اطباق لذيذه ( سهل - متنوع - منقول - متجدد ) تابعونا

[78MariMar78]

ربي يخفف عليكِ غربتك

ويردك بالسلامة عاجلا ليس آجلا
يا رب العالمين

 

[ام علاوي وحمود]

اريد منكم عجينه البيزا الطريقه وشكرا

 

[نداااوووي]

رد : اطباق لذيذه ( سهل - متنوع - منقول - متجدد ) تابعونا

ماشاء الله ... تبارك الله
مـــــشـــــكــــــورررررهــ
الله يجزاك جنه عرضها السموات والإرض ويحرم يدينك عن الناار ولايحرمك إجر كل حرف نقلتيه إو كتبتيه
والله يهون عليك غربتك ويردك لإهلك سالمه ويوفقك يااارب وإخر شئ حبيت إقولك يعطيك إلف صحه وعافيه على الملف الإكثر من رائع

 

[صدى الأفراح]

ألف مبرووووووووووك التثبيت بجد موضوووووووعك رووووووووووعه تسلم ايييييييييييييييدك حياتي كملي كملي كملي

 

[miss-zgrtiya]

رد : اطباق لذيذه ( سهل - متنوع - منقول - متجدد ) تابعونا

ناااايس يعطيج الف عافية ..
ومنتظرة المزيد

 

[أحلى همبه كويتية]

بطوطة وينك حياتي
كملي الكل ناطرك ومتابعك



عساك على القوة

 

[mi corazon]

امبيه لا يعت

تسلمين حبوبه وتسلم ايدج عالنقل الجميل

 

[78MariMar78]

حياتي بطة بانتظااااااااااااااارك

 

[بطه فيها نطه]

تبارك الرحمن تطبيقاتكم تهبل ... عواااااافي على قلوبكم

سامحوني .. مثل ماانتوا شايفين المنتدى شلون معلق ويخورها

يالله نكمل ..

 

[بطه فيها نطه]

طريقة عمل الباشميل ... واهي طريقتي اللي الكل دايما يسالني عنها اذا قدمت طبق فيه باشميل

و ردا على وحده من الخوات اطلبت طريقة عمل الباشميل



المقادير :

1 علبة حليب بارد كامل الدسم ( الحجم الكبير ) انا استعمل المراعي او kdd

1 علبة كريمه kdd الحجم الصغير من اي ماركه مو مشكله

1 جيس او ظرف باشميل جاهز ( كنور - او اي ماركه )

فص ثوم مهروس ناعم - ملح - فلفل اسود


الطريقه :


نحط السوائل كلها + ظرف الباشميل ... نحرك لين تختفى بودرة الباشميل

ونحطهم على النار ... مع تحريك مستمر والنار طبعا شوي عاليه

بعدين نضيف الثوم + الملح + الفلفل


نحرك لين نحصل على القوام المطلوب ... وعليكم بالعافيه

 

[بطه فيها نطه]

وهذي بعد طريقة عجينة البيتزا ... للاخت اللي اطلبتها مني

وانا بصراحه ماخذ الطريقة من اختي ام ريووف من موضوع خلية النحل مالت هنوف البلهان

والصراحه العجينه تهبل ترفه وطريقتها بعد سهله


المقادير :


4 قلاصات طحين

حليب بودر 2 م كبيره

2 م وسط بيكينغ بودر

2 م كبيره خميره

2 م كبيره سكر

نص قلاص دهن

ملح

نص قلاص لبن او روب مذوبته بماي

+ ماي دافي للعجن



الطريقه :


نخلط النواشف كلها مع بعض ... وبعدها نضيف اللبن والدهن

والماي مع العجن


نغطيها عقب ونحطها بمكان دافي لين تتخمر ... وبعدها نفردها وندخلها الفرن

سواء كانت بيتزا او جبن او لحم او خلية النحل او سبانخ او زعتر

اللي تحبونه ... وعليكم بالعافيه

 

[بطه فيها نطه]

كيكة السينابون

منقوله من : هم منقول




المقـــــــــــــادير


خلي اقياسك قوطي القيمر أو علبة الروب


**الخلطة 1**

3 بيضات

ملعقة طعام فانيليا

1كوب سكر

1كوب زيت

علبة حليب أبو قوس تبع الشاي وليس المركز

(نخلطهم في الخلاط الكهربائي )

---------------------

** الخلطة 2رقم :**

1 ونص كوب طحين

2 ونص ملعقة طعام بيكنغ بودر

ذرة ملح

( نخلطهم مع بعض )

--------------------

** الخلطه 3**

3ملاعق قرفه مطحونه + 3ملاعق سكربني

--------------------

الطريقه

نضيف الخلطة رقم 2 على الخلطة رقم 1 ونخلطهم جيدً ثم نضع في صينيه مفتوحه مع

الوسط نص الخليط ثم نرش الخلطه 3 على الكيكه بالمشخل ثم نضع باقي الخليط

ونضعها في الفرن نشغل من تحت أول ثم من فوق .

ثم نخرجها من الفرن ونضع الصلصة عليها وهي حاره

الصلصلة :



1حليب أبو قوس /

علبة قشطة أو قيمر /
نص كوب سكر /

2 ملعقة طعام قرفة /

نخلطهم بالخلاط الكهربائي ثم توضع على النار حتى يتماسك ثم تسكب على الكيكة وهي حاره

ثم تترك لتبرد قليلا وتجمل بالهيرشي و الجوز الجروش

 

[بطه فيها نطه]

المتبل الايراني

منقول من : السفيره


المقادير :



4 حبات باذنجان متوسطة الحجم
نص كوب بقدونس مفروم
نص كوب بصل اخضر مفروم
2 ملعقة طعام لبنة
ملعقة طعام مايونيز
ملعقة طعام طحينة
ملعقة صغيرة ملح
ليمونة واحدة
فص ثوم مدقوق
4 ملاعق زيت الزيتون

الطريقه:

تغسل حبات الباذنجان وتنشف من الماء وتشوى في الفرن
نرفع من على الفرن بعد نضجها وتوضع في صينية وتزال منها القشرة الخارجية






تضع الباذنجان في وعاء وتضيف له البقدونس والبصل والثوم وتهرس حتى تصبح طرية
يمزج عصير الليمون مع الملح واللبنة والمايونيز والطحينة





توضع جميع المقادير في الخلاط الكهربائي ويرش عيها زيت الزيتون تزين بالنعناع

 

[بطه فيها نطه]

دونات كيرلي


منقوله من : الاخت قطر الندى


المقادير:




بالنسبه للمقادير أي عجينه تعجبكم ممكن عجينة دونات أو فطاير المهم تكون لينه ومب رخوه جدا حتى نستطيع طويها...وهاذي مقادير العجينه اللي استخدمها
طبعا ممكن تعملي المقادير كلها للدونات وممكن تعمل منها حاجات ثانيه مثل كرات السمسم أو فطاير لأنها نفس العجينه
3 كوب طحين
3 م ط سكر
3 م ط حليب بودره
م ص خميره
ملح
3 م ط زيت
كوب وربع ماء




الطريقة:


نعجن المقادير ونتركها حتى يتضاعف حجمها حلو تكون العجينه شوي لينه حتى تكون أكثر ليونه بعد مانقليها

بعد ماتتخمر العجينه بالشكل هذا






ناخذ جزء منها ونفرده ثم نقطعه بشكل طولي





ثم نأخذ شريط من العجينه ونلفه بالشكل هذا بأعواد الشوي الخشبيه بالشكل هذا نبدأ بلفها من الراس المدبب بس لاتشدون العجينه لأنها أحلى لما تلفونها برفق حتى تتنتفخ فالزيت لما تقلونها








وتكون عندنا بالشكل هذا





ونقليها فالزيت المهم يكون ساخن بس لاتطولون على النار حتى ماتحترق لأنها أحلى لما تكون ذهبيه





وهذا شكلها بعد ماقليناها قبل مانشيل الأعواد منها





تحبون ترشونها بسكر او صلصلة كاكاو اوبفستق او بسمسم او بناريل مثلي

وعليكم بالعافيه

 

[بطه فيها نطه]

سمبوسة بف


منقوله من : لتين



مقادير العجينه

1 كاس دقيق ابيض
1 دقيق اسمر
نصف بيالة شاي زيت
رشة ملح
ماء دافي للعجن

الطريقه :


تعجن المقادير مع بعض والماء اخر شي يوضع الى ان تتماسك العجينه وتترك لترتاح العجينه من ساعه

الى ساعه ونصف



مقادير الحشوه

لحم مفروم - بصلتين كبار مفرومه - كزبره وبقدونس مفرومه - بهارات مشكله - كمون وفلفل اسود ورشة ملح وكوب ماء لطبخ اللحمه




الطريقه

اول شي حطيت اللحم بقدر لين ماطلعت شوي من مويته وكبيت المويه بعدين حطيت كاس مويه وخليته شوي بعدين كبيت المويه عشان تروح الصنقه (للمتحدثين باللهجه النجديه خخخخ) بعدين عاد حطيت كاس مويه وخليت اللحمه تطبخ لين مانشفت المويه بعدها حطيت البصل والبهارات وخليتهم مع بعض شوي وحركتهم زيييين وطفيت النار عنهم وحطيت بقدونس < ماكان عندي كزبره وقتها ونخليها تبرد لين وقت الحشو

بعدين ناخذ قطعه ونفردها ونحطها بقطاعة السمبوسه اللي تجي مثلثه ونحشيها ونسكر القطاعه ونشيل الزوائد
منها

وهكذا لين ماتخلص الكميه وتقلى

 

[بطه فيها نطه]

صدور دجاج مشويه مع العيش

منقوله من : هداوه







المقادير



صدور دجاج نقطعها مكعبات مثل شيش طاووق


ونتبلها بالخلطه وهي عباره ...


بصله وحده مقطعه


ثوم


علبة روب


ملح


وفلفل اسود


وليمونه



جميع المقادير نحطها في الخلاط ، وعقب نصبها ع الدجاج ونتركه في الثلاجه كم ساعه ...


وعقب نييب اعواد الشوي ونشج فيهم الدجاج ونضيف فلفل بارد اخضر او ملون وممكن نضيف بصل


صغار وممكن مشروم حسب رغبتكم والمتوفر عندكم


ولما نخلص كل الدجاج ونشجه في الاعواد ، عندكم كم طريقه تطبخون فيها الدجاج ...



الطريقه الاولى


تصفون اعواد الدجاج في الصينيه وتصبون عليه باقي خلطة الروب وتغطون الصينيه بالقصدير وتدخلونه


الفرن لين يستوي ، وعقب تشيلون القصدير وتحمرونه ، وهاي انا سويتها اليوم


بس شوي طلعت ناشفه ...



الطريقه الثانيه ...


اتييبون اعواد الدجاج وتغطسونه في البيض والبقسماط وتقلونه بالزيت ، وهاي سبق جربتها وطلعت لذيذه ...



الطريقه الثالثه ...


تشووونه ع الفحم او ع الشوايه




مثل ماخبريتكم انا سويت الطريقه الاولى وسويت عيش ملون ...

 

[بطه فيها نطه]

حلو التويكس

منقول من : Berlo ✿




المقادير

باكيت وشوي بسكويت الشاي

حليب بوني لتسقية البسكويت

في الخلاط :

6 حبات جبن كيري

علبتين قشطه (احب استخدم علبه قشطة التاج الـ 155 غم + كرتون صغير قشطة قيمر)

توكس <~ مغلف واحد ابو اصبعين

مغلف دريم ويب

مغلف كريم كراميل

كاكاو فليك للتزيين

,,

* ملاحظه :

هالمقدار يكفي لصينية البايركس الكبيره ,, وممكن يتوزع على صحون صغار

التوكس يفضل يكون بحرارة الغرفه واذا كان بارد حطيه بصحن وسخنيه ثواني بالمايكرويف

عشان يذوب معانا بسرعه في الخلاط وقطعيه صغار بالسكين قبل لاتحطينه بالخلاط

,,


الطريقه


- نبدا نوزع طبقه من البسكويت ونشربها بحليب البوني ,,ونرص فوقها طبقه ثانيه وبرضو نشربها بالحليب






- في الخلاط نخلط المكونات زييين لحد ماتتجانس ويبدا يختفي التوكس






- نصبها عالبسكويت و نزينها بالفليك ونتركها تبرد في الثلاجه





وعوافي

 

[بطه فيها نطه]

كب كيك الموالح

منقول من : شوكليت


المقادير


و الطريقة



جهزي صينية الكب كيك .. أنا استخدمت صينية الميني ...





في الخلاط


نص كأس زيت


نص كاس مويه


2 بيض

فانيلا شوي





بعدها اضيفي المقادير الجافة


نص كاس دقيق


نص كأس حليب بودره


ملعقة بيكنغ باودر

رشه ملح







صبيها في القوالب للنص ,,





طبعا تكوني مجهزه الحشوة


حبتين فلفل رومي مقطعه مكعبات صغيره


كأس زيتون أخضر مقطع


4 حبات كيري مقطعه مكعبات


زعتر

او اي حشوه من اختيارك ( بيتزا - لحم مفروم - سبانخ - سوسج )





اضيفي الحشوة على الخليط ...

 

[بطه فيها نطه]

صينة الدياي الدسمه والذيذه

منقوله من :● S i ℓ e n t ●


صدور دجاج
فلفل بارد مقطع مكعبات
بصل مقطع ناعم


*
قشطه عاديه
2 ملعقه مايونيز
2 ملعقه جبنه سائله
جبنه موزوريـلا


*
ملح
فلفل اسود
بهارات مشكله
مكعب ماجي



✿






الطريقهنسلق صدور الدجاج .. و بعدين نصفيها من المويه وبالشوكه نحاول قطع كل قطعه
يعني بالعامي ( ننتفها ) ههههه

في طاوه تيفال .. نحمر البصل بـ قليل زيت ,,
ونضيف له البهارات والفلفل الاسود ومكعب الماجي
ونضيف الفلفل البــارد ~

ونقلب شوي .. ونحط عليها الدجاج المنتف
ونخليها على نار هاديه .. ونقلب لـ مده 5 دقايق ~

نحط الخلطه بـ صينيه بايركس تتدخل الفرن

ونخلط القشطه + المايونيز + الجبنه السائله و رشة ملح ..

ونصبه على الدجاج ونحاول بـ شوكه نحركه الدجاج ,, عشان يدخل من بينه الصوص





ونرش جبنه الموزرويلا عـ الوجه ~





عواااافي

 

[بطه فيها نطه]

شطيرة الاجبان

منقول من : بنت الديره



المكونات كلها حسب الرغبه:

قاعده بيتزا اخذتها طريه مو مثلجه ( مركز سلطان )

جبن ابيض حسب الرغبه

شرايح جبن موتزريلا

جبن تشيدر مبشور

جبن كرافت 4 اجبان للبيتزا ... هالجبن لذييذ ويميع بطريقه جدا حلوة

جبن بارميزان مبشور

جرجير او نوع خضار مشابه له اعتقد اسمه روكيت او اوروغولا .. فيه نفس لذعه الجرجير

زبده بنكهه الثوم ( او قطعو شرايح ثوم وخلوها على النار مع زيت زيتون وبعدين ضيفو زيده وتقدرون تضيفون رقائق فلفل

احمر اذا تحبونه سبايسي )

شرايح طماط صغير

شرايح مشروم صغير ( اذا عندكم انواع مشروم بيطلع احلى واحلى)

اعشاب مجفف او طريه حسب الرغبه

ملح وفلفل اسود




الطريقه:


ناخذ قاعده البيتزا ونضيف نمسحها بالزيت المنكه ونحط الا جبان عليها حسب الرغبه.. انا هني حطيت جبن الابيض مع التشيدر





الاربع اجبان مع البارميزان ... كثرو كثر ما تحبون العجينه سميكه وتستحمل اللي بيجيها هههه



موتزريييييلا





بالفرن ويم يم






او صيرو نفسي طماعين وحطي المكونات الثانيه





نخلط الخضره مع ملح وزيت وفلفل اسود ورشه زيت وعصير ليمون وتنحط فوقها وبالف عافيه