افرت سنغافورة وماليزيا + مقارنة بين ما خذيت من معلومات وما شفته حقيقة

[ذات الهمة العالية]

السلام عليكم ورحمته الله وبركاته

بفضل من الله ياما فدتونى بفيدكم عن سفرتى

وبقولكم شنو جمعت من معلومات وشلون بعضها تبخر لما سافرت

وشنو حقيقة رؤيتى للدولتين معاينة غير اللى قريته


وشنو الشياء والأغراض اللى تندمت ما شريتها لما رجعت الحين


( وأشكر كل عضوة ساعدتنى وخاصة مييييمى ولو إنى شفت ردها الخاص بعد ما جيت قدر الله وما شاء فعل )
وترى ما حفظت الماكن بشوف شلون اطلعهم من النت ..

 

[سرقت النوم]

ياريت تنزلين الموضوع بشكل كامل عشان الكل يستفيدج لأن بروح سنغافوره على تاريخ 1\8 و بقعد 10 ايام و ما عندي فكره عنها

 

[داريــن 85]

رد : افرت سنغافورة وماليزيا + مقارنة بين ما خذيت من معلومات وما شفته حقيقة

مشكووووووووورة

 

[العود الأصلي]

عفية ردي علينا تري سفرتنا قربت

 

[ذات الهمة العالية]

السموحة أمس ما كان لى وقت اكتب

عاد حاسة فيكم لأن وضعى مثل وضعكم قبل لا أسافر

صار لى ساعة بحط لكم صور ما أقدر ما أدرى ليش هالمنتدى جذية

خلونى بالكلام أقولكم

وبوصف بدقة لأنى أنا كنت أبى احد يكتب لى تفاصيل التفاصيل

وبوصف حق اللى ما تعوده على سفرة طويلة وحدها الدول العربية والخليج

المهم رحنا المطار ورسوينا الحجوزات
ودخلنا المطار

وحاولى لو كان المغرب تصلين المغرب ونطرى ليما يأذن العشاء بعدين صلى

ومهم مهم مهم تعرفين شلون تصلين فى السفر

دوروا بالنت مسائل المسافر لأبن عثيمين مهمه جدا ولا مانعرف شىء من التفقة فى الدين حتى من بعض اللى بادين الإستقامة

أو شوفوا كتاب الملخص الفقهى حق صالح بن فوزان الفوزان أخذوه علشان أى شىء يشحره له بأختصار سهل مفهموم




وأخذوا ساعه الفجر هذا اللى نسيناها وعرفوا شلون تحطون من خلال الكتيب على الصلاة بتوقيت سنغافورا وعلى الصلاة بتوقيت ماليزا ولو يحصل بشترى ساعة يد أفضل لى



بعدين تركبين الطيارة حطى فى بالك أن ممكن تروحون أبوظبى
أنا كنا طيارة سنغافورية تهبل

بس انتبهوااااااااااااااااااااااااااا بسنغافورا ببتعبون ما تلقون أكل حلال تثبتوا حييييييييييييييييييييييييييييييل سألوا المطاعم واللى يبيعون الوجبات هل حلال
وهم صادقين يقولون لكم مو حلال ما يهمهم تشترتون


الطيارة السنغافورية أو شىء يوزعون لكم فوط حارة تمسحين أيدك وجهك اللى تبين

وبعدين يأخذونهم منكم

ويعطونكم قائمة الطعام

حاولوا ما تقربون للحم أو تسألون عن اللحم

وأن جنبت آكل منهم برد لأن مو واضح مكوناته ديروا بالكم حتى البرد يكتبون على البرد الحلال حلال


المهم شوى بتتعبون بالطيارة وحاولوا تتحركون لن المسافة بعيدة


ولا تنسون شلون التوقيت حق بقية الصلوات مثلا دخل عليكم الفجر ..

 

[ذات الهمة العالية]

خذيت فكرة عن سنغافورا أنها بس غالية
وشفت صور لمجمعاتها

هذا اللى عرفته من النت

وإن جاءتنى معلومات أكثر من ميييمى الله يجزاها خير بس ما قريتها إلا بعد رديتى بحمد الله


لما وصلنا المطار كان كبير ونظيييييييييييف وناسة يهبل تنزلزن على السوق الحرة نفسه بعدين تنزلزن مثل الدرى نفس الكويت تروحون تخلصون إجراءاتكم

وترى لأنى مو مسئولة عن الجوازات بالطيارة أو بالمطار يعطونكم اوراق تعبونها طبعا ما أعرف فيها شىء

واللى منقبة تحرص يكشفون وجها بروحه وتراهم ناس متفهمين

غير ماليزيا اللى مسلمة بس حسبى الله ونعم الوكيل فى هالأشخاص والحريم اللى يبون المنقبة تكشف وجهها جدام الكل
اللى لابس نقاب جذية تلقينها تفك وجهها
واللى لابسة نقابها لله وحده تلقينها تحرص ما تفك وجهها إلا لمرأة وتطابقها


والسوق الحرة حق سنغافورا أنا شخصيا عجبنى وكثر ما تقدرين خلى فلوس حق السوق الحرة من عطورات أو جناط وفى محل ميو ميو يهبل
شفت بوك جديد ب130 تقريبا كويتى ما أدرى هنية جم

وعندهم صيدلية بالسوق الحرة تحسفت حدى ما قدرت اشترى منها

وفى عندهم أجهزة هم بعد أسمها osim فى عندهم جهاز صغير مساج للوجة والجسم ومشط شعر يمكن ب100 دولار سنغافورى إذا مانى غلطانة شريته بس ما استخدمته

واعتقد 50 دولار سنغافورى يساوى 10 تقريبا وكسور

وعندهم جهاز لمساج الرجل عجيب أعتقد فى منه بالغانم بس الموديل القديم

وفى جهاز يهبل متحسفة ما شريته لأن ما مشت بطاقتى على الآلة عليه عرض حق الكرشة وفى حق الزنود للكرشة ب 370 أو 300 دولار سنغافورى

خلونى أحط لكم موقعهم لحظة

www.osim.com

أنا حيل عجبنى ما أدرى عنكم شوفوا واحكموا

وفى جهاز حق الأكتاف مو موجود حتى بالنت صج يهبل يريح كتوفه خاصة لدواماتهم طويلة



وفى السوق الحرة محلات جناط ماركتهم نسيت اسمها تبدا بالحرف v بس مو رخيصة فيها ب70 دينار

وترى ما قدرت أشوف السوق الحرة كله وإلا يهبل واساسا ميزانيتى مو زود كانت

وفى مطعم انتبهوا للحم ما يكون لحم بوك


خلصنا المطكار واخذنا جناطنا
وقعدنا بقاعة شوى ونادونا للباص وكان مطر عجييييييييييييييييييييييييييييييييييييييييييييييييييييييييييييييييب

ووصلنا الفندق باكر أحاول اجيب لكم أسم الفندق الحين عندى شغل أو أشوف شلون اطلعه بالنت

 

[أم سيف وسلطان]

ننتظر تكملة تقريرج

 

[أقسى جرح]

حمدلله على السلامه

وناطرين التقرير وياريت يكون متواصل

 

[عيالي...حياتي...]

حمدالله ع السلامه
حبوبه

وناطرينج على احر من الجمر...

 

[سفرجل]

انا رحت لسنغافوره صج عجبتني بنظافتها وممنوع تقطين شى على الارض او العلج على الارض
انظييييييييييييييييفه انظييييييييييييييفه كافي لمن تتنفسين اتحسين صج اكسجين نظييف
بس للاسف ماقعدنا الا 3 ايام ومع قروب
بس صج صج غاليه وناس هاي هاي
بس اتمنى اني ازورها مره ثانيه

 

[caramela 85]

يعطيج العافيه ناطرين التكمله

 

[الحرير]

انصح الكل بزيارة سنغافورة اذا كان ناوي السفر الى ماليزيا
مطار سنغافورة صج صج صج يهبــــــــــــــــــــل وكبيـــــــــــــــر وروعـــــــــــــــــــه
مشكورة حبيتي ذكرتيني بسفرتي :33_1185028183:

 

[احب المنتدى]

رد : افرت سنغافورة وماليزيا + مقارنة بين ما خذيت من معلومات وما شفته حقيقة

اب


اب

 

[^مرايم^]

ناطرين

 

[غفرانـك]

آلحمدالله على سـلآمتج

نآطرين تقريرج حبيبتي

 

[تيلي توبيس]

وينج ماكملتى ؟

 

[محلبية]

الحمدلله على السلامة
اكملي ناطرينج

 

[Muslimh]

بصرااااااااااااااااااااااااحة في نضري ماليزيا مافي مثلها

 

[جوري 2007]

صاجة مطار سنغافورة من احلى المطارات اللي رحت لها

السوق الحرة مايخلص وكله محلات راقية وماركات ومطاعم وكافيهات وفيه برجر كنج بس جنه ماكان حلال

والديرة حلوة وراقية بس موذيك النظافة اللي متخيلينها عادية

بس هم تعتبر ماليزيا اكثر سياحة من سنغافورة

 

[الجـ88ـوري]

رد : افرت سنغافورة وماليزيا + مقارنة بين ما خذيت من معلومات وما شفته حقيقة


وينـــج ناطرينج ؟؟؟
اتمنى تردين بسرعه لاني حاجزه على ماليزيا بعد عيد الفطر وابي استفيد لانها اول سفره لي