أول يوم يطقون الخدم الحين لأ مشيخينهم علينا....

 

[غنوجة]

والله ماتهمنى اذا بتروح بلعنه ولا اخليها تتمنن على وانا اعطيها معاش ........والله انى اطلع الخدامه ومن تيينى اكلمها مثل اختى بس الظاهر كلام الناسصج كل ماتعطينها ويهه تستلعن زياده ..انا اخرها برمضان ماعجب خدامتى انى اكلمها عن الشغل وقالت ودينى والله وديتها ماهمتى صج انكسر ظهرى مع البيت واليهال بس بالى مرتاح والحين الحمدالله الله عوضنى

صح كلامج ياأخت سندس هذول والله ما ينعطون ويهه.....بس شنسوي لولا الحاجة لهم .....على العموم أشكرك على الرد....والله يبارك لج في خدامتج اليديدة

 

[غنوجة]

أوديها ووراها 7 صخرات:eh_s(14):

شلون أصبر على خدامه ماتبي تشتغل عندي باجر تسةي شي لعيالي لاسمح الله

من رايي انج تقلعينها وتييبين غيرها وبالنسبه للدوام لو تاخذين اجازة ,, اهم شي

عيالج وبيتج حبيبتي

مشكورة يالغالية على الرد ...وجزاج الله خير...صح فعلا كلامج أهم شي بيتي وعيالي

 

[بنت الحزن]

انا ما عندي خدامه و لا احبهم و لا عوار الراس

 

[Shestylet]

انا اتذكر امي لما تقول لها الخدامه ماني مشتغله ابي اروح المكتب

تخلي ابوي يوديها المخفر طراق طراقين تتوب تقول مكتب مره ثانيه

هاهاهاها اي والله صاجة مايبولهم الا الزف

 

[رنين]

تودينها بايدج و تدبرين نفسج بدونها أحسن ما تطلع من البيت و انتي بالدوام و اعيالج الله العالم شيصير فيهم اذا هم صغار.(ربي يحفظهم لج و يخليهم)

و عموما لا تنسين الدعاء و دعاء الخادم بالذات اول ما تجي في دعاء خاص.
أظن اهو(اللهم اني اسألك خيرها و خير ماجبلتها عليه و أعوذ بك من شرها و شر ما جبلتها عليه)....مو متأكده بس اعتقد هذا هو.

و الحين عليج بالله و الدعاء و الاستخاره .و عسى الله لا يعوزج للي يعافج.

 

[الغاليه نونو]

لالالا لي قالت وديني المكتب قوليلها ماما ليش يبي مكتب انتي قعدي حطي رجول فوق رجول انا يسوي كل شغل بس انتي مكتب مافي ههههههههههههههههههههه

والله ان قالت لي المكتب قلت لها انشالله عمتي لمي قشج دفعت مردي والهوا شرجي وقبل ماتروح المكتب اسويلها جرد كامل شامل اردها بالهاندباق اللي يت فيها واقط كل اغراضها بالخمام وعيونها تشوووف جدامها احرق قلبها عاد اهما الله خير يموتون لي شقيتي ارقامهم والا النوته اللي وياهم حتي ارقام بقالات الخبر والدمام كاتبينها ههههههههههههههههههههههههههههههههه حسبي الله عليهم بلاوي يبيلها صبر
شوفي ياقلبي انتي اخذى لج اجازه وشوتيها المكتب وييبي لج غيرها ترا هذوله كلهم يعرفون الشغل يعني لاتقولين بييب لي وحده ماتعرف شى ومتي تتعلم اول ماتييج خدامه قوليلها هذا البيت بروح ساعه وارجع الاقي كل شى نظيف شوفيها اشلون تشتغل حتي السيراميك تلحسه لج هههههههههههههههههههههههههه

 

[Harmony]

و الله صاجيين كل ما تعطينهم وييه يتفرعنون انا بروحى منبطه جبدي من خدامتنا العمه مو مغسله هدوم صارلها اسبوع و لا كل اللى تسويه انها تغسل هدوم و حق التطرش و مو دوم معاها 2 غيرها و يوم صرخ عليها ابونا ليش ماكو دشاديش تقول انا ما اقدر اسوي شغل وايد قلتلها لا ما تقدريين ما يمديج؟ مسكينه و دام انه ما يمديج ليش عيل تناميلى طول الظهر من تتغديين ليين الساعه 5 عيل؟؟ و الله وكيلج ماده البوز و تقول ما ابي تشتغل قلتلها انت عقدج سنتيين ما تبيين توفينه عادى شوفى منو يدفعلى فلوسى و روحيلهم و لا قصى حق عمرج تذكره
مالت عليها عبالها ميتيين عليها سليمه بيت كل اللى فيه 7 انفار و انتوا 3 خدام و لا فوق هذا لا تطبخون و لا اتربون يهال هالتعنفق ليش
الله يحلل بيوت اشكبرها و خدامة وحدة و لا اتربى و تطبخ و اتسوي كل شيء و لا تفتح حلجها بالعكس قاعده و مستانسه

 

[rainbow_brite]

انا عندي مبدأ الخدامه اللي تقولي وديني المكتب اوديها ما خليها في بيتي من عافنا عفناه اللهم الا اذا كنت اعرف ان في سبب ثاني يعني ما يكون مني واذا اقتنعت اخليها بس ما صار معاي اني خليتهم علطول اوديهم المكتب ​

 

[طير الحب]

دفعه مردى والهوى شرجى

 

[ضحكة الدنيا]

انا من راى انج تودينها الخدامه اذا قالت مابى اشتغل خلاص ماتغير رايها لو شنو احسن شى تودينها قبل لا تسوى شى للبيت او العيال والله يعوضج باحسن منها وموفقه عزيزتى​

 

[blue ocean]

استغرب من ردرد العضوات !!!!!
الخدامه مو بشر ؟؟ اعتبري نفسج مكانها ورايحه تترزقين الله ببلاد الغربه
اللي ماتعرفين عنها شي !!!! تاركه الدنيا ومافيها عشان لقمة العيش
حرام وربي حرام
واللي تقول اعاملها عدل واهي متمننه عليها
يانس يابشر حرام عليكم قسمن بالله
تحلوا بأخلاق الرسول عليه الصاة والسلام
شوفوا ششلون كان يعامل المساكين

ولاتنسون انهم يايين من فقر وتخلف
لا تتوقعين انها تكون سوبر
ولاتتوقعين انها تكون توب اخلاق !!!
صبري عليها عليمها وادبيها اذا كانت مو لي هناك

وموغريبه اذا حطو الكويت على اللسته السوده في معاملة الخدم

عذريني اختي طلعت عن الموضع بس والله قعد اشوف اشياء بالكويت
شوفة عيني ماينسكت عليها

 

[مشغوله و محتاسه]

انا اتذكر امي لما تقول لها الخدامه ماني مشتغله ابي اروح المكتب

تخلي ابوي يوديها المخفر طراق طراقين تتوب تقول مكتب مره ثانيه

عدل لووووول




و يقولكم المكتب بعد عنده خدمة الطراق مجانا هههههههههههه

وديها و امرج لله ...
لانها اذا ما تبي القعده .. مممكن تنحاش و لا تؤذي عيالج ..
و ممكن المكتب يعطيها طراقين من اللي يحبهم القلب فتهون و تقول ردوووني لان بعضهم اغبيا عبالهم السالفه لعب ..



و هم اسئليها ليش .. و حاولي تحلين مشكلتها ..

امي خذت لها فتره اتييب خدم و يقولون مانبي ,,, عقب اكتشفو ان اخر وحده كانت عندهم كاتبه على طوفة غرفتها بخط صغير تحذير للي عقبها ان هالبيت مو زين و انهم يطقون ... مع انها عندهم 3 سنوات ... بس حسد و لعانه !



الله يوفقج و يحفظ عويلج

 

[غنوجة]

أشكركم حبيباتي على الردود الرائعة:eh_s(17): .....والله يوفقكم أجمعين أمييييييييين.. ...

والله هذا المنتدى رائع بأهله:eh_s(15): ...والله لا يحرمني منكم ....

 

[supermarket]

عقب اكتشفو ان اخر وحده كانت عندهم كاتبه على طوفة غرفتها بخط صغير تحذير للي عقبها ان هالبيت مو زين و انهم يطقون

سبحان الله نفس ما سووا فينا

حسبي الله عليهم وحدة تعلم الثانية

 

[ريماا]

الله يعيييينج كلش ولا مشاكل الخدم لا وموظفة وعندج يهاااااال صج حوسة
اذا انتى تعرفين انها ماتأذى عيالج خلى زوجج يحاجيها ويقولها اشفيج ومن هالسوالف بس اذا ماعليها حسوفة وقاسية ترا خيرة قلعتها
وادعى دايما الله يسخرلج الخدامة ويحنن قلبها على اعيالج
ودايما اذا يبتى خدامة خليج مثل رفيجتها كلميها عن اهلها ودقى لها عليهم حسسيها انج حاسة فيها
تدرين انا وزوجى جذى من خوفنا على اعيالنا ندلع عشان اليهال والله بعض الخدم يبين فيهم الطيب وبعضهم ماينفع فيهم انتى جربى جذى وان شالله الله يسخرها ويهديها لج