اطفال الانابيب محتاجة استشارتكم

[حنين ي]

:yaaaaaarb:

السلام عليكم ورحمة الله اول شي مبارك عليكم ماتبقى من الشهر الفضيل وعساه يعود علينا وعليكم بالصحه والعافية والامن والامان بقولكم سالفتي بختصار ياخواتي صارلي ٩ سنين متزوجة
والحمدلله على كل حال ربي مارزقنا عيال لان زوجي معاه دوالي وبروستاتا عسى ربي يشافيه ويعافيه ويرزق كل محروم اكيد بتقولون ليش للحين ماعالجتوا وليش ساكتين اسباب كثيره ياخواتي ماراح اتكلم فيها بس الحين راجعنا الطبيب عشان اطفال الانابيب وسوولنا تحاليل دم وزوجي سووله تحليل السائل المنوي
وباقي لي السونار وانتوا بكرامه ثاني يوم الدوره الي بعرفه من الي عندهم خبره بااطفال الانابيب شنو الخطوة الجايه وهل الموضوع يطول وشنو الاشياء الي سووها خطوه بخطوة وكم طولتوا يلا سويتوا العمليه يعني الي سوتها تذكر لنا تفاصيل ربي يفرج همكم ويرزقكم بالذريه الصالحه والي ماتعرف يكفيني انها ترفع الموضوع ودعوة منكم ولكم بالمثل يارب وشكرا

 

[7opyq8]

اول شيتوكلس على الله وكثري دعاء
وخللي الدكتور يكتب لج ولزوجج فيتامينات عشان تحسن جودة البريضه والحيوان المنوي
وكثر ماتقدرون شربووو ماي و اكلو اكل صحي هذا طبعا قبل لاتبلشون بالانابيب


طبعا من ثاني يوم دوره بتكونين ماخذه ابر تحضيريه كل يوم ابره بنفس الموعد
بعدين تبلش الدكتوره معاج ابر منشطه طبعا اذا بطانة الرحم عندج اوكي

ومع المواعيد تتابع انتاج البويضات عندج وتحدد موعد حق سحب البويضات يكون طبعا مع تخدير ومع السحب بياخذون من زوجج عينة من السايل المنوي

بعد السحب تبدا تعطيج ادويه تبلشين فيها تساعد على ثبوت الاجنه وابر سيوله ومثبتات تحاميل وحبوب
وبعدين تنطرين من الدكتوره اتصال تحدد موعد الترجيع اذا باذن الله تلقحت البويضات ولازم يوم الترجيع تكون المثانه عندج حيل مليانه تساعد الدكتوره تحدد وضع البويضات بالمكان الصح
بعض الدكاتره يكون عندهم الترجيع من ثاني يوم والبعض يفضل خامس يوم
وتستمرين على العلاج بالوقت التحليل يكون بعد اسبوعين ١٤ يوم ويبين ان شالله اذا في حمل
والله يرزقج يارب ويرزق كل محروومه بالذريه الصالحه