اصوات البطن المحرجه

[مروقه على الكوفي]

السلام عليكم
عندي مشكله وماعرفت حلها
اوقات بعدالاكل اووقت بطني فاضي تطلع اصوات
والله فشله حتى الي وياي يسمعون الصوت صرت اشيل هم اكل في مكان عام وياالناس
ومره كنت ماكله سمك وبعدهابيبسي وتعالو اسمعو الاصوات العاليه اشك انه الكل سمعها
والريح ومعليه على هالكلمة اول مااقوم من النووووم
ومودووم بس اغلب الوقت
وموعارفه شنوالاسباب وشنوالحل؟؟
وحاليامفكره اجرب شرب الماي الدافئ على الريق مع ليمون اوعسل منو جربته وشنوالفايده؟
والحمدلله مااشتكي من قولون يعني السبب مجهول

 

[حيزبونة كيوت]

رررررررررفع


مثل حالتي ، قريت ان ممكن السبب يكون ان القولون فيه ترسبات وشغلات عالقه بجدار القولون

وكنت مفكرة اسوي غسيل قولون بس خايفه ومحد شجعني

 

[غـلآوي ّ ~]

وكنت مفكرة اسوي غسيل قولون بس خايفه ومحد شجعني

لآآتـسويّـن غسيل قولون خدعه محد يمدحه انسـيييييـهه

 

[غـلآوي ّ ~]

السلام عليكم
عندي مشكله وماعرفت حلها
اوقات بعدالاكل اووقت بطني فاضي تطلع اصوات
والله فشله حتى الي وياي يسمعون الصوت صرت اشيل هم اكل في مكان عام وياالناس
ومره كنت ماكله سمك وبعدهابيبسي وتعالو اسمعو الاصوات العاليه اشك انه الكل سمعها
والريح ومعليه على هالكلمة اول مااقوم من النووووم
ومودووم بس اغلب الوقت
وموعارفه شنوالاسباب وشنوالحل؟؟
وحاليامفكره اجرب شرب الماي الدافئ على الريق مع ليمون اوعسل منو جربته وشنوالفايده؟
والحمدلله مااشتكي من قولون يعني السبب مجهول

يِمكن مشآكل بالمعده عندج بداية مرض جرثومه او قولون وغيره

روحي دكتور استشاري جهاز هضمي احسن يسويلجّ فحوصـآت
الدكتور مساعد العصفور علاجه يهبل انا كنت اراجع عنده صار فيني قولون عصبي
والحين مافينيّ إلآ العافيه تقولين ماحاشنيّ شي اسم الله عليّ :d

 

[Florence]

يمكن في اكلات معينة انتي حساسة تجاهها

وفي اكلات تسبب غازات ابتعدي عنها

والعلج تراا يسبب اصوااات في البطن انا ما اكتشفته الا متأخرررر

 

[باقة ورد]

غرغرة البطن لها اسباب ما تبين الا بالمنظار انا انصحج اتسوينه بقوة لان اهو ادق فحص انا مثلج وما زلت ومع المنظار تبين ان عندي الجرثومة الحلزونيه بالمعدة وقاعده اتعالج منه الحين مع ان ما اشتكي من اي الام بالمعده و لا شي بس هم هم حسيت ان الموضوع مو طبيعي فسويت منظار للقولون و المعده وطلع السبب من المعدة انتي راقبي اكلج اذا فيه اكلات معينه تزيد هالاصوات قطعيها و شوفي *

 

[جذابه بنت ذيابه]

عليج الكمون

 

[كافي صمت]

انتبهي يصير بطنج فاضيه لانه تطلع اصوات وغازات
انا جذي بعد ابتعدت عن الفلفل الصبح والقهوه

اشربي سوائل دافيه جاي كمون يطرد السوائل

وبالنسبه للماء الدافي مع اليمون والعسل يطرد السموم من الجسم

 

[مروقه على الكوفي]

تسلمون
انامودوم يطلع الصوت اوقات اتوقع من اكل معين
وبشوف اذذااستمرالحال بروح الطبيب
وقصدك الفلفل الحار ولاالفلفل الحلو الرومي
انااعشق الفلفل الرومي

 

[granted]

احيانا هالاصوات يكون سببها الهضم
سمعت يقولون الي يعانون مشاكل الهضم لازم ياكلون البروتين بروحه
والكربوهيدرات بروحه
اسهل على المعدة انهاتهضم اكل من نفس الفئة عرفتي
والفاكهه تسبب اصوات بعد بالمعد لان الفاكه لازم تنوكل على معدة خاليه مو بعد الاكل

 

[اشلون يعني &]

سبب الاصوات لانج تاكلين اكل فيه يصل وثوم
نصيحه لا تاكلين اكل دسم مثل عيوش وجبات سريعه معكرونه
الملفوف والخس ابتعدى عنه
المشروبات الغازيه
اعرف وحده الغت وجبه الغداء ارتاحت

 

[مملكة العشاق]

الله يشفيج ياااارب انا رفيجتي نفسج بس من قطعت الخيار والحليب والباذنجان ارتااحت

 

[مروقه على الكوفي]

الحمدلله حالياماقامت تطلع الاصوات لاني مبتعده عن البيبسي واخواته لوول
وسلطه مااكل بس غداء عيش وايدام وموكل يوم
شهيتي انسدت بس طايحه في الحلويات وفطور خبز وجبن بس

 

[كفاك]

اتوقع ان بطنج فيه غازات اوعندج جرثومة المعده

 

[خلطات المذهله]

في حل ان شاء الله بس تبي شرح اذا حابه رساليني بمشكلتج وتس اب وبعدها اتمني تنقلين الطريقه للمنتدي عشان الكل يستفيد

 

[sho-sho_93]

الغازيااااااااااااااااااات ممنوووووووووووعه والبقوليات انشالله ترتاحين

 

[ماكواسم2]

من شرب الحليب

 

[Hand]

هذي غازات حبيبتي

وانا اعاني من نفس الشي

خصوصن اني موظفه وتسير اوقات اجتماعات

وفيها احراج لمن يطلع اصوات من بطنج

الاكل الي يبعد الصوت هذا

( التفاح , الموز , النعناع تغليه وتشربيه سواء مع البابونج او بدون )

وانا مجربه الشي هذا ,,, الله يسعدج