اعاني من مشكلة بتخربلي استقبال عرسي!

[فَـــــرَحْ]

السلام عليكم
بنات بدش بالموضوع على طول صارلي 5 شهور متزوجه ماسويت عرس بس ملجه والحين بسوي استقبال وبلبس ابيض وشبكتي و فيه زفه يعني كأنه عرس بس بدون المعرس.
مشكلتي اني عاطفيه جدااااااااا وحساااااااااسه حيل؟! بملجتي غيرت زفتي خليتها عاديه مالت الجسمي لا اله الا الله عشان لا ابجي! وخليت اخوي يدخلني على بو انه يهديني و اتشجع... الحين مافيها اخوي ولا زفه عاديه امي تبي هب السعد! و لان امي تتمنى انزف عليها ومابي اردها. مشكلتي بعالزفه اني اموت من البجي لا سمعتها حق زفة ناس غيري شلون بزفتي !!!! كلش تخنقني العبره شلون لما اسمعها بزفتي و اعيش بكلماتها وايد حزينه تضيق الخلق :eh_s(2):
ابيكم تساعدوني مابي ابجي و اسوي فلم هندي!!! شلون اسيطر على هالمشاعر ابي اي مساعده نفسيه او تكنيكيه اي شي!!!


*للعلم انا سكنت بشقه مع زوجي وكل من يقولي لو اول مره تنزفين و توج بتروحين عن بيت اهلج نبلعها بس طلعتي عن اهلج .... بس هم ماقدر ابي مساعدتكم من تجارب شخصيه :eh_s(11):*

 

[ابيك م ابي غيرك]

الله يهدي قلبج حبيبتي ...

خلج ريلااااكس ولاتفكرين بكلماات الاغنيه ..

وذكري نفسج باي شي << مايحسسج


مووفقه قلبي الله يتمم لج على خير ..

 

[فَـــــرَحْ]

تمنيتك تحس .. كنت ريلاكس بالملجه بس كنت اطقكق وطق عرج بةيهي و براطمي كانت تتناقض هذا والزفه مو هب السعد! الله يستر

ماقصرتي حبيبتي

 

[Nazya.9]

حياتي دخلي وانتي مستانسه وانتي داخله لاتحطين ابالج انج زعلانه بالعكس حطي ابالج انج متانسه واهتمي بمشيتج وبالناس الي حوالينج عشان ماتنتبهين مع الاغنية

 

[فَـــــرَحْ]

اخاف اشوف رفيجاتي وامي وابجي عاد احنا كلنا على طريف ومن اشوف دمعة احد بتبجبج

 

[ليالي العيد]

يمااااه حتى انا زييج بس توني ماتزوجت الله يستر بعرسي شسوووي >>>أدعولي بنااات

 

[بنوته ستايل]

حطي فبالج اي شي يونس وخلي عينج ع الكوشه لاتطالعين احد كلششش وتذكري موقف يوووونس وتخيليه وانتي تمشين..

 

[bobo lover]

امبيه انا نفس الحالة
حدي حساسة ولما شغلتها مرة قعدت اصييح
وامي بجت الحمدلله والشكر
قلت ما دام جذي ماني داخله ههههههه

 

[سبحان الله .]

أتوقع ماراح تركزين بالاغنية حزتها بس تركزين شلون تخلصين هالمشية لي الكوشة لوول

 

[simply unique]

ما ظني من توتر الناس اللي تطالعج بتفكرين بكلمات الاغنية ..
العروس حزتها في لوية ثانية
بس في حالتج متزوجة وخالصة والله مادري شقولج..
اسمعيها كم مرة قبل الاستقبال
بتبجين مرة مرتين بعدين بتصير حالها حال اي اغنية عادية

 

[bal8es]

ماعندج سالفه خو عند ريلج يعني خلاص ماله داعي البجي
سمعيها لين تملين من كلماتها

 

[حلآآآتي غير]

اي والله تكفون قولولنا شلون نسيطر على مشاعرنا لوول

 

[kAmMoOnH]

هههههههههههههههههههه

الله يهنيك ويسعدك يارب

كوني قويه على ماقالوا وواذا جاتك العبره تذكري انك تسوينها عشان ترضين امك

الله يجزاك الجنه
ولازم قبل الزفه تقولين بنفسك وتكررينها بصوت عالي وانتي لحالك مارح ابكي عشان نفسيا" تكونين مستعده

بالتوفيق ولاتنسين تسمعين سورة البقره

 

[ELF Kuwait]

حبيبتي الله ايتمم عليج يارب والله دشي وانزفي على هالأغنيه احلى شعور واحلى شي
عساج تتهنين يارب العالمين
آمين يارب

واصلا حزتها ما يمديج اتفكرين اتمر دخلتج على الناس كأنها حلم
ربي ايوفقج آمين يارب

بس ضروري اتدشين وتفرحين واتسوينها لأنه لو لأ راح تتحسفين تجربه وبإمكانج اتعيشينها فرحي فيه والله ايوفق آمين يارب

 

[الـــغـــلآ]

وااااي انا كنت بحطها زفتي بس ما الله كتب

صج صج هالاغنيه لها هيييييييبه


بس انتي الحين ببيت زوجج

البنات يبجون اذا بيفارقون اهلهم اول مره

و السبب هذا مو عندج ،، اجل ليش تبجين


امسكي نفسج و قولي ماله داعي البجي و اصلا ليش ابجي و شنو اللي يبجي بالموضوع .. لازم ابتسم عشان شكلي يحلى و الصور


و ربي يووووفقج

 

[m6eria zoOo'3a]

لوووووووووووول الله يهديج بس ...يعني انتي عند ريلج ماراح يتغير شي بس اللي بيزيد بتسمعين هلاغنيه والعيوون عليج .. وصدقيني من التوتر واللووويه ماراح تسمعين كلماتها
ومثل ماقالووو البنات كل مافضيتي سمعيها لييييييييييييييييييييييييما يصدع راسج منها
والله يتمم عليج ويباااركلج

 

[@ DLOO3TAH@]

لا تفكرين بكلمات الاغنيه وبعدين أنتي خلاص متزوجه يعني الخوف وراح

 

[فَـــــرَحْ]

بعد عمري بناااااالت مشكوريييييسن وايد واااااايد.... بسمعها لين ما تطلع من جبدي عشان تصير عاديه


ادعووووولي!!!