اطباق لذيذه ( سهل - متنوع - منقول - متجدد ) تابعونا

[بطه فيها نطه]

قوارب الجبنه


منقوله من : القلوب اطفال


اول شي حطي شوية زيت زيتون في مله وحطي وياه ثوم مفروم





اعملي خلطة الجبن

راح تجتاجين

علبة جبنا بيضا .. كل مره استخدم الجبنه البيضا مالت بوك ( هالمره استخدمت مالت المراعي ) بس بووك وايد احلى وما فيها ملوحه وايد مثل المراعي

افرمي بقدونس ونعناع وقطعي فلفل بارد أحمر قطع ضغيره جدا ( المفروض تكون هالاشياء اكثر ، بس مادري ليش هالمره قللت منهم )

اخلطي المقادير مع بعض ( اللي تحب الشبت ، تحط )






نسيت اقول ان راح تحتاجين مله فيها اوريغانو .. خليها على جنب

نجي لمقادير العجينه :

٣ أكواب طحين
٣ م . ك حليب نيدو + 1 م . ك سكر + رشة ملح + بيالة شاهي زيت زيتون
١ كوب + ٢ م . ك ماء دافي و نذوب فيه ١ م . ك خميرة فورية
نعجن المقادير بالعجانه .. اقل شي ١٠ دقايق ونتركها ترتاح لمدة نص ساعه
هاي شكل العجينه قبل لا تنتفش





بعد ما تختمر العجينه

ناخذ جزء منها ونفردها على الرخام ونقطعها بالقطاعه المتوسطه






اخذي من خلطة الجبن وزعيها في الدواير





سكري اطراف الدواير وسويها على شكل قارب





اخذي فرشاه وادهني جوانب القوارب بزيت الزيتون .. اللي نقعنا فيه الثوم .. بس حاسبي لا تجي قطع الثوم في الفرشاه .. احنا ما نبغي الثوم .. نبغي النكهه


غمسي الفطيره في الاوريغانو





بنصف القوارب اللي سويناها في قالب التشيز كيك بشكل مايل .. هالشكل .. خلي شوية فراغ علشان راح تنتفش في الفرن





راح يكون جذي شكلها بعد ما نمليها ( كل مره اسويها ارتب من جذي بس كنت مستعجله ، خفت خواتي يجون وانا ما جهزتها )





تخبزينها في الفرن .. لازم تكونين مسخنه الفرن من قبل على حرارة ١٨٠

انا اخبزها من ١٠ - ١٥ دقيقه ..

هذا شكلها بعد ما طلعناها من الفرن .. انا خذت شوي من الزيت زيتون ودهنت فيه الفطاير بعد ما طلعتها من الفرن عشان تطعيها شوية لمعه






حطيها في صحن تقديم

 

[بطه فيها نطه]

حلو عيون القطوه

منقول من : мαĐα₥ē



نبدأ ...





المقادير /

كوب دقيق
1/2 كوب نشاء
1/2 كوب سمن
1/2 كوب سكر
بيضه
نصف ملعقه صغيره b b
فانيلا




التزيين/
مربى (مختار) الالذ طبعا عندي الفراوله
فستق مجروش




التحضير /

اخفقي بملعقه عاديه الزبده والسكر والبيض

حتى تكون طبقه كريميه





اضيفي النشاء واخلطي ثم اضيفي الدقيق والباكينج باودر والفانيلا





كوريها صغيره وادخليها فرن حار تقريبا 10 دقايق او حتى تتحمر من تحت
لاحظي / باعدي بين البسكوتات





هذا شكلها بعد ماطلعت من الفرن .. اتركيها تبرد











نجي للتزيين جدا سهل /
ادهني ظهر كل بسكوته بالمربى وطبقيها مع بسكوته ثانيه وادهني الحواف برضو ودحرجيها على الفستق

كملي باقي المقدار واتركيها تتماسك

وهذا الشكل النهائي

 

[بطه فيها نطه]

سلطة قادو قادو الحاره

منقوله من : Artos ~



الوصفه طويله حبتين بس بالحيل سهله


مقادير الصوص~


هو إللي يعطي الوصفه التميز ..من غيره بتكون الوصفه مجرد خضار .



6 ملاعق صغيره زبدة الفول السوداني

{ البعض يحمس فول سوداني كامل بقليل من الزيت من ثم يطحنه ولكن ماأفضل هالطريقه أبداً , بس هي الطريقه التقليديه}



8 ملاعق كبيرهـ حليب جوز الهند السائل

{ البعض يستخدم البودره بس أنا ماأحب طعمه ,, السائل أفضل نكهته أغنى }


ملعقه صغيره صويا صوص

ملعقه صغيره صلصه حلوه حاره (سومطره)

ملعقه صغيره معجون طماطم

ملعقه صغيره سكر أسمر

ملعقه صغيره ملح صيني ( جيني مو تو )

فصين صغار ثوم مدقوق

بصلتين صغار مفرومه فرماً ناعماً

عصير ليمونه

ذرة ملح عادي


6 عروق فلفل أحمر + 8 عروق فلفل أخضر

{ أختياري يابنوتات لأن الصوص مره قليل , أخاف تتفجر بطونكم لوووووول }


قليل جداً جداً من الزيت للتحمير .


قليل جداً من الماء لمساعدتك بالخلط ( أستخدمت 8 ملاعق من الماء )



الطريقه ~


ضعي قليل من الزيت بقدر صغير ثم أضيفي البصل وقلبيه حتى يذبل على نار هادئه ..





لاحظوا شلون ذبل البصل مانبيه يكون واضح بالصوص بشكل مزري , من ثم ندق الثوم مع أضافة الملح العادي , ونضيف للبصل


في الخلاط نظيف باقي مكونات الصوص ماعادا الليمون , ونخلط




نضيف الخليط للبصل والثوم , ونتسمر بالتقليب حتى يتماسك قليلاً , ترى الخليط فيه سكر يعني بسرعه يحترق قلبي بشكل سريع وحاولي تحافظين على سيولة الصوص .





الصوص ماراح ياخذ وقت كثير عالنار مجرد مايتسخن ونحس بحرارته نرفعه من النار .






لاحظوا مانضيف الليمون مع الصوص وهو عالنار عشان لايعطيه مراره , بالأضافه إلى أن أضافتك لليمون كآخر خطوهـ تعطي تماسك عجيب للصوص , وتلاحظين أن لونه حتى يتغير .

وبكذا نكون أنتهينا من الصوص ..



مقادير السلطه ~






الخضار المطبوخه }


الكميات تقديريه وترجع لذوقك ..

3 حبات كوسه مقطعه لأنصاف دوائر رفيعه

جزره كبيره مقطعه لأنصاف دوائر رفيعه

3 حبات بطاطس متوسطة الحجم

كوب فاصوليا خضراء مقطع لقطع صغيره

ربع حبة ملفوف حجمها صغير ..مقطع لقطع متوسطة الحجم



الخضار الفريش }

3 حبات خيار متوسطة الحجم مقطعه لأنصاف دوائر

8 أوراق خس مقطعه كما بالصوره <=== توهقت ماعرفت تشرحها




طريقة عمل الخضار ~


حسب الروقان والمزاج , مرات أصلحها خضار سوتيه ( أنضجها بالبخار مثل الصوره) , ومرات يطقني الكسل وأسلقها سلقاً وفي الحالتين لذيذه ماتفرق





العجازين يسلقونها كلها سوا , لذلك ماحبيت أكثر الطرق إللي قُدمت لي أو إللي جربتها , لأن نسبة نضج الخضار تختلف من خضار للثانيه ..

بالقادو قادو لازم تطبخين الخضار نص أستواء , مو تخلينها أيدام وتطبخينها لين تذبل وتموت , لأنها بتكون شينه للغايه كأنها أكل أطفال .


أولاً أبدأي بالفاصوليا , من ثم حطي فوقه الجزر والكوسا, ثم الملفوف مجرد مايبدأ يذبل شيليه

الوقت حسب نوعية الخضار إللي عندك , أهم شيء يكون نص أستواء ..




بالنسبه للبطاطس ,, أسلقه لوحده بعد ماأخزقه بالسكينه أو بشوكه وبقشره ..





ليش صلحت هالطريقه ؟ عشان لا يعفس بقية الخضار ويخليها مليانه نشاء ,, إذا سلقتيها وهي مقشره بينزل النشاء بالماء وبتصير لزجه ( ستيكي ) .


ملاحظه:

البعض يفضل البطاطس مقلي , وأنا أفضله مقلي ولكن بقية أفراد المنزل يفضلونه مسلوق .. فطبخ بناء على رغبة الأغلبيه <=== مظلومه الأخت .



مقادير الأكسسوارات ~


خبز محمر بالزيت مقطع مربعات

البصل ~

تقطعونه شرحات وتقلونه لين يحترق ويتكرمل

قطعي بصله كبيره , وحطي عليها شوية صويا صوص , ذرة سكر أسمر , ذرة ملح ,ذرة ملح صيني ( جيني مو تو ) وشوية دقيق ..وأخلطيهم سوا




وسريع سريع أقليهم على طول , على نار عاليه .. وزيت غزير نسبياً ممكن يتعبك أثناء القلي ويتشابك , حاولي تكونين حريصه .



طريقة تقديم القادو قادو ~

بصحن شبه عميق , ماتحطونه بصحن عميق <=== شوي وتعصب .


المهم نصف الجزر والكوسا والفاصوليا






ثم نصف الملفوف , ومن فوقه البطاطس إذا كان مسلوق فقط , لو كان مقلي آخر شيء قبل الأكسسوارات طبعاً ..وبعد الصوص .



ثم نضيف الخيار والخس { بالطريقه التقليديه الخس والخيار تزين جوانب الصحن بس ماأحب هالطريقه أحب كل شيء يغرق بالصوص }





نضيف الصوص فوق الخيار والخس , وراعي الصوص مايكون بارد مره ولا ساخن مره وسط .

البيض أحب نضجه مثل الصوره ماأحبه ناضج مره , ولكم الحريه




يزين بالخبز المحمر, ثم البصل المقلي و البييض ( ودائماً هالخطوه آخر خطوه قبل التقديم بحيث لا يطرى البصل أو الخبز و ينشف البيض )

ممكن يقدم الخبز بصحن جانبي ,ويضاف حسب الرغبه.


الشكل النهائي ~

 

[بطه فيها نطه]

سلطة اخت الفته بالخضار المقليه

منقوله من : ام نواف



ابسدح لكم سلطتي المعتمده ماشاء الله ومن جاني طلبها من غير مبالغه
خطييييييييره

عبارة عن:
باذنجان مقلي

بطاطس مقلي
جزر مقلي

كوسه مقليه

طبعا بصل وطماطم مقطع صغار نحمسهم ونضيف عليهم ماجي وملعقة صلصلة طمام وشوي فلفل وكزبره واللي تحتب سبايسي تضيف فلفل حاااار او بودره تطلع يمي يمي

طبعا بعد مانحمسهم وتتسبك ونقلي الخضار نضيفهم عليها من 5 الا 10 دقايق يتسبكون مع الصلصه

والصوص زبادي وفص ثوم مهروس ناعم وملح شوي واللي تحب الدسامه تضيف ملعقة مايونيز

ممكن ترشون سماق على الويه مع البقدونس


اتركم مع السلطه

 

[نداااوووي]

رد : اطباق لذيذه ( سهل - متنوع - منقول - متجدد ) تابعونا

الله يجزاك الجنه

 

[أحلى^حياه]

رد: رد : اطباق لذيذه ( سهل - متنوع - منقول - متجدد ) تابعونا

يعطيج العافية

 

[78MariMar78]

ماشاءالله بطة

تسلم ايدك على النقل الحلو

 

[أحلى همبه كويتية]

كلج ذووووووووووق حياتي
تبارك الرحمن كل طبق احلى من اللي قبله
عساك على القوة
والله يهون عليكم ويردكم سالمين

 

[mrs_sugar]

رد : رد: اطباق لذيذه ( سهل - متنوع - منقول - متجدد ) تابعونا

كملي فديت قلبج

​

 

[مجرمه بريئه]

رد : اطباق لذيذه ( سهل - متنوع - منقول - متجدد ) تابعونا

يعطيك الف عافيه حبيبتى على الطبخات الرائعه

 

[78MariMar78]

رد: رد : اطباق لذيذه ( سهل - متنوع - منقول - متجدد ) تابعونا

بطة
بانتظار المزيد يا قلبي

 

[أم@الحلوين]

تسلم ايييييييدج ع الموضوع الرووووعه بطوطه

لايوقف:eh_s(9):

لايوقف:eh_s(9):

لايوقف:eh_s(9):

 

[ABEER FLOWER]

عبوره حبيبتي ( وايد فرحت بردتك .. )

حبيباتي كل الشكر لمروركم الطيب ...

فديييييييييتج بطه :fun:

من طيبج و ذووووووقج :eh_s(22):


ماشاء الله الأطباق راااااائعه

سلمتِ و ربي يهوّن عليج الغربه و ييسّرلج كل صعب ياااااااااارب​

 

[نونةo0o]

شغل عدل مدل
فدييتج

يعطيج الف الف عافيه
ربي يهون عليج غربتج

 

[أم حسون]

يميييييييييييييييي الفته شكلها خطيررررررررر

 

[sωεεт..αηGει..~]

رد : اطباق لذيذه ( سهل - متنوع - منقول - متجدد ) تابعونا

يعطيج الف عافيه جبوبه

يسلمووو <<<شهيتيني خخ​

 

[أحلى همبه كويتية]

رد: رد : اطباق لذيذه ( سهل - متنوع - منقول - متجدد ) تابعونا

تسلم الديات يا بطة


هاااااااااااااا وينك ؟


الله يونسك ويخلي كل ايامك وناسة يارب

بانتظار الأطباق الجديدة

 

[لوازم العائلة]

رد : اطباق لذيذه ( سهل - متنوع - منقول - متجدد ) تابعونا

لايوقف
لايوقف
لابوقف

 

[بشوره الكويت]

تسلم ادياتج بطووووووووووووووووووطه

ما تقصرين الله يجعلها في ميزان حسناتج
ربي يتمم عليج

 

[نيولوفر]

يسلمو و و و و و و و و