افتتاح نادي كروس فيت الاول من نوعه بالكويت

[blue lady]

بنات في نادي يديد توه فاتح يدرب رياضة الكروس فيت

اهيا رياضة تعطي لياقة وقوة وتشد الجسم وتضعف

اللي ودها تعرف عنها اكثر تدش يوتيوب وتكتب crossfit

طريقة النادي غير عن الجيم العادي.. اهوا نظام كلاسات والتمرين حددده قوي انا داشة وايد نوادي ولا واحد فيهم لقيته نفس هالمستوى يعني اهوا يصلح حق اللي تبي تضعف واللي ودها جسمها يكون رياضي... وبالكلاس تلقون بنات من جميع الاحجام والاوزان والمستويات

حاليا الجدول الاربعا والخميس من 4 لي 5 ويوم السبت من 3 لي 4 وهالجدول قابل للتغيير

النادي مكانه يم فلكس اللي بالشعب بالضبط وسعر الاشتراك بالشهر 60

وهذا رقم المدربة اسمها فاطمة 60079911

وأي سؤال انا حاضرة

 

[حضن امى]

مشكوورة علي المعلومه

 

[ركووزه]

ما فهمت

الاربعا والخميس والسبت بس وباجي الاسبوع مافي

ومن ٤ الى ٥ او من ٣ الى ٤

يعني باليوم الواحد بس ساعه وحده بس

 

[blue lady]

​

اي اهوا طريقته مو اجهزة وجذي

طريقته تروحين بس وقت الكلاس

صج ان 3 مرات بالاسبوع بس يهلك وانا من اول يوم نزلت كيلو وجسمي بسرعة قاعد يتغير ولو تشتركين وتلتزمين بس شهر راح تشوفين فرق كبيييير

المواعيد هاذي مو ثابتة ممكن تتغير واذا تحسين مو مناسبتج تقدرين تدقين على المدربة تقولين لها المواعيد اللي تناسبج واهيا تقدر تغير

 

[yam_yam]

وناسه بروح اشوف

 

[blue lady]

باجر في كلاس الساعة ٣

اللي ما عندها شي خل اتيي تجرب ؛)

 

[_zahra]

شكرا لج بس مادليته مافي نادي يم فلكس غيره .

 

[blue lady]

امبلا حبيبتي انتي دليتيه اهوا بالضبط عند فلكس تصفطين بالبراحة اللي عند فلكس
بس اهوا النادي توه فاتح صار له اسبوع وللحين مو حاطين له لوحات بس مفتوح انا مشتركة فيه
اذا عندج أي استفسار دقي عالمدربة
وحياج باجر تدريبنا الساعة ٣
اذا ودج تيين قوليلي
واذا وصلتي دقي على المدربة تدليج النادي وين بالضبط

 

[_zahra]

خلاص صار ان شالله وبشوف

 

[حضن امى]

انا مافهمت اشترك ب60دينار بالشهر
وبس احضر 3جلسات بالاسبوع

 

[blue lady]

اي الاشتراك ٦٠ حق ٣ كلاسات بالاسبوع

بس هالكلاسات راح تعطيج نتيجة اكثر بوايد من النوادي العادية لأن التمارين حيل قوية

انا من مرتين حسيت قاعد يفرق جسمي

تقدرين تجربين يوم واحد اذا تبين ب١٥ دينار

 

[blue lady]

هذا اكاونت النادي في تويتر

@crossfit_kuwait

وهذا اكاونت المدربة

@atom_fitness

 

[_zahra]

وابسال اذا تدرين لاني ماتصلت عالمدربة صراحة ,للي عندهم عوار ظهر عادي والا هالرياضة فيها مناقز ؟

 

[blue lady]

اهيا فيها حركة ومناقز بس المدربة تقدر تساعدج تسوين تمارين بطريقة ما تعور ظهرج
اذا حابة تجربين تقدرين تيين يوم واحد تشوفين الوضع
وترا المدربة كويتية وحليوة عادي اتصلي عليها وراح ترد على كل استفساراتج

 

[blue lady]

هذا موقع النادي

www.q8trainer.com

 

[_zahra]

مشكورة ومتحمسة اروح ان شالله هالاسبوع بشوف الوقت اللي يناسبني واكيد اذا رحت الكلاس بكتب هني

 

[blue lady]

حياج الله بالنادي

راح تلقيني هناك

باجر الكلاس الساعة ٦ خل نشوفج

 

[CuteMeme]

تسلمين على الطرح الرائع ..~

 

[blue lady]

تسلمين على الطرح الرائع ..~

مشكووورة :eh_s(7):

 

[TOTA1]

بدخل وشوف واب خيتو,