افااااااا يا بنات الكويت

[chatterbox]

السلام عليكم

اول شي:
الله يحفظ لنا الكويت تحت راية آل الصباح قولوا آمين.
ثاني شي: في مواضيع اقراها بالمنتدى ترفع الضغط صراحة وعلى مايقولون باللغة العربية تثير الرعب في نفوس الكويتين كله هواش ونجرة و الفاظ مادري شلون صايرة وكلام عمرنا ماسمعناه ولا مر علينا من قبل,
افا عليكم يابنات الكويت ماعرفناكم جذي؟!!!؟؟!
كلام وافعال سخيفة من اشخاص مايندرى شنو نواياهم يخليكم تعادون بعض وتغلطون على بعض؟؟؟ يعني اللي بيأجج الفتنة بالكويت لو يقرا هالمواضيع ويسمع كلامكم بيستانس لانه نجح وسوا اللي يبيه وفرق بينا.
افااااا عليكم يا بناتنا يا بنات الكويت
انتوا ارقى واعلى من هالسوالف لا تخلونها تهزكم وتهز وحدتكم وحبكم للكويت وجميع فئات شعبها بدو وحضر سنة وشيعة طول عمرنا عايشين مع بعض عوايلنا متداخلة مع بعض. وايد اعرف حضر مناسبين بدو ومطران مناسبين عتبان وشيعة مناسبين سنة الولد عندنا سني وامه شيعية او مطيري وامه عنزية والا عيمي وخواله حساوية
هذي الكويت اللي نعرفها من عمر
وهذي الكويت الي نبيها ترجع لنا مرة ثانية
مانبي اي شي يفرق بينا
الصراحة انا صديقاتي مشكلين سنة وشيعة وبدو وحضر ولاني مستعدة في يوم من الايام توصل فينا المواصيل نتهاوش والا نتفارق بسبة كلام لا يودي ولا اييب على راسي البدو والحضر والسنة والشيعة وكل من يسكن على هالارض الطيبة كلنا خوات وكلنا كويتين.
واللي في راسه شر للكويت الله يرد كيده في نحره ولاتساعدونه بدون ماتدرون بهواشكم مع بعض وقولوا معاي عسى الله لا يفرق بينا وعسى الله لايحرمنا من بعض ويبعد عنا كل فتنة صغيرة او كبيرة بحق واحد احد قولوا آمين وهدووووا بالكم ترى الكويت ماتستاهل اللي قاعد يصير وكلنا ياالكويتين لحم اجتافنا من خيرها, وعيشتنا احسن بمليون مرة من كل الدير بالعالم والله يعز شيوخنا ولايغير علينا ويبعد عنا كل شر يا رب.

اللهم من اراد بالكويت وشعبها سوء فرد كيده في نحره واحفظنا في اوطاننا وانفسنا واعراضنا واموالنا برحمتك ياارحم الرحمين

 

[JaHRaweya{305}H]

آميييين ,, سلامتج من الضغط يامعوده ​

للأسف ماتقدرين تغيرين عقليات كل الناس إلا اذا نبذنا الاعلام الفاسد ومن يدعم أسماء بارزه في تفكيك الوحده الوطنيه​

المشاكل هذي كلها من راس الحيه قناة الفتنه الاولى سكوب والجويهل والفضل ,,, هالثلاثي بالتحديد وطبعا غيرهم كثير مزقوا الوحده الوطنيه ..​

لاااازم نكون ضد هالثلاثي بالذات وقتها بنثبت ان الكويتيين واحد ,,

لكن للأسف بعد فوز الثنائي الـ ..... ما اقول إلا الله يحفظ ديرتنا بس​

 

[عادت ذكرياتي]

الله يحفظ ديرتنا من كل شر ويوحد صفنا

 

[chatterbox]

الله يسلمج حبيبتي جهراوية
بس والله ياجهراوية (عاد انا احب اهل الجهرا وعندي ربع وايد هناك) ان الجويهل والفضل ماطلع لهم حس وقوت شوكتهم الا لان في ناس مأيدينهم ويصفقولهم على الغلط قبل الصح وبعدين اهم اعضاء بمجلس الامة الحين يتهاوشون يتذابحون احنا مالنا شغل فيهم احنا كويتين وقلوبنا على بعض ولا شي يأثر فينا دام حاطين رضى الله وحب الكويت جدام عيننا

 

[chatterbox]

عادت ذكرياتي
آمين يارب العالمين ويبعد عنا كل شر انشالله

 

[JaHRaweya{305}H]

الله يسلمج حبيبتي جهراوية
بس والله ياجهراوية (عاد انا احب اهل الجهرا وعندي ربع وايد هناك) ان الجويهل والفضل ماطلع لهم حس وقوت شوكتهم الا لان في ناس مأيدينهم ويصفقولهم على الغلط قبل الصح وبعدين اهم اعضاء بمجلس الامة الحين يتهاوشون يتذابحون احنا مالنا شغل فيهم احنا كويتين وقلوبنا على بعض ولا شي يأثر فينا دام حاطين رضى الله وحب الكويت جدام عيننا

حبتج العافيه >> كل من يحب الجهرا أحبه :friends:

للأسف كل من يصفق للجويهل والفضل وكل من صوت لهم هو مشارك في تمزيق الوحده الوطنيه ,,

 

[Smay mom6rah]

امييييييييييييييين وهذا اللي نبيه نرد نفس قبل متماسكين​

اللي يقهر فيه بنات لهم مواضيع وردود بغيضة كأن مثلا تدافع عن الثنائي بشراسة وتلقى ردود معارضة لها فتزيد النار حطب
وتزيد لعن وسب
طيب احنا رفضنا لهالثنائي هو كلامهم المثير للفتنة قبل المجلس وسبابهم للكل
والله يسامح اللي يصفق ويوافق على فرقتهم للكويتيين​

الله يحفظج ياكويت​

 

[حولة مركزة]

امييييييييييييييييييييييييييين الله يحفظ الكويت
وماقصرتي على هالكلام الحلووو

 

[سكارلت]

بصراحة لفت نظري عبارة غريبة بموضوعج الحلو
وهي أنج تعرفين واجد مطران مناسبين عتبان !!!
المعروف بين القبايل والعوايل أن عتيبة خوال مطير فمدري شنو الغريب لما توردين
كثرة المصاهرات بينهم كمثال حبيبتي أدري أنه خطأ غير مقصود بس
حبيت أصححه
والله يحفظ الكويت من كل حاقد حاسد مثير للفتن

 

[ملكه الاحسااس]

اميييييين ياربان تحفظ الكويت وشعبها

 

[>الحنان كله<]

امين

 

[ثريا الكون]

كل واحد ينام على الجنب الي يريحه مثل ما انتوا شايفين في اعضاء كفوئين في ناس شايفه جويهل والفضل كفوئين بعد وعلى فكره اذا جويهل والفضل يسوون فتنه انا اشوف هايف وربعه هم يسوون يعني الميزان راح يظل مو متساوي لان الشعب قاعد يختار وكل واحد له طريقة تفكيره انا من الناس اايد جويهل والفضل الصراحه راحه

 

[(عاليه المطيري)]

اميييين وماقصرتي محرمه الايدين الي كتبت من النار

 

[chatterbox]

حبتج العافيه >> كل من يحب الجهرا أحبه :friends:

للأسف كل من يصفق للجويهل والفضل وكل من صوت لهم هو مشارك في تمزيق الوحده الوطنيه ,,

كلامج صح بس انا اقصد ان المفروض ماننجرف ورى مشاعرنا ونتهاوش مع باجي اهلنا من الكويتين مثل ما بعض البنات مسوين

 

[chatterbox]

امييييييييييييييين وهذا اللي نبيه نرد نفس قبل متماسكين​

اللي يقهر فيه بنات لهم مواضيع وردود بغيضة كأن مثلا تدافع عن الثنائي بشراسة وتلقى ردود معارضة لها فتزيد النار حطب

وتزيد لعن وسب
طيب احنا رفضنا لهالثنائي هو كلامهم المثير للفتنة قبل المجلس وسبابهم للكل
والله يسامح اللي يصفق ويوافق على فرقتهم للكويتيين​

الله يحفظج ياكويت​

​

مو انا هذا قصدي ان تأييد بعض البنات لجويهل وربعه وتأييد بعضهم لفيصل المسلم وربعه المفروض لايفسد للود قضية
يعني اذا البنت قالت انها مأيدة جويهل فهذا رايها واهي حرة لان هذي الديموقراطية اللي المفروض ان كل الدول تحسدنا عليها واذا انا ابي اغير رايها اناقشها بعقل وحكمة عشان اجذبها صوبي ما اتهاوش معاها وازيد النار حطب وبالمقابل اهي راح تعاند ويزيد تمسكها برايها وبجذي اكون ساعدت بدون قصد مني كل اللي يبون يفرقون بين الكويتين
والله يحفظ لنا الكويت يارب

 

[سيلو 1998]

الله يحفظ الكويت
ويفكنا من الجويهل واشكاله ..
يع ـــطيج العاافيـه

 

[نسمة بحر]

وانا قول كلامج صحيح وانا معاج مهما اختلفنا بالاراء لازم ماننسى انه الكويت ديرتنا وامنا اللي عازتنا ورفعتنا عن كل الناس لو احنا من ديره ثانيه محد قدر يبطل حلجه بكلمه وحدة الله يعز الكويت ويعز شيوخنا واهلنا اهل الكويت وان شالله ماتفرقنا لا قبليه ولا طائفيه

 

[chatterbox]

بصراحة لفت نظري عبارة غريبة بموضوعج الحلو
وهي أنج تعرفين واجد مطران مناسبين عتبان !!!
المعروف بين القبايل والعوايل أن عتيبة خوال مطير فمدري شنو الغريب لما توردين
كثرة المصاهرات بينهم كمثال حبيبتي أدري أنه خطأ غير مقصود بس
حبيت أصححه
والله يحفظ الكويت من كل حاقد حاسد مثير للفتن

حلت ايامج حبيبتي
انا ادري ان هذا مو شي غريب وهذا اللي ابي اوضحه للبنات ان المصاهرات بين القبايل شي عادي ومن زمان لان في بنات مايعرفون سالفة النسب بينهم وتصحيحج على عيني وراسي
والله يسمع منج ويبعد الفتن عن ديرتنا

:eh_s(7):كلامج سليم :eh_s(7):​

xxxxx​

من تقصدين؟؟!!؟؟؟

اميييييين ياربان تحفظ الكويت وشعبها

يارب واتمنى الكل يدعي للكويت الله يحفظها مثل ماتدعون لعيالكم ولأهلكم لأن الكويت امنا ولانرضى عليها

الحنان كله<, post: 29249925, member: 337903"]امين

تسلمين حبيبتي والله يسمع منج

كل واحد ينام على الجنب الي يريحه مثل ما انتوا شايفين في اعضاء كفوئين في ناس شايفه جويهل والفضل كفوئين بعد وعلى فكره اذا جويهل والفضل يسوون فتنه انا اشوف هايف وربعه هم يسوون يعني الميزان راح يظل مو متساوي لان الشعب قاعد يختار وكل واحد له طريقة تفكيره انا من الناس اايد جويهل والفضل الصراحه راحه

طبعا كل واحد ينام عالجنب اللي يريحه هذي الديموقراطية اللي الكل يحسدنا عليها وانا معاج واحنا مانرضى التطرف من جميع اعضاء المجلس سواء جويهل او هايف او غيرهم واختلافي بالراي مع أي نائب مو معناته اني امشي واتناجر مع مؤيدينه بالعكس لان بالنهاية كلنا كويتين وكلنا تهمنا مصلحة الكويت عيل ليش المجلس فيه خمسين نائب؟؟؟ مو عشان يختلفون وبعدين يقررون الشي الأفضل للكويت؟؟ وكل واحد يمثل دائرته بجميع فئاتها؟؟ وحتى النائب اللي أأيده مو معناته اوافقه على كل شي يقوله لأ لأن النائب بالنهاية انسان مو معصوم من الخطأ ومرة أأيد نائب مرشح الدائرة الرابعة ومرة أأيد واحد ثاني من الدائرة الثانية ما فيها شي واتوقع محد يرضى باللي قاعد يصير بالمجلس من سب وهواش وألفاظ خارجة الصراحة تفشلنا جدام باجي الدول من فضايح المجلس

اميييين وماقصرتي محرمه الايدين الي كتبت من النار

الله يسلمج ويسمع منج والكويت تستاهل اكثر من هالكلام, الكويت تستاهل نوقف كلنا معاها حضر وبدو, سنة وشيعة وجميع الفئات حتى الوافدين لان الكويت ياما وقفت معانا وشيوخنا على راسنا مايقصرون

 

[chatterbox]

الله يحفظ الكويت
ويفكنا من الجويهل واشكاله ..
يع ـــطيج العاافيـه

اذا راح جويهل في غيره ألف جويهل والدليل العدد الكبير من الناس اللي صوتوله
قولي الله يفكنا من الفتنة ويرجع لنا الكويت مثل ماكانت واحسن
ويعافيج حبيبتي ويعافي كل كويتي يارب

وانا قول كلامج صحيح وانا معاج مهما اختلفنا بالاراء لازم ماننسى انه الكويت ديرتنا وامنا اللي عازتنا ورفعتنا عن كل الناس لو احنا من ديره ثانيه محد قدر يبطل حلجه بكلمه وحدة الله يعز الكويت ويعز شيوخنا واهلنا اهل الكويت وان شالله ماتفرقنا لا قبليه ولا طائفيه

يارب امين والله يستجيب دعائج ودعاء كل اهل الكويت الطيبين والله يقدرنا نعز الكويت ونرفعها مثل ما عزتنا ورزتنا والله ان الوحدة منا تسافراي ديرة بالعالم وتقول انا كويتية بأعلى صوتها ولاتخاف ولاتستحي الله يخلينا للكويت ويخليها لنا ويخليلنا آل الصباح فوق راسنا

 

[JaHRaweya{305}H]

كل واحد ينام على الجنب الي يريحه مثل ما انتوا شايفين في اعضاء كفوئين في ناس شايفه جويهل والفضل كفوئين بعد وعلى فكره اذا جويهل والفضل يسوون فتنه انا اشوف هايف وربعه هم يسوون يعني الميزان راح يظل مو متساوي لان الشعب قاعد يختار وكل واحد له طريقة تفكيره انا من الناس اايد جويهل والفضل الصراحه راحه

أخت ثريا هايف وربعه على قولتج يختلفون مع فئة معينه من الشعب وللتوضيح أكثر { مذهب الشيعه } لكنهم مايتطاولون عليهم بالكلام البذئ رغم اختلاف المذاهب لأن الشيعه جزء لايتجزأ من المجتمع الكويتي حالها حال القبيله,, الجاهل وربعه تطاولوا على القبايل أشكرااا ,, أوكي هذي نقطه

النقطه الثانيه ,, فيه ليبراليين غيرهم شكثر تقدرين تصوتين لهم ,, يعني ماتأيدين الا اللي تطاولوا على فئه كبيره من المجتمع مثل قبيلة مطير ,,, اسمحيلي كلامج مو منطقي !!

اسمحيلي حبيبتي chatterbox :eh_s(7): كان لازم أوضح هالنقاط للأخت​