اطفال الانابيب

[طيبة الطيبات]

السلام عليكم اخواتى مبارك عليكم الشهر مقدما فى سؤال محيرنى عن عملية طفل الانبوب الحين اذا الزوج فيه ضعف والزوجه فيها ضعف تبويض بس مع العلاج وبداية العمليه تطلع بويضات احجامهم زينه وتتلقح ويصيرون من الدرجه الاولى بس تفشل العمليه سؤالى الحين الزوج تنحل مشكلته لما تتلقح البويضات

 

[فتكات بنت كيداهم]

مبارك عليج الشهر ياعمرى اذا الزوج عندة ضعف لازم ياخذ علاج لة لمدة 3 شهور وتنحل مشكلتة وبعدين تسوين عملية طفل الانابيب وانشالله يرزقج ربى

 

[طيبة الطيبات]

مشكوره على الرد انتى مافهمتى سؤالى انا سويت عمليات كثيره بس ابى اعرف لان يوم العمليه يقولون يكون فيه اقل من مليون وحركتهم بطيئه ويكونون معطينه علاج واذا عطاهم يقولون خلاص زين وتتلقح البويضات وتصير من الدرجه الاولى ابى اعرف يعنى المشكله تكون من رحمى ياليت احد فهمنى

 

[Coffee-Girl]

اختي انا الي اعرفه ان لازم الوحده قبل العمليه تاكل فولك اسد مدة 3شهور وقريت ان الفتامينات همن لها دور في الحمل

والله يرزقج ويرزقنا ياقلبي

 

[@@@ام حمووودي@@@]

اي حبيبتي المشكله تكون في الرحم على حسب بطانة رحمج ؟؟؟ شهر تكون البطانه سميكه وشهر تكون خفيفه ؟؟ واتوقع في علاج لبطانة الرحم ,,,,,

 

[Emanova]

اذا الريال و المره تعالجوا حتى لو الريال عنده مليون حيوان منوي سليم ...يوم عمليه الانابيب ( الحقن المجهري) و تلقحت البويضات و بلشت تنقسم ..خلاص يعني تكون الجنين بعدين على الله تثبت الاجنه فى الرحم و يثبت الحمل باذنه تعالى

 

[^DanaH^]

ماتقدرين تقررين شنو المشكله احتمال يكون المشكله في الاجنه اللي تكونت يعني تكون من الدرجه الأولى بس لما تنقسم وتكبر يصير لها تشوهات ورحمه من الله تطيح .... واحتمال يكون وضعيه الرحم ماتساعد في عمليه الترجيع يعني يكون رحمج مقلوب واهم يحطون الاجنه بالوضع الطبيعي .... وفي احتمال ان يكون غشاء الأجنه اللي تكونت سميك واذا كان سميك صعب يلتصق بالرحم فلازم يسون لها ليزر يقضون هالغشاء علشان تسهل التصاقها .... وطبعا كل شي باييد الله سبحانه وتعالى ....


ان شاءلله اكون جاوبتج اختي

 

[طيبة الطيبات]

الله يجزاكم خير على الرد انا لله الحمد مستمره على فوليك ايد صار 3سنين وعمليتى الاخيره سوالى الدكتور زيد ليزر وحطوا الاجنه وانا على بطنى لانى رحمى مقلوب انا سالتكم لانه زوجى يقول المشكله منك لانه البويضات تلقحت خلاص علشان شذى دايم اقوله من رب العالمين مو منى ولامنك