اعترف بفشلي !!!!!!!!

[ام الكبتن ماجد]

مرحبا
بدش بالموضوع سيده وبدون مقدمات
انا اعترررف اي انا اعترف اني فاااشله بالموضه
ماخليت شي ماجربته وللحين مااعرف شنو يراكب علي..
اولا انا اعيش في بيت حموله ولازم اذا نزلت البس ملافع ..
ثانيا كل شي جربته خيطت اول شي دراريع بالعربيد للاسف عاديات وغير مميزات عمليات ..
موهني موضوعنا
انا ودي اذا صارت عزيمه او عشا يكون شكلي مميز يعني بدله راقيه ببحثثثت في كل مكان عن الشي اللي انا ابيه مالقيت
واخر شي عندما دب اليأس الي عقلي استسلمت ..
تكفووووون طلبتكم ابي الفزعه
ابي وحده كشششششخه وذربه وتعرف بالموضه تستلمني من الى ..
تعلمني وتدلني على اماكن وتقولي شنو الالوان اللي اشتريها
وربي ماراح انساها من الدعاااااء

اللي عندها استعداد تمشي معاي من الصفر تراسلني ع الخاص ..
واتمنى الكل يفيدني بشي .....
وشكراااا

 

[ام عجفة]

حبيبتي يبيلك فره علي المعارض والمشاغل وطبي وتخيري بالتوفيق اختي

 

[قاهره عذالي]

روحي محل الخطوط الذهبيه ومحل كراميل تلقينهم بالمنار مول

ملابسهم حلوه وتصلح للعزايم الكبار

هي عباره عن نفانيف وفساتين مو دراريع


العربيد ترا حلووو بس حسب الذوق والاختيار

في اللي دفش وفي اللي يعني وفي اللي حلو جد

العربيد فصلي منهم الدراريع اللي شيفونات وتجي بسيطه ورزه والا ترا العربيد تلقين مرات شي حلووو

وعندج في محل ملابس على الارض بسوق الشاهبندر

حيل حلوه ملابسه بعد نفس مستوي الخطوط الذهبيه وكراميل واحلى


الاهم حبيبتي تعرفين الموديل واللون اللي يطلع عليج حلووو ويخفي عيوب جسمج ويطلع زولج

 

[د-سوسه]

اختي حسب ذوقج انتي شتحبين !!
أنصحج ماتعتمدين على احد اتطالعين بالمواقع ملابس ولوكات الفنانات أو حتى البنات الي عالانستقرام والستايل الي يعجبج ركبي مثله او شي مقارب له ..
اعجابج انتي باللوك ونظرة الناس لج راح اتخليج مع الايام تلاقين نفسج انتي تلقائيا اعتمدتي استايل خاص فيج ...
تقبلي رايي وموفقه انشالله

 

[شندوخه]

انتي شنو تحبين الستايل الاوفر ولا النواعم يعتمد؟
الدراريع الراقيه عندج دار يوشا دايما ينزلون سوالف نازكه وحلوه
والبدلات اذا تحبين السوالف العمليه زارا وربعه
دشي مواقع الازياء وضيفي بلوغرز اللي متخصصين بالفاشن
وشوفي شنو اللي يناسب جسمج ولبسيه وحاولي تاخذين منهم افكار

 

[قمه النعومه و الأنوثه]

ياهلا فيج اختي ..

أول شي بما انج حجاب لازم تهتمين بنوعيه الملافع والشيلات ومولازم تعتمدين اللون الأسود في اللوان راقيه ودانتيلات واشياء حلوه.. في وحده اعجبتني شيلاتها الدانتيل مع اني سفور ما اعرف وايد

@s_sscarf
تلفون 97577552

الدراريع انا شخصيا احب ماركه ناتوري للإستخدام اليومي natori

حراير يابانيه والقماش طبعاته راقيه آخذهم من الطاهر وموديلهم راقي ما ايروح وباللبس غير حييل كلاس ومريحين حلوين للبيت
Natori Sebina Caftan Style T70019

الدراريع الكشخه عندج دار يوشا ومهره شغلهم راقي بمعنى الكلمه

الأزياء على حسب اختي في نفانيف حلوه وراقيه وأطقم حلوه بس ياليت تذكرين لنا القيمه اللي تعتمدينها بمشترياتج..

بعطيج أماكن الأسعار فيها بمتناول الجميع

محل bimba &lola موجود بالمهلب و 360 اشياء راقيه وذربه من ملابس واكسسوارات
وكذلك محل أتيركو اللي بالأفنيوز يم بروي من كل شي ملابس وجناط واحذيه واكسسوارات كل شي راقي
ومحل أدلفوا دومينغز بالأفنيوز الفيس 2 جبال كارولينا هيريرا واينزل بدل راقيه جدا..

وأي شي استفسار اختي احنا حاضر وحياج الله دوووم معانا

 

[ام الكبتن ماجد]

واي وااااي حياتي انتم صج تبردون القلب .
اانا احب الستايل الناعم لاني ضعيفه نوعا ما وقصيرونه
مااحب الدفاشه كلش

تكفون حطولي مواقع تهتم بالموضه او بالانستغرام حطولي اساميهم
وابي صووور من ذوقكم

انا صراحه يعجبني لوك سندس مالت المكياج اللي بالانستغرام

بردتو قلبي الله يبرد قلبكم

 

[georgi.e]

كنك تتكلمين عني عندي ذوق بس في السوق اضيع هههههههههه​

 

[بنت العقربيه]

انا من السعوديه


وياليتني اقدر اجي الكويت وانروح السوق واختار لك واساعدك

اتوقع فيه بنات مكن يقبلون يساعدونك لان احلى شي على قلوبنا يالبنات مشاوير التسوق


اتمنى لك التوفيق

 

[سلاسل ذهبيه]

رفع عشانج

 

[حبيبه جاسم]

اب
اب
اب

 

[اماراتيه!]

عاد انا بالامارات ما عرف محلاتكم ^^ بس انتي خذي اختج او حد تعرفين شو لبسه يعني وحدة كشخة و عقب اتسوقي وياها وخليها تساعدج او طلعي من النت صور جلابيات حلوة و فصلي شراتهم
و بالتوفيق حبوبه

 

[ام الكبتن ماجد]

تسلمون فديتكم

ياعسى ربي يوفق وحده وحده كل من رد علي سواء بالخاص والا هني


ماقصرتم فديتكم
بس للاسف للحين محد جاويني جواب يبرد القلب
وماقصرتو جميييييييعا ع اردود

 

[متوترة]

ام الكبتن
هاتي طولج وزنج لون بشرتج. لون شعرك . نوعيه شعرك . وجهكككك شكله رسمه حواجبج.. وعلى الاساس بيعطووونج الشيء الزين وبيدلونك

شكل الشيء المعيب بجسسسسمكك وهكذذذذذذذذذذذذذذذذذذذذذذذذذذذذذذذذذذذذذذذذذذذذذذذذذا

 

[ام الكبتن ماجد]

وزني 60
طولي 156
بشرتي حنطيه مايله على الصفار
حواجبي كثاف واحطلهم اكسجين وصبغ دايم رسمتهم وحده عاديات ارتبهم وكسره بالاخير

وجهي ضعيييف واماىسالفه الشعر انا مااقط ملفعي لاازم يكون علي


انتظر ارائكم ياعلكم توفقون وتتحقق امانيكم ياااارب

 

[hend6363]

شوفي المواضيع هني
و ان شاء الله راح تلاقين
و دشي موضوغ شنو ستايلج في بنات محجبات يهبببببل ستايلهم

 

[سوسو حبيبتى]

أفا عليج اظبطج دشي موضوعي كل يوم نحط بوستات فاشونيه

http://www.q8yat.com/t1037974-392.html#post32146533


ودايما وانتى بالمول شوفي شلون يلبسون الموديلز ودشي ع جوجل اكتبي بالانجليزي لانه يطلع لك احسن من العربي

واشتري مجلات وشوفي الصور واللبس والالوان

وشوفي الفنانات الى تحبيهم او تحسي انهم شياكه وركزي بلبسهم وحطي لك ليست وانزلي ع السوق قلدي لوكاتهم

 

[سوسو حبيبتى]

LOOKBOOK.nu: collective fashion consciousness.


Polyvore

NET-A-PORTER.COM | Luxury Designer Fashion | Women's designer clothes, shoes, bags & accessories

I love my hijab - Polyvore


المواقع دي هي التوب بالموضه احفظيهم عندك ودايما تابعيهم وهاتتدعي لى

 

[برونزية رشيقة]

سوسو حبيبتي : أمبييييييييييييييييييييي المواقع أللي حاطتهم مووووووو صج .. مشكووووووووووووووووووووووووووووووووووورة واااااي يهبلون

 

[دانه الخليج]

اب اب