حبايبى الفتاتيك والله بحبكم فى الله وياما اتعلمت منكم علشان كدة النهاردة جبتلكم اختراع انا عملته
انا كنت زهقانه وواعصابى مشدودة وجسمى واجعنى
رحت عاملاه ودلعت نفسى شوية
عارفين جهاز السيليوليت الى اسمه cellu 5000
دة بيتباع هنا فى المول هو شكلة كدة
دة بقى بيتعمل بيه ايه ؟؟؟
بيدلك الجسم وينحته و المفاجاة بيحسن شكل السيليوليت
طب بيستعمل ازاى؟؟؟
ايوووووووة كدة بيشفط الجلد جواه كدة وانتى بتكونى مرطبة جسمك كويس
وتبتدى تحركيه على المنطقه الى انتى عايزة تدليكيها فايعملها مساااااااج
هو تقريبا سعرة 150 جنية
طب ايه رايك ان فى ناس استخدمت حاجة تانية واديتها نفس النتيجة
وارخص كتيييير
ايه هى بقى (الحجامة)
هى بتعمل بنفس الطريقة بتسحب الجلد جواها وبتدلكى بيها جسمك وهو مترطب
زى كدة هى دى الفكرة تحريك السموم والسيليوليت اثناء التدليك
وبتتكون من مسدس وكاسات
ودة شكلها
بصو بقى انا مكنتش عارفة اجيب المسدس والكاسات منين وكانت الفكرة داخلة دماغى اوى
اسكت لااااااا طبعا
انا قلت هاجربها يعنى هاجربها
رحت عملت ايه بقى
اصل انا ناصحةرحت مشغله الانفوخى شوية بقى
ورحت جبت برطمان كريم قديم شكله شبه كاس الحجامة وسخنت السكينه الرفيعة على النار وخرمته على شكل دايرة صغنونة
ومن جوه هاتبقى كدة
وكان عندى خرطوم فلتر بتاع حوض السمك زيادة مش بستخدمة رحت مركباه فيها
ممكن تدورى على اى خرطوم رفيع عندك
ودة منظر تانى للاختراع اووووووووو لا لا خالص مش كدة
اهم حاجة يكون الخرم اديق شوية من الخرطوم علشان تزنقيه جواه وميعديش اى هوا
وتاخدية وتدخلى على الحمام وتشغلى الميه الدافية وتنزلى تحت الدش شوية
وبعدين اقفلى المية وحطى شوية شاور جل على ايدك وحطيه على المكان الى عايزة تدلكية
هاتلاقيه بقى مزفلط حطى بقى البرطمان عليه واشفطى الهوا من جواه هتلاقى جلدك اتشد جواة سدى الخرطوم بلسانك ودلكى المنطقة كويس واما تخصلى روحى لغيرها لحد ماتدلكى جسمك كله
اشطفى جسمك من الشاور وهتلاقيه لونه وردى كدة من التدليك اطلعى بقى ارقصى قدام المرايه
يووووه قصدى بصى لنفسك فى المرايا وشوفى الفرق والبسى واشربى كوباية ينسون دافيةوصباح الروقااااااان وعلى الاسترخاء الى هاتكونى فيه
وكمان هتلاحضى السيليويت بيختفى مع كتر الاستعمال وهاتحسى انك نشيطة كدة ومرتاحة
انا قلت اوريكم الحركة الى انا عملتها دى علشان تعرفو انا بحبكم اد ايه امووووووووووووه
ياريت تقيمو الموضوع علشان باقى البنوتات يشفوه يمكن يعجبهم
وحته دعوة صغنونة كدة بقى على الماشى ليا ان ربنا يعجل بزواجى ويجمعنى انا وخطيبى عن قريب
سلام يا حبايبى
م\ن
