افرازات بنيه غامجه ودم احمر وقت الدوره

[ليلة الزفة]

هلاا بنات


انا الحمدلله دورتي منتظمه واذا تلخبطت تجدم كم يوم وتأخر كم يوم


المهم آخر مره يتني نزل معاي نقطة دم وافراز بني بس اليوم اللي بعده نزلت الدوره عادي

بس هاي الدوره نزل علي افراز بني وقلت اكيد الدوره لانه بموعدها ولين اليوم اللي بعده ما نزل شي بس يوم اروح الحمام عزكم الله وابول احط الكلينكس كان في دم وردي فاتح

وبعدها ما نزل ابددد شي لين اليوم اللي بعده

وامس على العصر نفس الشي سويت نفس الحركه بالكلنكس وكان دم احمررررر مش نقطه

المهم الحين دشيت برابع يوم ومافي شي ولما احط الكلنكس بس افراز بني غامج


اول مره تتلخبط عندي جي


بنات ريحوني


مممكن يكون حمل ونزل علي دم ووقف واللي صار معاها نفسي وطلعت حامل تخبرني


ولا هاي لخبطة في الهرمونات

 

["*آآآنؤؤؤقهـ*"]

نفس حالتي قبل شهر بس امسح بكلينكس تعذبت لدرجه شكيت حمل وسويت سونار وتحليل ماكو شي

اخرتها نزلتها حبوب .. طبعا مراجعه دكتورتي ..


والله يعينج .. وان شااءالله انتي حامل ..

 

[رووح ابووها]

لا صعبه يكون حمل لان الدم نزل بوقت الدوره اذا حمل يكون ٥ ايام على الاقل متاخره

بس لو تحللين هرموني افضل
والله يكتب الي فيه الخير

 

[ليلة الزفة]

مشكورين على الرد بناااات


بس شو اسوي علشان تنزل تتوقعون الجرفه اوكي


وايد مضايجه هالشي اول مره يصير معاي


واتمنى اشوف ردود اكثثر

 

[طيشن على جديه]

انا في بنتي جذي نفسج نزل علي دم قبل موعدها بثلاث ايام وصارت دوره افرازات بنيه ودم احمر لمده ثلاث ايام واختفيت رابع يوم
استغربت اول مره تصير معاي جذي ,,


قعدت انطرها لسادس يوم من الدوره ماكو فايده مانزلت رحت اخذت تحليل منزلي حمل وطلعت حامل وجبت بنوته ..

وامي اذا حملت اذا جا موعد الدوره لازم ينزل عليها بقعه دم حمرا نفس الماي وبعدها تختفي ..

انتي اصبري لاتروحين لما تتاكدين اصبري جم يوم وسوي تحليل منزلي اذا مافي حمل سوي هرموني اذا مافي شي روحي لدكتوره ممكن الدوره متلخبطه ..

و ان شاءالله يكون حمل ..​

 

[أأأميرة الورد]

اتوقع دوره بس لخبطة هرمونات والنفسيه تلعب دور

الله يرزقج وتكونين حاملً

 

[ليلة الزفة]

حبايبي مشكورين والله

بنات انت لازم اخذ حبوب بروجلتون باجر


مب عارفه ابدى فيها او لاء

انصحوني بنات

 

[عسل حدي]

رب لا تذرني فردا وانت خير الوارثين