افرازات

[السعاده]

مرحبا خواتي والله مالقيت احد اشكيله بعد ربي غيركم
زوجي مسافر ودكتورتي اللي اراجع عندها دقيت عليها ابي موعد قالوا لي اقرب موعد 5/3وبصراحه مافيني اصبر حيييل خايفه هذا حملي الاول بعد خمس سنين علاج

ما اطول عليكم معاي افرازات صفراء احسه اكثر من المعتاد ولا له ريحه ولاحكه بس خايفه منها وانا بالاسبوع السادس اللي حولي يقولون لي عادي بس انا خايفه

ابي احسن دكتور او دكتوره بالجهراء وبقيت اسأل عن دكتور ماجد عياده مبطله باجر وبنات منو مر عليها مثل حالتي

 

[احساس نادر]

الافرازات طبيعيه طول فتره الحمل واذا فيها لون احتمال التهاب بالمسالك البوليه عادي لا تحاتين

 

[حنوشتي]

حبيبتي لاتخافي انا نفسك بالاسبوع السادس ان شاءالله يتمم حملي وحملك وكل البنات يارب انا اتصور شي عادي انا بتصير معي رطوبة واحياناااا ماء وحكيت لدكتورتي قالت عادي بس ارتاحي راحة تامة

 

[حبيبي مالكني]

ماعليج شر ان شاء الله
أهي الفرازات وقت الحمل طبيعية بس تكون لا لها لون او ريحة او حكة
انتي روحي للطبيب احسن
عشان تعالجين الالتهاب بأوله

 

[bnt_kwt]

لا تحاتين حبيبتي
الله يتمم حملج
الافرازات عادي وطبيعيه بفتره الحمل
انا بحملي الاولي كنت وايد احاتي هالافرازات
بس الكل كان يقول لي عادي وطبيعي