اشلون تستمرين في المشي ؟

[قمر ضاوي33]

حبيباتي كلنا ودنا نضعف وكلنا نبي نمشي بس ما لنا خلق ... ما عندنا وقت ...
واذا مشينا اسبوع الأسبوع الياي ما نمشي ... واذا ضعفنا بطلنا مشي ...

نروح الممشي جنا مغصوبين انا اتكلم عن هذي الفئة مو الكل ..
فئة الي مالها خلق ...

اول شي عندي بعض النصايح حق الي تبي تمشي وعن تجربتي الشخصية ... والي عندها بعد نصايح تفيدنا ...

اولا : اختاري مكان قريب من بيتك للمشي كل ما كان المكان اقرب كان افضل .. علشان ما تشيلين هم المشوار

ثانيا : لا ترتبطين مع احد بالمشي ... طبعا تسألون ليش ؟ صحيح اذا مشيتي مع احد اونس لك بس اذا ارتبطتي مع احد اذا مشى مشيتي اذا ما مشي هونتي ... لا امشي بروحك بالوقت الي تبين وبالسرعة الي تبين ..

ثالثا : اختاري الوقت المناسب للمشي بحيث ان وقت المشي لا يقطع يومك او يخرب مشوار بتروحينه ويصير المشي عبئ ... اختاري وقت ميت عندك مثل بعد صلاة العصر ... او الساعة 4 الي الساعة 5 المهم وقت يناسبك بحيث ترجعين من المشي تتسبحين وتريحين اذا عندك مشوار او شي يمديك ...

رابعا : حضري ملابسك وحذائك الرياضي جدامك ... واشتري جهاز راديو صغير تتسلين فيه اثناء المشي ...

ولا تنسون حبيباتي مفعول المشي في تغير الجسم والنفسية ... سبحان الله المشي يخلي الجسم يفرز هرمون مخدر طبيعي بالجسم يخلي الجسم يرتاح ...

واخيرا تعلمي تحبين الرياضة لأن الشي الي تحبينه تستمرين فيه ... مو شي مغصوبه عليه ... خلي وقت المشي وقت حقك بروحك للمتعة والإسترخاء ... وقت تتمنين ايي مو وقت ما تتمنين ايي وتقولين وي مالي خلق امشي ...

اتمنى اني فدتكم بنصائحي المتواضعة ... والي عندها بعد نصايح تفيدنا ...

 

[ناني سيكرتس]

مشكوره حبيبيت , حبيت اضيف شغلة بعد, اول شي امشي 3 مرا بالاسبوع لمده نص ال 45 دقيقه وبعدين اذا تعودتي امشي كل يوم نص ساعه وتالي زيدي من المده كل ما حبيتي المشي.

 

[قمر ضاوي33]

صح كلامك يا ناني سيكرتس ...

المشي 3 مرات بالأسبوع نص ساعة هم وايد مفيد ... اغلب اخصائين التغذية ينصحون بهالشي ...

شاكرة لك مرورك حبيبتي ...

يا الله بنات نبي بعد نصايح علشان نقدر نستمر بالرياضة ...

 

[@ام ضاري@]

ااااااااااااااه يانا ع قولت المصرين
عاد انا ودي امشي بس فيني كسل رهيب والله
اذا مشيت يومين وقلت بس مابي انا اعرف نفسي اذا ع المشات مو منتضبه
واذا نادي تلقينا مجهزه عدتي
تدرين ليش عشان النادي بفلوس لوووووووووووووول
والمشات بلاش
لا امزح معج النادي فيه اجهزه ومجبوره تتمررين اما المشات ع المزاج
وشكرن عفون

 

[بطاطا]

اللي يمللني اللبس مو المشوار و لا المشي .. :eh_s(22): ؟



و مشكورة على النصايح اللي تشجع .. :eh_s(15): ​

 

[bnt q8 in usa]

حبيباتي الرياضه المفروض تخلونها بحياتكم مثل الماي والاكل يعني شي اساسي بالحياة حتي لو انتي ضعيفه امشي عشان صحتج ولياقتج البدنيه

وبعدين اشتري جهاز وهم حطي بالبيت عشان اذا مالج خلق تروحين بالسياره ودرب علي الاقل جهازج عندج.............شغلي التلفزيون وطالعي
وتقدرين تنطرين مسلسل مفضل عندج واول مايبلش تبدين وراح تندمجين فيه وماتحسين بالوقت كلش

الله يدوم علينا الرياضه والصحه

 

[قمر ضاوي33]

ام ضاري
روحي الممشى روحي النادي اي شي يريحك بس الغرض هو الإستمرار مو يومين وتقطعين ....
والكسل حبيبتي اهي سمة اغلب الكويتين احنا نبي الإستمرار بالرياضة ...

بطاطا ...
حبيبتي ... علشان جذي قلت لك زهبي ملابس الرياضة جدامك مو تقعديت تدورين وتكوين لمن تروح الهمة ... لا زهبي هدومك كم تريننج ولا عباءة وتحتها تريننج مغسولين ومكويين حتى الجوتي والدلاغ جاهز ... بجذي تتشجعين ... صدقيني عن تجربة .

bnt q8 in ua

كلامك عدل 100% الرياضة مهمة للصحة والرشاقة واللياقة لازم نستمر فيها بالنادي ... بالبيت ... بالممشي المهم الإستمرار


شاكرة لكم حبيباتي على ردودكم ومروركم ...

 

[أسيرة موني]

صاااااااااجه البنت الكويت في عمريكيا

لم افتح التلفزيون وامشي عالجهاز الوقت بسرعه يمر

يالله صارلي قاطعه من مده و جسمي متكسر من القعده

 

[bnt q8 in usa]

موني حبيبتي لاتطولين وانتي قاطعه الرياضه راح تروح ليقاتج البدنيه وتردين نفس ماكنتي بالاول يعني جنج ماسويتي شي
علي الاقل امشي بالاسبوع لي الاربعاء خميس ويمعه خليه راحه
ولوا اني احب كل يوم

 

[قمر ضاوي33]

والله انا امشي من السبت الي الثلاثاء وارتاح الأربعاء والخميس وارجع من الجمعة الى الثلاثاء لمدة ساعة ...

بصراحة لياقة ونفسية ولا احسن ...

يا الله شدوا حيلكم

 

[أسيرة موني]

مرت علي فترة امشي كليوم نص ساعه ولاحظت فنسي قمت امشي زياده مع الوقت

بس يات فترة امتحانات و قطعت عشان الدراسه و من يومها كل يو ماشوف الجهاز ولا امشي ..

حدي ودي امشي .. تحسين بخفه و نفس طبيعي الحين حدي مخنتقه بالغص باتنفس ووزني زاد

ان شاء الله امشي باجر

مشكورة بنت الكويت حبيبتي