اشلون تنظفون الثلاجه؟

[Om_RayooMa]

سلام

بنات اشلونكم؟؟

كل وحده تقول طرقتها بتنظيف الثلاجه


ومشكورين

 

[{متى أشوفك}]

الرفع

 

[DLOOL]

والله انا بقولج طريقت امي
اولا تفضيهاااا
انزين
وبعدين اطلع لدروج كلها تغسلهم بالماء والصابون
انزين
واتصير الثلاجه فاضيه تاخذ طاسه فيها ماي وصلبون وتمسحهاا فيها وتنظفهااا حتى الدروج الجانبيه اذا كانزا ما يطلعوون تمسحهم
وبعدين بماي تمسحه وتخليها امبطله حتى تنشف بس بنااات ديربالكم من الجهاال ترى ما يصدقون يشوفونها امبطله يدخلون داخلها ويسكرونهااا
عليهم ديروا بالكم
وبالنسبه للفريزر تكت ملح عشان يذووووووب الثلج تحكه بعدين اذا متجمد بعد ما تتلطم بشي عشان يطشر الثلج عليها
بعدين اتنظفه مثل الثلاجه ....

 

[LuLiTa]

انا اسوي نفس طريقة ام دلوووول ,,,
بس انا عقب التنظيف احط فص ثوووم + قطعة فحم بخوور عشااان يمصووون ريحة الأكل,,,

 

[توت وتين]

بالنسبة لي استخدم بيكربونات الصوديوم مالت الأكل

ملعقة من البييكربونات مع لتر ماي أفضي الثلاجة وانظفها وامسح بالفوطة الاسفنجية

وبعدي استخدم ماي نظيف بدون اضافات واشطف الثلاجة بفوطة نظيفة وبعدين انشفها عدل

تعقيم ونظافة وبدون روائح لكن نصيحة طبقيها بنفسك ولا تتكلين على الخدامة

ان شاءالله أكون افدتك

 

[Om_RayooMa]

مشكوووووووووريييييييييين