اغراض الجمعيه

[فيفالدي]

لاني ماطبخ فاتكفيني تقريبا 50 او 60 دينار بس


اول شي قطن اذون - كير فري - كلينكنس معطر من بيبي جونسن مزيل للمكياج طبعا

لوشن حلو - شامبو - صابون - صابون سائل للاستحمام - ديتول للحمامات عزكم الله

معطر الارضيات - استيون - كلينكس عادي - كلينكس للحمام -

اغراض ولدي
حفاظات - حليب - سيرلاك - ميلوبا - عصاير حق ولدي - بودر - شامبو بيبي جونسن

اما للثلاجه

لازم كراتين ماي ثنين او ثلاثه ووو عصاير كي دي دي منقا وكاكاو واناناس وكوتيل لابو الشباب

مع خرابيط كاكاوات وشبسات والذي منه مع طبعا حلويات وعلوج

وايس كريم للسهره


وسلالالالالالالالالامتكم

 

[عهود الحب]

حبيبتي والله موضوعج حلو ومفيد

انا اقولج طريقتي بما انه انا ام وراعية بيت يعني ساكنة بروحي مع زوجي وعيالي

وطبعا مانلحق المعاش يخلص والطلبات ماتخلص



طريقتي معودة خدامتي وحاطة لها مذكرة صغيرة بالمطبخ كل ما خلص شي تسجله عندها بلغتها وقبل اروح اسألها وتقولي شنو مخلص
سواء شامبو صابون اكياس قمامة عزك الله قصدير الخ الخ حتى البهارات تسجل اسمهم عندها
ومعودتها تكتب بورقة لزق عالبهارات اسم البهار بلغتها بعد علشان ماتنسى فاللي يخلص يكون عندها وعندي خبر



2



عندي اوراق صفر صغار الي يتلزقون وملزقة عالثلاجة نقص شي ولدي يسحب ورقة ويسجل عليها او بنتي
اي احد المهم انه في متابعة مستمرة لكل نواقص البيت


3


زيارتي للجمعية كل شهر مرتين يعني كل اسبوعين مرة

مرة راس المعاش ومرة نص الشهر
وعندي كبت مخليته تخزين للاشياء الي ياكلونها عيالي واخاف يخلصونها
واخذ منها كراتين احسن واوفر
كل عصرية اطلع لهم وجبة خفيفة ياكلونها
بالاضافة للاكل الي ياخذونه الصبح للمدارس معاهم بخلاف المصروف اليومي يمكن يبون يشترون شي عن خاطرهم


4


احب اخذ واحد من عيالي معاي للجمعية او اثنين
يساعدوني ويختارون معاي الشي اللي يحبونه وهم يقرون لي القائمة مالت المشتريات ويساعدوني بالشيل والحط


دايما احرص ادور الاشياء اللي بالحجم العائلي مثال الحفاظات كراتين المنظفات

اسال اللي بالبيت دايمن شلون هذا زين عجبك ريحته موحلوة وهكذا
يعني دايمن متابعة لجودة الاصناف اللي اشتريها

دايمن اشتري الاغراض الاستهلاكية من جمعية الدفاع والخضرة بعد منهم لأنه خضرتهم نظيفة وطازجة
اما الزيتون والاجبان احب اخذهم من مركز سلطان قريب صوبنا واسعاره زينه بهالشغلات

في شغلات شكثر بعد اراعيها لما اروح الجمعية
بس ما تحضرني


اهم شي




لاتروحين وانتي جوعانة
تخمين الجمعية كلها هههههههههههههههه