<<< اشلون تقدرين توفقين بين الدوام وتدريس العيال >>>

[ام شيخون]

السلام عليكم ورحمه الله وبركاته

حبيت اسال شلون توفقون بين الدوام وتدريس العيال انا عندي اولى وثانية ابتدائي والصراحه ما اقدر اخلي نومه العصر وتدرون الزوارات والاستقبالات والعروس والدوخه هذي كلها اشلون اقدر اوفق بينهم خلونا نتشارك ونتناقش على يوم كل وحده شلون يصير من اول ماتقعدين لغايه ما تنامين

:eh_s(9): :eh_s(9): :eh_s(9): :eh_s(9):

 

[ام شيخون]

ما شاء الله 7 مشاهدات ولا رد ليش ما تعرفون شلون يصير يومكم

 

[جلكسيه اس 3]

انا مو موظفه ان شاء الله لي صرت موظفه بقولج

 

[برونزية رشيقة]

حبيبتي لازم أتحطين أوليات بحياتج يعني عيالج يكونون رقم واحد في حياتج عرفتي ؟ وبعدين ترتبين المناسبات ... مو كل عرس تروحين .. ومو كل استقبال تروحين .. مو كل عزيمة تروحين ... إذا كان هالشي في ويك أند مثلا وعيالج ما وراهم أمتحانات ولا دراسة روحي بس لا أطولين بالقعدة هناك .. وبعدين أقولج ليش ما ردوا عليج العضوات ؟؟؟؟ لأن احنا بإجازة وما بلشت المدارس مارلهم خلق تذكرينهم بالتدريس .... رفعي موضوعج هذا بأووووووووووووووول أسبوع دراسي وشوفي التفاعل شلون بيصير من العضوات .. ومشكورة على الموضوع.

 

[q.u.e.e.n]

الله يعيني على تدريس ولدي اب اب

 

[@ام يوسف@]

انا هالسنه ان شاء الله اجرب انا موظفه وولدي ان شاء الله يدخل اولى ابتدائي والله يعين

 

[هجووورة]

حبيبتي لازم أتحطين أوليات بحياتج يعني عيالج يكونون رقم واحد في حياتج عرفتي ؟ وبعدين ترتبين المناسبات ... مو كل عرس تروحين .. ومو كل استقبال تروحين .. مو كل عزيمة تروحين ... إذا كان هالشي في ويك أند مثلا وعيالج ما وراهم أمتحانات ولا دراسة روحي بس لا أطولين بالقعدة هناك .. وبعدين أقولج ليش ما ردوا عليج العضوات ؟؟؟؟ لأن احنا بإجازة وما بلشت المدارس مارلهم خلق تذكرينهم بالتدريس .... رفعي موضوعج هذا بأووووووووووووووول أسبوع دراسي وشوفي التفاعل شلون بيصير من العضوات .. ومشكورة على الموضوع.

:eh_s(15)::eh_s(15)::eh_s(15)::eh_s(15)::eh_s(15)::eh_s(15)::eh_s(15):

 

[noor al3yoon]

والله اقعد الصبح اريق عيالي ونجهز للدوام نروح نرد الظهر اغديهم وادرسهم واذا خلصوو يلعبون ع العصر ع ساعه 6 مضبطه عشاهم ع 7 يكونون بفراشهم نايمين
بس اخلص شغلي وباي وقت انام
العروس ع حسب اروح حتى الزيارات صايره بس بالويك اند وطلعاتي بس مع عيالي

 

[الأماكن]

نرد الظهر من المدرسة نتغدى و نكتب الواجبات و ندرس و نراجع و ع الساعة 4 او 5 يلعب ... و ع 6 العشا جاهز

و ع الساعة 8 او 9 نووووووم ... والله أشيلهم من الصالة مو حاسيين بالدنيا حرااام منهد حيلهم و احطهم بالسرير

عاد انا اقعد اجابل الدفاتر أسطر حق العربي لأسبوووع كامل .. أروح أطلع و لا أجابل التلفزيون و انام عالساعة 11 او 12

و بس و نقعد الصبح بكير و شوفي الصحة كيف بتصير

اهم شي تنظيم الوقت .... يعني نومة العصر إلغيها من قاموس الحياة لانها تضيع اليوم كله عليكم

انا قبل كانت نومة العصرية شي مقدس عندي ... لين دخل ولدي الابتدائي .... و نسيتها

وسلامتج

 

[sweet lady]

اب اب

 

[ريماا]

عاادى تتعودين ع الوضع بس الوضع يصعب كل مايزيد عدد عيالج للى يدرسون
انا من العام عندى اثنين بالابتدائى والاخير بالروضة بس هم لازم يدرس عالخفيف الوقت حدة حدة وبالامتحانات وقت راحتج ودلعج ينلغى
واذا عندج طفل عسر عاد اشوى الوضع يتعقد
انا من اوصل بيتى من الدوام انام ساعة على مايوصلون عيالى وساعه ثانية على ماياكلون ويتفرجون عالتلفزيون
3اقعد من النوم واروق اشوى واستلم واحد واااحد لاازم7احنا خاالصين تدريس ولعب 7ونص يتعشون8بسرايرهم لما اخر واحد فيهم ينااام بالكثير 9
اتفرغ لرووحى بهالوقت اقعد ع التلفزيون او اسوى اى شى الساعه12 انام وارد اقعد ع6وربع اغسل لهم والبسهم ويشربون حليبهم ونمشى 7 كل شى عالسريع
انتى تلقائياا بتنضمين يوومج اهم شى الطفل لاااتعودينا على نومة الظهر اول سنة بتتعبين ومن يدخل الابتدائى خلاااص يكوون تعلم ماكوو نوووم ظهر

 

[ريماا]

اى صح انتى تحجيتى عن المناسباات
تدرين انا مناسبااتى وعزايمى احضرهاا بس للضرووورة فى مناسبات تنلغى خصوصا اذا بنص الاسبووع
واذا لابد من عرس ارد مبجر مو شرط احضر اول الناس واطلع اخرهم واذا استقبال اتمكيج بسرعة واعدل بشعري لحد مايناموون البس واطلع فى وقت بس يكسروون خاطري من يشوفون الميك اب يقولون ماما ندرى بتروحين وتخلينا هههههههه

 

[سيدة الذوق]

امبيه الله يعين انا بنتي بدش الابتدائي بعد

وماني متخيله اني ماراح احضر عروس ومناسبات وعشيات

انا اصلا بالاسبوع اروح اقل شي عرسين وصالون وحاله

شسوي مادري

 

[الحالمه]

الله يعينا على المدارس وواجباتهم
انا لازم انام الظهر بس مووو واجد نص ساعه او ساعه وانام بغرفة عيالي الظهر علشان اقعد من صووتهم هههههه
وبالوقت اللي انام فيه الظهر يرتاحون هم اللي بيشوف التلفزيون اللي بينام أو يلعب
ومن 4 الي 7 درااااسه
وأنا عندي قاعده من بدوا عيالي يدرسون وأنا توظفت أيام الاسبوع ما أطلع الا اذا شي ضروري ضروري
لا سوق ولاعزايم ولا اعراس كل شي يتاجل الويك اند
والسبت بعد العصر يبدون يراجعون ليوم الاحد ونرتب الشناط ونووووم على الساعه ثمان

أهم شي رتبي نوومتهم لازم ثمان أو ثمان ونص ينامون
ترتاحين انتي منهم ويصير لج وقت تسوين اللي تبين ليما 12 نامي

 

[اطياب طيبه.أم عبدالله]

اخيييييييييييه اخيييييييييييه

حطيتي ايدج على الجررررررح

توني كنت بفتح موضوع نقاش على نفس السالفه

يختج معاناه ما بعدها معاناه

انا ام وعندي 3 من اعيالي اسم الله عليهم مدارس

وعندي بزنس اديره من البيت ماخذ وقتي كله طبعا غير الطباخ وتربيه اليهال الصغاي اللى مو بالمدارس

بس بيني وبينج سويت لي برنامج حلو مشيت عليه العام وكان حلو

اقوم الصبح وياهم البسهم واتريق واطلع اليدام مال الغدا وارد انام الين 10 او 11 ارد اقوم اجابل شغلي بالنت واسوى الغدا

ويردون بالسلامه الظهر يتغدون وينامون وانا ارد اجابل شغلي :: بهالفتره مالت العصر ردي نامي ::

وعقبها اقعدهم يحلون الواجبات وياكلون سناك على السريع ويشوفون التلفزيون لمده ساعه وعقبها عشا ونوم

وبالويك اند لنا طلعه يوم اليمعه للحديقه او نادي الشعب لانا مشاركين فيه ويسبحون او يلعبون يعني يغيرون جو

والسبت اهو يوم مراجعه شامله لكل الدروس مالت الاسبوع من الظهر نبلش دراسه الين المغرب

وسلامتج

 

[q8tyah]

انتي عيالج توهم ابتدائيه يعني لاتضغطينهم بالدراسه حدهم ساعتين كافي هذا اذا انتي ذابحتهم بالدراسه ، ردي من دوامج وغدي عيالج عقب نامي ساعتين العصر تقريبا من ٣ ليما ٥ بهالفتره خليهم يريحون يشوفون تلفزيون وعطيهم كاكاوات وحلويات عشان يلهون وماينامون عقب ليه قعدتي من النوم سويلج كوفي والا جاي وقعدي درسيهم من ٥ ليما ٧ اتوقع قبل هالوقت بتخلصين ليه صارت ٧ تكون الخدامه مجهزه العشا يتعشون ويدخلون فراشهم علي ٧ ونص علي ٨ الا اهما بسابع نومه ، عقب ال ٨ يبدي وقتج بتقعدين عالنت والا تلفزيون والا طلعات وعروس والا سوق براحتج، بالويك اند يوم لزوارتهم ويوم تطلعينهم ، السبت عاد تحفظينهم ايات ، تحليل معاهم اوراق عمل او تحفظينهم املاء تحضريلهم لاسبوع قدام المهم يكون تركيز الدراسه بهاليوم ، اما باجي الايام انا ماافضل تضغطين عليهم بالدراسه يادوب يحلون واجباتهم وبس لان اهما خلقه جايين تعابه وزهقانين من الدراسه واتمني اكون فدتج

 

[أم عبووووود]

رفع للفائدة

 

[PuPa^^SWeeT]

بالنسبة لي ياقلبي


انا عيالي توهم صغاار



وحدة روضة و الثانية بتدش الروضة انشالله


بس همن الكبيرة قاعدة ادرسها شغلات صغييرة اشتري كتب تعليمية من المكتبة و اقعد وياها


المهم اللي ابي اقووله حبيبتي




احنا امهاتنا قبل اذكر امي والله اتقوولي نست شي اسمه مناسبات لمدة 15 سنة




وتوها اتقوول من قمتو اتروحون وياي قمت ارووح

يعني ياقلبي



المناسبات اذا من الاهل ولا الحمولة و قراب حييل


يعني بنت عمي


ولا بنت خالتي

ولا بنت عم ريلي و هكذا ايي ارووح


بس عرس بعييد و مالنا شغل فيهم ولا مرة شفناهم ولا يمكن مرتين ولا ثلاث


الافضل انجابل العيال


الزوارات والاستقبالات مقدور عليهم لأنهم نص ساعة ولا ساعة و خلاااص