اطلب الطلاق...!!

[Bitoo]

بنات ساعدوني انا وحده متزوجه لي ثلاث سنوات وعندي طفله زي القمر بس مشكلتي ان زوجي يشرب الخمر :eh_s(11):
تعبت معاه كثيييير وكل يوم مشاكل عشان ذي السالفه كرهت حالي وكرهت حياتي وبديت اكرهه ياما تكلمت معاه ويوعدني انه يتركه لاكن للاسف مافي فايده كلمت امه وكلمت ابوه بس للاسف اكتشفت ان مالهم كلمه عليه يعني تكلمو ولا قعدو ماتفرق معاه كلمت ابوي المره الاولى واخذني عنده البيت وقعدت 3شهور ورجع يتأسف ويقول ويحلف انه ترك الخمر بس للاسف اكتشفت انه كذاب واخاف ارجع اكلم ابوي ثاني مرا يقولي خلاص اخليه يطلقك وانا خايفه لان عندي بنت وش السوات والله اني فكربه مايعلم بها الا الله وحده تنصحني وش اسوي....؟

 

[برق السحاب]

الله يعينك مدري وش اقولك اذ تقدرين تطلقين منه تطلقي لان السكران كل شي يسويه استخري وشوفي وش يناسك المصيبه الخمرماله علاج

 

[امـ خــزامـى]

استشيري احد كبير فاهم

ماعندي شي اقوله الا الله يفرررجها عليك ويسخرلك ويهدي زوجك

 

[انا لها شمس]

دامه يشربه اكيد يخربط مع بنات وقعدات
وانتي اذا تخافين ع بنتج صج خافي عليها وعليج
من مرض ولا مصيبه تجيكم من هالزوج الفاسد
بحال سكر او حتي بدونها لانه بدون ضمير زوجج

كلميه وكوني قويه وقد كلمتج ان هذي اخر مره وانج معزمه وناويه
تروحين لاهلج وتطلبين الطلاق لسوء العيشه اللي عايشتها

تعيشين مطلقه ولاتعيشين بمرض وعله
ولايهمونج الناس اذا كنتي ع حق

 

[منال $]

لا حول ولا قوة الا بالله
استخيري
وربي يكون معك

 

[يستفزني غلاك]

دام ماعندج إالأ بنت وحده الحقي على عمرج و بيت أبوج موجود مايخلونج
عشــــان بأجر لاقعدتي عنده بتجيبين منه عيال هديك الساعه بتحسسفين
و إذا ٱنـﭤي ماتبين الطلاق و متمسكه فيه
خلااص ادعيله و كلمي شخص قوي وفاهم يواجهه ويهدده عشــــان يعقل و الله يهديه ​ﯾ̃ﺂ̷̷ رب و يعينج ويفرج همج

 

[بحر الأشواق]

انا اقول دام عيلتي امسكي مجنونج لا يجيج اجن منه

 

[Um Tuki]

السكران ممكن يطق و يذبح و يغتصب !!

توقعي كل شي منه لأنه فاقـــــــــــــــد وعيه !

و انتي فكري ببنتج

اذا ترضين تربا و تكبر و هي تشوف ابوها سكران


يوم متحرش فيها

يوم كافخها

يوم طاق امها


فكري بعقلج حبيبتي

 

[فيلسوفة قلبي]

لآ حول ولاقوة الإ بالله ..

شنو هآالنآس اللي ضميرهآ ميت ..الله يهدي زوجج

إدعي له وعسى ربي يصلحه

 

[M!SS.LOBY]

الله يهديه

حاولي معاه اذا ما ترك العادة السيئة شرب الحرام اطلبي الطلاق

لان السكران غير مسؤول عن تصرفات يعني يرتكب اى جريمة من غير شعور خافي على رقبتج ورقبة بنتج لانه ما في امان فاقد الوعي

 

[سحابة امل]

كلمي ابوج مره ثانيه
مهما يكون ردة فعله اكيد بيحمج من شر زوجج

 

[زوجة عزيز]

الله يعينج ردي كلمي زوجج يمكن يفيد فيه شكله تحسف ترا مولازم في يوم وليله يترك الشرب صبري عليه وزعلي عليه اذا رد واهو شارب اهو حس بفراقج وياج يراضيج استغلي هالشي لصالح وخرعيه اذا عادها

 

[Bitoo]

بنات هو يشرب خمر بس مايفقد الوعي بس تصير تصرفاته هبلا ومالها معنى وريحته ياكافي كفايه انها من الكبائر بس هو مايفقد الوعي لي كم سنه معاه ولاعمره سبني ولامد ايده علي يشرب شراب غير وانه يتعاطى حشيش وغيره الي يفقد الوعي غير بس

 

[Tom ♥ Jerry]

,


سمعت آنه بالآسلآم حرآم تقعدين ويا وآحد يشرب خمر
الطلاق ابرك !

 

[Tom ♥ Jerry]

يقول الشيخ ابن عثيمين رحمه الله : أرى أنها إذا نصحته ولم يستفد فلها الحق في طلب الفسخ ، لكن قد يكون هناك أشياء لا تتمكَّن معها من الفسخ لأنها معها أولاد فتحصل مشاكل في الفسخ ، فإذا لم تصل معصيته إلى حد الكفر فلا حرج عليها أن تبقى معه خوفاً من المفسدة ، أما إذا وصلت إلى حد الكفر مثل كونه لا يصلي فهذا لا تبقى معه طرفة عين . اللقاء المفتوح س 518 .
ثانياً : أما النصيحة لها فعليها أن تقدر مصلحتها في ذلك و تستشير أهلها وقرابتها فإنهم أدرى بحالها ثم تستخير الله تعالى في أمرها فإن الله لن يضيعها ، وفي الأثر (ما خاب من استخار ولا ندم من استشار) فإذا اختارت الفسخ أو البقاء فلترض بقضاء الله لها ولتصبر وتحتسب

 

[صعبه]

مافي وحده اهني بتييج وتقولج تطلقي ! مانقدر نخرب حياة اي وحدة


عموما انتي قعدي مع نفسج وفكري بحياتج وف بنتج

 

[bride2011]

لا تتطلقين دامه ماضرج

 

[نـعـومـه]

اذا ماتاب خلاص اسنخيري وطلبي الطلاق لان مدمن خمر

 

[Pinky -cat]

الله يعينج عليه ، ادعي ربج وشوفي هالمنكر عندج بالبيت ولا برا لان له توابع ممكن فيه جللسات ويا بنات وغيره وتكون
مشكلتج اكبر ، فا انتي شوي شوي حاولي وياه ولا تتركين بيتج مافي بيت خالي من المصايب والمشاكل

 

[نـعـومـه]

بنات هو يشرب خمر بس مايفقد الوعي بس تصير تصرفاته هبلا ومالها معنى وريحته ياكافي كفايه انها من الكبائر بس هو مايفقد الوعي لي كم سنه معاه ولاعمره سبني ولامد ايده علي يشرب شراب غير وانه يتعاطى حشيش وغيره الي يفقد الوعي غير بس

بعددددد !! حشيش !

لان متمكن من الخمر بجذي مايفقد الوعي

وشي ثاني الله حرم الخمر بكبره ماحرمه بحالات !!!

وانا انصدم من البنات عندهم عادي !! لو وحده قايله انا اشرب وزوجي ساكت جان سبيتوها سب بس ريال حلال عندهم