اعز صديقة تزوجت .. ابي رايكم شهديها ..؟!

[بطاطا]

مثل ما هو بالعنوان .. :eh_s(15):

و ما لي الا خواتي في كويتيات صاحبات الذوق و السنع ..

محتارة حدي حدي حدي شاخذ لها .. اهيا ملجت ما عرست للحين ..

فهل الهدية الحين و لا بعد العرس .. لكن احتمال بس استقبال مو عرس ..

المهم

ابي شي لها يكون يديد و غريب .. و يمكن يفيدكم لو تعرفون عمرها ( 19 ) ..

ناطرة مساعداتكم .. و اوقفوا معاي ترا ما اعرف شي بهالسوالف ..

يعني اللي تقول المحل الفلاني او الفلاني تقول وين لاني ما ادل شي هني ..


و السموحة على الطوالة و الطلب .. و ناطرتكم .. :eh_s(17): ​

 

[سنـــــا]

والله حبيبتي انتي اكيد تبين شي تستفيد منه هي ..... وعن تجربه افيد شي للعروس الفلوس تحطينها بتغليف حلو وتهادينها . وهي تشتري اللي تبي فيه احسن ما تشتري لها شي عندها او ما تبيه

 

[بطاطا]

يعطيج العافية حبيبتي سنا

تسلمين على المساعدة و فكرة حلوة ما طرت علي على الاقل مضمون انها بتستفيد منهم







و ناطرة بعد آراءكم يا بنات كويتيات ..

 

[بطاطا]

شدعـــــــــــوة !!!!​

 

[غلاتي الكويت]

انا بعد رفيجتي بتتزوج ما ادري شعطيييهااا


حلوة فكرت الفلووس بس جم اعطيها ؟


انا فكرت اسوي لها ككاو حق العرس شراايكم !!


ولا ما تنفع


ما ادري ترا ما اعرررف

 

[Q8tya_GirL]

انا برايي تشترين لها صندوق كشخه و تحطين داخله
عطورات ودهن عود وبخوور وتودين الصندوق بيت الهدايا يزينه لج


او تاخذين لها ساعه كشخه و تغلفينها وتعطينها ايااااه

وسامحيني هذا اللي ابالي الحين

 

[طويلة البال]

اولا مبروووووووووووووووك و الفال لي ولج ولكل البنوتااات

اما عن الهديااا مممم مادري


عندج ساعه مااركه - جنطه مااركه- عطورات - فلوس شوفي شنو ناقصهاا وعطيهااا


وسلامتج

 

[المزيــونه]

شوفي حبيبتي دام اهيا اعز صديقاتج احجزي لها صالون عرسها واغلب العرايس يحطون عند فنادق او حنان دشتي وكلهم تقريبا اسعارهم 200 او 250 دينار مادري اذا اعجبتج الفكره او لا

 

[bnt_kwt]

انا افضل الفلوس
احسن واهي تستفيد منهم بطريقتها
واتحطين لها على حسب ميزانيتج
يعني اذا بتشترين ساعه قيمتها 250 ما تدرين اذا بتعجبها ولا لآ
خلاص حطي لها ال 250 وتشتري اللي تبيه على ذوقها

 

[مواســم]

انا اقترح عليج

تلفون نقال بس شرط يكون ليمتد اديشن وماركة بنفس الوقت
عشان يبقى مميز

مثل تلفون برادا ودولتشي اند قبانا وفرساتشي

والحلو بعد تعبين تلفونها اللي بتاخذينه لها بصور وخلفيات حلوة تناسب الموقف
ومسجات تنفعها بحياتها الزوجيه صدقيني بتستانس وطبعا بتستفيد منه

والله يوفقها

 

[ضحـاوي]

انا اقول اشتري هديه احسن عشان اتم عندها على طول

اخذي جنطه فندي عنده جناط روعه واسعارهم معقوله في 160دينار او 180 او 200 وشوي والله روعه يهبلون

او اخذي ساعه حلوه الساعات شكثرها وحده احلى من الثانيه

 

[.]

طقم ارواب الفوط لها ولريلها..

طقم عطور ..

خاتم ..

قلب ذهب..

تراجي..
جنطه..

جوتي..

اي شي اهي تحبه..

 

[Pink GirL]

انا افضــل انج تحطين لها فلوس مثل ما قالت وحده من الخوات

 

[^كويتية^]

أنا أقول طقم ذهب أبيض..،
وأسعارهم واايد حلوه يعني مو غالية.. و موشرط شي خببه .. لا شي ستايل وجذي تلقينهم بكل مكان .. وشحلاااتهم و تستفيد منهم بالطلعات..،
ولا تعليقة الماس تكون ناعمه وذربه ..
وااايد في شغلات ستايل وتترس العين وهم تدوم عندها

 

[ღ Prettyღ♥ღWoman ღ]

انا بعد رايي مع البنااات عن الحووسه والفرااره بالسووق وماتدرين اذا الي تشترينه راح تستخدمه او لأ لانهاا اهي راح تكوون مجهزه اغرااضهاا وشاريه الي تبييه

حطيلهااا فلوووس بصندووق من بوابة الهدياااه

او سئليهااا شنو تبي عادي مافيها شي

ممكن انها تكون محتاجه شي

او اخذي لها قميص نوم حلوو
لانه القمصاان النووم اكثر شي راح تحتاجهم​

 

[ليالي الكويت]

انا اقترح عليج

تلفون نقال بس شرط يكون ليمتد اديشن وماركة بنفس الوقت
عشان يبقى مميز

مثل تلفون برادا ودولتشي اند قبانا وفرساتشي

والحلو بعد تعبين تلفونها اللي بتاخذينه لها بصور وخلفيات حلوة تناسب الموقف
ومسجات تنفعها بحياتها الزوجيه صدقيني بتستانس وطبعا بتستفيد منه

والله يوفقها

من وين هالموبايلات اختي ؟؟
اول مرة اشووفهم

 

[بطاطا]

مشكوووووووووووورين خواتي .. :eh_s(8):

خذيت لها طقم بوك و جنطته و مدالية السيارة و كفر النظارة ماركة LV ..

و حطيت معاهم 4 عطور يدد نازلين ..

مرة كنا طالعين و قالت هذا عجيب خل نشتري و لا اقول لها لالالالا انا تعبانة و بعدها رحت خذيته لها ..


مشكورين حبايبي .. :eh_s(22):​

 

[تووت]

سوري على الفضول بس جم كلفتج الهديه على بعضها

والله يوفقها يارب وعقبال ماتهدييج

 

[بطاطا]

كلها على بعضها 60 دينار ..


اعذريني على التاخير .. ​

 

[شحروره؟؟]

حبيبتي بطاطا احسن هدية اهي الفلووس لان تعطيني واهي تشتري الي بخاطرها لا انتي تحتارين ودوري احسلج