افرازات بعد الولادة ساعدوني

[Um Tuki]

قوة بنات
ادري سندرتكم بالاسئلة بس انا والدة ابجري وماعرف شي وماعندي احد اسأله غيركم
كل يوم مجابلة هالآيباد واطقطق بهالنت ابي اجوبه على اسألتي


بغيت استفسر
انا لي شهر من ولدت الحمدلله
وتنزل مني افرازات لونها اصفر و ريحتها وايد كريهه

شالحل

و شنو ممكن استخدم

و متى يصير ارقد مع زوجي لاني وايد خايفة

ومستحية بنفس الوقت من هالافرازات لانها تقرف


صراحه ريلي يلمح لي و انا خايفة وايد
:eh_s(2)::eh_s(2):

للعلم ان نزل علي دم لمدة 16 يوم و وقف و ليحين هالافرازات ماوقفت لاعت جبدي

تكفوووووووووووووون طالبتكم ساعدوني
:eh_s(11)::eh_s(16)::eh_s(16)::eh_s(16)::eh_s(2):

 

[Um Tuki]

للرررررررررررررررررررررفع

 

[أم قمر]

روحي للدكتورة جيكي يمكن عندش التهاب

انتي شربتي حلبة بعد الولادة؟
هذي وااااجد مفيدة وتنظف الرحم بسرعة وترجعه مكانه
وهم تدر الحليب

احنا عندنا الوالدة لازم تشربها وحتى اللي أجهضت لأنها تنظف الرحم

 

[iLLuMinaTion]

الله يطمن قلبج

 

[تبطي عظم!]

الافرازات يعني التهاب ودام ريحتهم كريه اكيد التهاب راجعي دكتوره افضل

وبالنسبه للجماع بعد ماتطلعين من الاربعين افضل

 

[Um Tuki]

فديتكم مشكورين
ان شاء الله ارح اراجع اجوف شسالفة وانا عبالي ان الموضوع طبيعي

اما عن الحلبة فما خذيت شي كلش بالنفاس لان ماعندي احد يعرف ينفس

و لان احنا برمضان فأصووووووم

 

[pinkigigi]

شنو تصومين الله يهداج !

و هالافرازات هاذي بواقي النفاس و المفروض ما تصوميييييين يمكن حاشتج الالتهابات من الصوم و الجوع و العطش
رحمج طري يا قلبي
لازم احد يهتم فيج عدل عدل

روحي تلاحقي على عمرج و نطري لي اربعين يوم و اذا ما نزلت عليج دورة النفاس تحريها على نار
اول ما تنزل اشتري دويات و تنفسي فيها اسبوع

و الله يعينج و ريلج لازم يقدر حالتج بس ما الومه شافج تصومين قال الوضع عادي مافي شي يمنع الجماع

 

[Om_Ksha]

شلون نفاس وتصومين !!!!!!!!

النفاس ماعليها لا صلاه ولا صيااام !!
ولالالالالالالالازم تتغذين عدل وماتيوعين نفسج وتلتزمين بالادويه .. الله يخلي خبيره اعشااب تغني عن الكل ..

انا ابجري اهتميت من كل شي ادويه واكل ودفا ومع هذا نزلت علي افرازات وسالت البنات قالو مو متنفسه عدل مع انه شكو سويت كل شي المهم رحت الدكتوره
قالتلي احتمال التهاب فحصت ولا الحمدالله مافيني بس طلع فيني قرحه بالرحم !!!!!!!!!!! يبيلها علاج وانشالله بعالجها ,,وسالتها صج انه مو متنفسه عدل قالت لالالالالالالالا ماله شغل لانه هاذي قرحه

 

[الأميرة جوري]

يمكن الالتهابات ليش ماشربتى جاي اعشاب وحسو وايد زين ...

 

[om MaRyooM]

اختي انتي مااستخدمتي تحاميل تنظيف؟؟ نفس بيتادين ؟؟



وانصحج تروحين للدكتورة افضل عشان تعالجج

واذا عندج ظروف وماتقدرين تروحين استخدممي تحاميل البيتادين او سالي الصيدلانية احسن
واستخدمي غسول طبي .. عندج غسول abc وايد زين

 

[@ام يوسف@]

ااب

 

[الخزامه]

حبيبتي لازم تروحين للدكتورة واهي تفحصج وتقولج يمكن فيج التهابات

 

[sweeta77]

الافراز اذا معاه ريحه يعني التهاب
ويكون فيه حكه بعد
روحي للدكتوره لا تهملين نفسك

 

[sweet lady]

حبيبتي هذا التهاب ولاتهملين نفسج روحي للدكتوره عشان تتعالجين

 

[مألوفة]

روحي حق دكتورتج خل تعطيج تحاميل اتنظف الرحم قبل لا اتخلص الاربعين

وخل تعطيج غسوول غسلي فيه ويستحسن يكون غسول اعشاب

واستعملي التحاميل خل تنظفج وتشيل عنج الافرازات ولا طلعتي من الاربعين اهني عاد جامعي ريلج ترى مو زين قبل الاربعين

 

[Um Tuki]

مشكورين خواتي ماقصرتوا والله
اليوم بعد صلاة الفجر حطيت لي تحميلة البيتادين و رقدت ٣ساعات
نزل علي نفس الماي و بقايا دم

هل هذي الدم يفطر؟؟؟؟

و ناطره بعد عشان اشوف النتيجة



اما عن صوم رمضان فخالاتي كلو قلبي صومي صومي بصير عليج وايد

و هذي استحاضة وماعرف شنو

والحين خلاص مابقى شي ويخلص رمضان