اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

[life1]

مساء الخيررررررررررر





موضوع اليوم مهم للنقاش ...


اشلون تعرفين كل شي عنه كل شي كل شي ؟؟؟








ناطرين مشاركتكم الطيبه ... ؟

 

[ام جسوم@@]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

يبين من شكله وطريقته واذا سألتيه انت جم بنت عرفتها قبل الزواج وقالج ولا بنت عرفي انه جذاب

 

[PinkY Dreams]

شلون أعرف الرجال اذا زين ولا لأ ؟
انتي تشوفينه اذا كان ملتزم بصلاته الخمس وبار أمه وأبوه هذا ذهبه وزين
والماضي مو مهم اهم شي انه ربي هداه
الخبله الي موصاحيه تقول حق ريلها جم تعرفت على بنت قبل الزواج

اما اذا كان هذا الرجل مو زوجج يعني رفيجج ف لاتتخيلين وتقولين عنه انه ريال زين وذهبه لو زين ويخاف الله جان ماحاجاج
طبعا هالكلام مو موجه لج موجه حق كل وحده عندها رفيج خخخخخخخخخخخ

 

[فطفط نجد]

الماضي مايعلم فيه الا ربي

الريال اذا صار يصلي ويبر امه وابوه وحبوب مع اهله وبيتوتي ودايم تلفونه مع حت اليهالاعرفي انه مايدل درب

 

[وهج الخير]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

صح حجي خواتي على العين والراس
فرضا واحد خطبك حبيبتي اكيد بتسالون عنه وبتسالون وهم ثالثه عشان الحبايب بتسالون صح عشان هذا مستقبل وبتطمنون اذا من بيت اهله اياويد لان الاهل لهم دور
بس ساعات الوحده تتزوج واحد هادي وعاجل ومصلي وفجاه يتغير وينقلب ويصير من حال لحال
وواحد صايع ضايع ينقلب من ضياع لهدايه وصلاح فمو شرط اذا عرفت ماضي الريال خلاص ضمنت انه بيستمر على هالحال ومو معنات الحجي اللي اقوله انه خلاص اذا مثلا واحد خطبني مثلا خلاص ما اسال لان انا بغيره وبقلب حاله لاااااااااااااا
اللي اقصده انه دوام الحال من المحال
سوري يمكن عقدتك معاي بس وجهة نظر

 

[Miss Cherry]

مو مهم ماضيه المهم الحين اشوفه زين ماعنده خرابيط


يصلي يصوم ويخاف ربه

اذا تقصدين خاطب تبي تسألون عنه سألوه جيرانه ربعه اللي معاه بالدوام .. والرياجيل يعرفون شلون يسألون عن اخلاقه منو يماشي يصلي ما يصلي

 

[معكرونه أسبكتى يم يم]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

ماضيه شي خاص فيه انتي لج الحاضر يعني احترمي خصوصيته ولاتفتحين الاوراق القديمه وعيشي حياتج معاه بما يرضي الله

 

[أجمل اقداري]

بالنسبه اذا زين او لا فهذا يبين من تعامله من السؤال عنه والرجل اولا واخراااا

مايبين الا بعد العشره عرفتي حبي
اما بالنسبه لماضيه وسوالفه

ذكرتيني باهالمقطع

خلني في يومي اعيش وعيش يومك
والقدر لا ماعليه اي اعتراضي

وان كان ماضي قلبك منسيك نومك
منهو فينا ياحبيبي ماله ماضي

المااااااااضي ماااااضي وراااح بزينه ولا بشيييينه بعدين كلناااااا لنا ماااضي
موشرط شباب اوشي للتوضيح حبوبات لكن كل انسان يخطي وخير الخطااائون التوابووون


من كان منكم بلا خطيئه فليرجمني بحجر

الله يتوب علينا يارب

 

[UNICORNA]

اخالف بينكى دريمز بالراي

مو كل واحد يحاكى واحده نقول عنه مايخاف ربه وما ينفع اصلا نجمع

انا تعرفت على زوجى قبل الزواج لانى ارفض الزواج العميانى وكان بيننا طلعات وحب قوى

وزوجى جدا محترم ويخاف ربه ومصلى وهو اللى علمنى الالتزام بالصلاه وتحجبت على يده ربى يجزاه خير

وهو يبر ابوه وامه واخوانه وخواته وجيرانه بشكل مو طبيعى لدرجه انى احيانا اتضايق

بس بالاخر اقول هذا خير فما ينفع ناخذ كل شى ونعممه كثير مايحاكو بنات ويتزوجو بشكل مباشر واهم

من اوصخ الرجال وادناهم فهذا مستحيل يكون مقياس والمقياس احترام الرجل لنفسه ولبيته بشكل عام

وبلنسبه انك كيف تعرفى كل شى عن الرجل من وجه نظرى الرجل غير المره وصعب انك تعرفى شى عنه بسهوله

بس انتى بعد تشوفى التعاملات بالعموم كيفه معاك وخاصه بعد الزواج بفتره مو وانتى عروسه

وكيف طريقته مع الناس وبالنسبه لحياته مايصح انك تسأليه عن ماضيه الا اذا هو تكلم

وبعد هو مو مفروض ابدأ يسألك عن اى شى قديم بحياتك لانه بمجرد ماحبك وتزوجك خلاص كل اللى فات مات

وكل شى بيبان بالعشره و اللى بالجدر بيخرجه الملاس وبس

 

[قلـــ طفلة ـــب]

بصراحة ماعندي فكرة عنهم

آب

 

[قطووه حلووه]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

يبين من طريقته وكلامه وسأليه واذا حسيتي انه يلف ويدووووور
عقب لاتسألينه بس حاولي تسحبين منه كلااااااااااام وتاخذين رؤوس اقلام على قولتهم
ويبين ترىىىىى بس مو على الكل
واذا راده على زين ولا لا
شوفي اهم شي صلااااااااااااااااته يحافظ عليها؟؟؟؟؟
بار بامه وابوه ولا لا؟؟؟
مدمن نت؟؟؟شنو نوع المواقع الي يدشها؟؟؟؟؟؟؟
شنو يحب بالحياه شنو يكره
شلون يتمنى زوجت المستقبل!!!!!!! ومن هالكلام

 

[سارة ة]

ااب

 

[monmon12]

انا كتب موضوع عن الخطبة اقري
http://www.q8yat.net/showthread.php?t=740305

الي تقول يصلي ويصوم اشلون عرفتي؟؟
هل انتي دشيتي قلبه او شفتيه؟؟ واايد ناس ياخذون الدين غطا

الي فعلا انسان زين شوفي اشلون أخلاقه ومعاملته مع الناس

لأن الانسان الي يصلي ويصوم ويتعبد الله من قلبه

تنعكس عليه أخلاقه وتعامله مع الناس
الي يصيلي ويحش بالناس يعني صلاته فيها شي
الي يصوم بعدين يغازل بنات الناس هذا هم في شي

الي يروح المسيد الجمعه ويصلي باول الصفوف بعدين يرجع يهبد مرته والدنيا كلها تشتكي منه اذا هذا انسان سيئ
وعيادته ما فادتني شي

تذكري اللاصه والصوم وغيرة هذا مو لج هذا لله

انتي لج الأخلاق وحسن التعامل

 

[rosemary]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

اول شي يبين من الشكل لانه الشكل يعطي نسبه قويه عن انطباع الشخص اذا كان جرئ او ولد ناس

وثاني شي التعامل وطريقت الكلاام وهم الكلااام نفسه يبين اهووو شنو مرات الشخص يقط كلمات مو حاس فيها تبين اهووو شنو وطريقت تفكيره شنو

 

[خُزام]

أولا هذا دور الأهل لما يتقدم شخص لوحدة لازم
يسألون عنه عدل مدل والباجي على الله
مو يسألون كم شخص بس واذا انمدح خلاص يعني زين !
والله يعطي كل واحد نصيبه آنا اؤمن بان الطيبين للطيبات
ومرات اذا كان الشخص عنده خرابيط وبلاوي ربي بيفضحه وينكشف

وخل يقعد مع الاخوان الكبار وبيعرفون
إذا تقدم لي شخص ووصل لمستوى متقدم وهو انه يقابل اخواني
هم يكلمونه ويسحبون منه الحجي بطريقة مو مباشرة
والشباب أبخص بسوالف بعض ويقدرون يسحبون حجي ويعرفون هالأمور
ذكرتيني بشخص تقدم لي اخواني حاصروه تحقيقات لووول مسكين صج وهقوه
عاد واحد من اخواني ما ارتاح له ! وتالي اكتشفنا شغلات وما صار نصيب

 

[bitter-sweetness]

لازم تسئلون عنه قبل الزواج
و مثل ما قالو البنات
انه يكون محافظ على صلاته
و بعدين من طريقة كلامه

 

[monmon12]

بنات سؤال

اشلون تعرفون انه الواحد محافظ على صلاته؟؟

هل انتي تصلين وياه؟؟ او تراقبينه لما يروح المسيد؟؟

او امج او في أحد قالج مثلا امه اخته ناس قالولج انه محافظ على صلاته؟؟؟


بس سؤال يخطر في بالي واحد توه متقدم اشلون تعرفين عنه متى يتعبد والشون يتعبد؟؟؟

 

[sweet dashttya]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

ما يهمني

ريال زين ولا محافظ على صلاته حق نفسه زين ولا لا

ما تقدرين تحكمين على شخص زين ولا لا يمكن محافظ على صلاته ويطلع آخر شي عنده سوالف وصاخة الدنيا مسوي

وبعضهم يجذبون على نفسهم يسوون اشياء وصخه وبالاخير يقول انا ما سويت شي لووووول والله اغبيه الله يهديهم

 

[ترانيم القصيم]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

كلام العزيزة ( مس تشيري )

و العزيزة ( معكرونة سباكيتي )

صحيح و تمام ,,

ما عليـنا من الماضي ,, لا نسأل و لا ننبّش وراهـ

خلاص آللي فات و مات و يمكن يكون الرجال تاب , و التوبة تجب ما قلبها ,,

ما نحاسبه على شي ماضي حنـا عليـنا بالحاضر و الزوجة الذكيـة هي آللي تعرف كيف تجذب زوجها و تحافظ عليه من البنات الغافلات

بسنعها , باهتمامها بنفسها , باهتمامها فيه , بصبرها عليه , تعاملها الطيب معه , بتقديرهـ و احترامه .. ^_^

بارك الله فيكم

احترامي و تقديري

ترانيم القصيم

 

[brettey]

رد : اشلون تعرفين ان الرجال زين ولا لأ ؟ وشلون تعرفين ماضيه و سوالفه ؟

مالي شغل بماضييه قبل الزواج كيفه المهم من اول يوم الملجه وحياتي معاه وانا على ذمته
ومعظم الشباب لهم ماضي